Proposta semanal actividades Educación Infantil

Ola nenas e nenos!
Imos por outra semana! Aquí vos deixo a proposta de actividades:

LUNS de“palabras creativas”: escribide, en maiúsculas e con letras grandes, estas tres palabras: OURIZO, VERME, CARACOL. A continuación “escribiredes” as letras de cada palabra, colocando por enriba delas, distintos materiais:
• OURIZO: usamos elementos da natureza (flores ou pétalos, herbas, paus, pedriñas...)
• VERME: usamos legumes (lentellas, fabas, garavanzos...)
• CARACOL: obxectos de manualidades (la, botóns, papeis de cores...)

MARTES de “hedgehog” (ourizo cacheiro en inglés). A teacher déixavos para imprimir e colorear un hedgehog.

MÉRCORES coa “caixa das palabras”: imos crear a nosa caixa de palabras para este 3o trimestre; precisades:
• unha caixa pequena
• tesoiras
• plantilla e palabras que inclúo ó final da proposta
Recorta as letras e compón, na plantilla, as tres palabras desta semana. Cada semana iremos
incluíndo palabras novas.
* Estas mesmas palabras son as que podes empregar para ir completando o teu diario.

XOVES: tarefa de relixión. Tes que resolver a adiviña, colorear o arco da vella e debuxar o elemento da natureza que ti queiras.

➢Déixovos o caderno de actividades desta semana.
➢Lembrade compartir con nós aquelas actividades e traballos que vos apeteza, para
colgar na web do cole.
➢Esperamos tamén o voso vídeo có reto desta semana.

Moitos bicos!
María