25 N: Día Internacional da Eliminación da Violencia contra as Mulleres
Onte o noso alumnado, xunto coas compañeiras e compañeiros do CEIP de Soutelo de Montes, participamos do acto organizado polo concello de Forcarei para conmemorar o 25N, o Día Internacional da Eliminación da Violencia contra a Muller.
Dende as distintas titorías aproveitamos as sesións desta semana para conversar sobre esta temática e sensibilizar en contra da violencia machista, procurando igualdade e respecto para todas. Destes faladoiros xurdiron lemas, palabras e mensaxes que escribimos na silueta das mans que recortamos e pegamos no mural conxunto creado no pabillón.
Durante o acto a concelleira forcaricense Paula Vázquez leu o manifesto do Concello conmemorativo deste día resaltando a importancia de denunciar a violencia que se exerce sobre a muller e berrando ben alto:
QUERÉMONOS VIVAS!
QUEREMOS VIVIR SEN MEDO!
QUEREMOS UN MUNDO SEN VIOLENCIA DE XÉNERO!
QUEREMOS UN MUNDO SEN VIOLENCIA!
Preme AQUÍ para acceder as imaxes da xornada de onte.
| Adxunto | Tamaño |
|---|---|
| Manifesto25N | 42.54 KB |
»
