O pasado martes, 24 de outubro, celebrouse o Día das Bibliotecas Escolares. Nós agardamos ata onte, venres, para inaugurar "A Maxia dos venres" e contar coa presenza de Ana Meilán.

As nenas e os nenos de infantil e primeiro coñeceron ao lobo Rigoberto, un lobo curioso cun pequeno problemiña de gases. 

Os compañeiros e compañeiras de segundo, terceiro e cuarto mergulláronse nun universo moi especial: o das historias. 

E o alumnado do terceiro ciclo, coñeceu o  libro "O que a serea esqueceu". Ata lles deu tempo para crear unha cápsula do tempo onde gardaron os recordos que quixeron. Non se poderá abrir ata o último venres do mes de xuño do 2030.

Nesta ocasión, tamén aproveitamos esta visita para entrevistar á escritora na nosa radio, Radio Formigueiro, e coñecela un pouco máis de cerca.

Sara, Pablo e Gabriel forons as persoas encargadas de facerlle as preguntas que antes pensaran entre todos na aula de quinto. 

#BIBLIOTECAS ESCOLARES, #INCLÚE-T, #CONVIVE-T