DÍA DE ELMER

O 25 de Maio conmemorouse o Día de Elmer, un elefante moi especial repletiño de cores, e na aula de infantil decidimos celebralo cunha chea de actividades!

O primeiro que fixemos, como non podía ser de outra maneira, foi ler o conto xuntos. Gustounos tanto que aproveitamos o recuncho da biblioteca para lelo moitas máis veces... como fixeron Valeria e Dilan!

Elmer é un elefante especial, non é gris é multicor! E como nós somos pintoras e pintores expertos, debuxamos e coloreamos a Elmer no recuncho de arte empregando as rotuladores e tamén acuarelas!

E como queríamos lembrar a Elmer durante todos os días do ano fixemos uns marcadores de páxina (ou monicreques para facer teatro) nos que picamos e escribimos con moito coidadiño!

Foi un día moi especial, no que sobre todo aprendimos que non temos que ser iguais que os demais, que somos especiais porque somos nós mesmos, igual que Elmer!