Iniciar sesión: Acceso

Plan Proxecta, Proxecto Deportivo

Calendario de Merendas

A seguinte actividade, dentro do noso Proxecto Deportivo de Centro, foi un calendario de merendas. Trátase de traer cada día da semana, o alimento que se indica para o período de lecer. Levouse a cabo dende o luns 14 de decembro ata o venres 18.

Con esta actividade tratamos de  concienciar ao alumnado da importancia dunha dieta suficiente e variada; que sexan conscientes de que alimentarse ben é fundamental para a práctica de actividade física, entre outras cousas.

O calendario a seguir foi o seguinte:

- Luns: Froita

- Martes: Bocadillo ou sandwich

- Mércores: Lácteos e derivados

- Xoves: Froita

- Venres: Libre

Valoramos de xeito positivo o resultado obtido, a involucración do alumnado, o interese…

Liga de baloncesto

No mes de novembro, fixemos unha liga de baloncesto no tempo de lecer da maña.

Os martes xogou o alumnado de 1º, 2º e 3º; un total de 13 alumnos/as distribuídos en 4 equipos.

Os xoves 4º, 5º e 6º, 16 alumnos/as que formaron 4 equipos.

Os equipos son mixtos, contando polo menos cun neno e cunha nena; ademais deberán ter un participante de cada curso (por exemplo, un neno/a de 4º, un neno/a de 5º e un neno/a de 6º).

En cada recreo xogáronse dous partidos de 10 minutos. O sistema que levamos a cabo foi o de liga, onde todos os equipos se enfrontaron entre si ao longo do mes de novembro. O último martes e xoves do mes, fixemos un partido libre para despedir esta primeira liga de baloncesto do colexio.

O alumnado estivo moi motivado ante esta iniciativa, con gañas de participar. Aproveitamos para fomentar este deporte, para dar a coñecer aos nenos/as as súas regras, aspectos básicos do mesmo..

 

Ante a boa acollida que tivo, a ilusión que xerou nos nenos/as, o que disfrutaron…non descartamos que nos próximos meses o baloncesto sexa de novo o protagonista dos noso tempo de lecer. 

Tempos de lecer saudables

Dende o día 1 de outubro buscamos que os tempos de lecer sexan máis activos, máis saudables, nos que a actividade física estea presente. Para iso organizamos recreos saudables que se levarán a cabo durante todo o curso.

Temos 3 zonas co seguinte material:

  

ZONA 1: Patio cuberto pequeno → 1 Pelota baloncesto, 2 pelotas espuma, 3 cordas.

 ZONA 2: Pista polideportiva descuberta 1 Pelota de fútbol, 1 pelota de baloncesto, 1 pelota balonmán.

 ZONA 3: Parte descuberta → 2 Pelotas voleibol, 1 pelota espuma (brilé), 3 aros grandes, sacos.

 ZONA INFANTIL: (Columpios e areeiro) 1 Pelota espuma, 3 pelotas plástico, 5 aros pequenos.

O alumnado está distribuído en 3 grupos: 1º e 2º, 3º e 4º e 5º e 6º. Rotarán seguindo esta táboa:

 

ZONA 1

ZONA 2

ZONA 3

LUNS

1º / 2º

3º / 4º

5º / 6º

MARTES

LIBRE

MÉRCORES

3º / 4º

5º / 6ª

1º / 2º

XOVES

LIBRE

VENRES

5º / 6º

1º / 2º

3º / 4º

 

Os luns, mércores e venres cada grupo xogará na súa zona co material que lle corresponde.

Os martes e xoves pódese xogar en calquera das zonas, con calquera material e con calquera compañeiro /a.

O material de cada unha das zonas cóllese ao comezo do  tempo de lecer (tanto no da mañá coma no do comedor) e débese deixar recollido ao rematar.

Os días que chova non se seguirá esta organización, dadas as limitacións dos espazos.

 

Levamos dous meses con esta actividade e a valoración está sendo moi positiva: conseguimos que o alumnado faga máis actividade física durante os tempos de lecer, que amosen máis interese polo exercicio, que se relacionen con todos os alumnos/as do centro…

O exercicio físico proporciónanos moitos beneficios: mellora a nosa saúde, as nosas relacións sociais, axúdanos a relaxarnos e a durmir mellor, a aumentar a nosa forza, resistencia e axilidade.

Fortalece os ósos e músculos, é bo para o corazón e os pulmóns…

 

“O mellor camiño é a actividade física; pona na túa vida”

Mascota deportiva e recreos saudables

Comezou o Proxecto Deportivo de Centro co obxectivo de fomentar a actividade física entre o alumnado.

Unha das primeiras actividades propostas é a dos recreos saudables. Aquí podedes ver como se organizan os recreos (luns, mércores e venres por zonas; martes e xoves libre).

Outra actividade proposta tamén para o mes de outubro é “a mascota deportiva de centro”. Puidemos ver nesta actividade ganas, traballo, ilusión, afán de superación, creatividade, orixinalidade…A verdade que os nosos alumno/as fixeron verdadeiras xenialidades . Por este motivo, decidimos que todas elas formasen o equipo deportivo do cole. Todas aportan o seu gran de area, cada unha ten o seu papel dentro do equipo, todas son igual de importantes, compleméntanse.

Nos próximos días darémosvos máis información sobre as nosas mascotas, e contarémosvos como se organizará a actividade do mes de novembro do PDC: liga de baloncesto.

“A educación é moito máis que a Educación Física…pero moi pouco sen ela”. Hammelbert

Proxecto Deportivo de Centro 2015 - 2016

Este ano decidimos elaborar un Proxecto Deportivo de Centro co obxectivo de fomentar a actividade física entre o noso alumnado.

No seguinte enlace, podedes ver a súa organización, desenvolvemento, actividades...PDC

Animámosvos a que o leades.

Distribuir contido