Skip to Content

Monthly archive

DÍA DA POESÍA

O día 21 de marzo celebrouse o DÍA DA POESÍA e os Equipos da Biblioteca e de Dinamización da Lingua Galega traballamos conxuntamente para propor a realización dunha fantástica actividade relacionada con esta data: un "mergullo" do alumnado neste fantástico mundo da poesía.

Léronse poemas e escribíronse outros creados polo propio alumnado e que, eles mesmos, foron depositando nos lugares indicados para tal fin: un vasiños de plástico transparente colocados nas portas da Biblioteca.

Durante toda a semana tamén se realizaron sesións de recitado de poemas por parte de alumnado voluntario desde o espazo da Biblioteca e que se puideron escoitar pola megafonía do centro durante os tempos de lecer.

 

           

 

O SAMAÍN CHEGA Á NOSA HORTA TAMÉN!!

Nótase que xa non queda nada para a festa do SAMAÍN do cole....a nosa horta tamén se suma a esta celebración!! 

 

 

IT IS HALLOWEEN IN OUR GARDEN TOO!!

We are celebrating "Samaín" (A Galician celebration very similar to Halloween) in the following days.....and in our graden it is Halloween too!!

 

 

20 de novembro: Día Universal do Neno

O Día Universal do Neno é unha celebración anual adicada á fraternidade e á comprensión da infancia do mundo. Un día cheo de actividades destinadas á promoción do benestar deste colectivo e concienciado coa difusión dos seus dereitos.

Nesta data tan significativa, o noso cole súmase a esta celebración recordando a todos a existencia destes dereitos e a necesidade de loitar polo seu cumprimento en prol dun mundo mellor para tod@s.

 

 

No blog da nosa Biblioteca temos máis información relacionada con esta celebración. Preme AQUí.

Cousiñas de Nadal

 Os alumn@s de 4º e 5º de Educación Primaria, xunto coa profe Rosi de Relixión Católica, quérennos dar boa conta daquelas cousiñas importantes que debemos recordar en torno ao verdadeiro significado do Nadal.

 

             

 
                                                        

Suecia Campiona do Mundo de Salto de Comba

Suecia, Campiona do Mundo de Salto de Comba.

O equipo feminino de Suecia formado por estas tres intrépidas atletas, ven de convertirse en campión do mundo de Salto de Comba, na modalidade Freestyle.

Aquí vos deixamos o vídeo da peripecias que fan saltando á comba. Espero que desfrutedes visualizándoo e vos animedes a experimentar e prácticar.

Gala do Deporte Tui

Gala do Deporte en Tui

22 de Febreiro de 2019.

O pasado sábado 22 de febreiro de 2019 tivo lugar no Área Panorámica de Tui a Gala do Deporte 2018, que recoñeceu a labor de deportistas, adestradores, clubs, entidades que están compromotidas co deporte tudense. Asistimos do noso centro as profesoras do equipo de "Deporte no 2": Patri, Sara, Lorena, Susi e Bea. Un evento no que desfrutamos da boa saúde que ten o deporte en Tui. Moitas felicidades aos galardoados/as e os mellores desexos para os/as deportistas tudenses.

A Milla de Lúa Erasmus+.

A Milla de Lúa Erasmus+.

Vimos de rematar o reconto do mes de febreiro e varias clases xa chegaron a Torrevieja. Este mes estreamos circuíto novo, xa que Lúa  arranxouno e a ver se entre todos facemos o posible para que non se volva a estragar. Moitas grazas a tod@s nen@s que seguides facendo a milla de forma responsable, sumando millas para a vosa clase e desfrutando dun estilo de vida saudable e feliz.

Campionato Provincial Tenis de Mesa 18-19

 

Campionato Provincial Tenis de Mesa 18-19.

 Pavillón Municipal de Romarigo CANGAS.

 Sábado 4 de Maio de 2019

             O Vindeiro Sábado 4 de Maio vai ter lugar o Campionato Provincial  escolar de Tenis de Mesa, en horario de 9:30h a 14:00h, da presente campaña Deportiva no Pav. Municipal de Ramarigo en Cangas. Ditas xornadas están destinadas os/as nenos/as de 3º, 4º, 5º a 6º que participaron na xornada final de Agrudebam. A data límite de inscripción remata o vindeiro xoves 2 de Maio de 2019.

 Para participar nesta xornada, podedes descargar a folla de Inscripción aquí.

Podedes atopar máis información en Agrudebam.es

Ruta Saudable en Patinete 19.

Ruta Saudable en Patinete 19.

17 de Xuño de 2019.

O día 17 de xuño tivo lugar, a Ruta saudable en Patinete, dentro das  Actividades no medio Natural , destinada ao alumnado de 4º de Educación Primaria: ruta en patinete, taller de ecoloxía, taller de merendas saudables e taller de Ioga. Tivo unha duración de unha xornada, desenvolvéndose entre o centro educativo e a praia de Guillarei polo carril bici da Veiga. Esta actividade levouse a cabo en colaboración do centro coas  familias, o Concello de Tui e outras entidades ás que temos que agradecer a súa colaboración desinteresada.

Grazas a tod@s por facer posible, que o alumnado de 4º disfrutara de esta actividade  de vida saudable e feliz, nun entorno como é o Río Miño.

II Carreira de Orientación. Eurocidade Tui-Valença.

II Carreira de Orientación. Eurocidade Tui-Valença.

Domingo 13 de Outubro: 10:00h Valença-16:00h Tui.

O vindeiro domingo 13 de Outubro via ter lugar en Tui e Valença, a II Carreira de Orientación Eurocidade. En Valença será pola mañá, as 10:00h e en Tui será pola tarde ás 16:00h. @s nen@s e familias que desexen participar, poden facelo nas dúas probas ou soamentes nunha soa.

As Categorías serán:

Iniciación nenos (individual ou grupo) , categoría pensada para os nenos cun nivel de esixencia física e técnica baixo. Se son menores de 10 anos, recomendamos que a fagan acompañados dun adulto. Se son de 10 ou máis anos, poden ir en grupo ou sós.

Iniciación adultos (individual ou grupo) e Avanzado (individual). Adultos ou nenos con experiencia.

A inscrición na proba poderá realizarse cubrindo o seguinte formulario:

 www.aromon.es/inscripciones/eurocidade2019

o prazo de inscrición remata o mércores 10 de outubro ás 22:00 horas.

➢ EUROCIDADE 2019 - TUI (tarde)

➢ 16:00 Recepción de participantes.

➢ 16:15 - Comezo das charlas técnicas (faremos varias ao longo da mañá)

➢ 16:30 - Primeiras saídas (existirá horario de saída).

➢ 18:30 - Últimas saídas (non se poderá tomar a saida despois desta hora).

➢ 19:30 - Peche de meta.

➢ 19:45 - Entrega de trofeos.

Atoparedes máis información en Deporte no 2: http://www.edu.xunta.gal/centros/ceipnumero2tui/blogdeportescolar



by Dr. Radut