Como cada ano, chega o Entroido ao colexio dos Tilos.
Os nenos e nenas preparan os seus disfraces . Ataviados con chapeus, capas e caxatos , corren o Entroido como peregrinos do Camiño.
Cunhas rosquillas e unhas orelliñas adozamos estes días de troula que tanto precisamos.
Se premes na imaxe unha sorpresa atoparás.
Coa celebración do Día Escolar da Non -Violencia e a Paz, queremos promover entre o noso alumnado os ideais de Paz para avanzar cara unha sociedade máis xusta e construir un futuro mellor.
Comecemos sendo cordiais entre todos nós: dar os bos días ás persoas coas que nos cruzamos, regalar sorrisos en vez de malas caras ou ensinar a dar as grazas son pequenos xestos que favorecen a convivencia e a resolución de conflictos.
Para rematar a Semana Terrorífica nos Tilos, o venres 29 os nenos e nenas disfrazáronse de bruxas, esqueletos, morcegos...Foi unha mañá moi divertida e a ledicia invadiu as aulas.
