Argallado a través do PLAMBE (Plan de Mellora de Bibliotecas Escolares), realizouse no centro, durante todo o curso un PDI que co título xenérico de "Este ano vai de oficios", xirou arredor dos oficios de raigame galega, oficios tradicionais.

Os distintos traballos foron:

- 3 e 4 anos: As leiteiras.
- 5 anos: Os zoqueiros.
- 1º de primaria: Muiñeiros.
- 2º de primaria: Canteiros.
- 3º de primaria: Os labregos.
- 4º de primaria: Os cereiros.
- 5º de primaria: Os ferreiros.
- 6º de primaria: As fiandeiras.

Despois de adicarlle tres tardes para as distintas presentacións dos traballos; o día 10 de xuño fixemos unha xornada de portas abertas, para que os pais e nais do alumnado puidese apreciar o traballo dos seus fillos.

Ao tempo de apreciar os distintos materiais e ferramentas propias dos oficios traballados, tamén puideron ver con detalle os distintos traballos, nunha proxección realizada no salón de actos.

E agora unha mostra fotográfica. Se a queren ver máis ampla vaian á Galería.