Prezadas familias:
Axiña chegará o Samaín/Halloween deste ano e temos intención de festexalo no centro, dándolle forma a unha idea para a cal desexamos poder contar coa vosa colaboración.
En primeiro lugar, precisariamos que cada nena/o trouxese da casa unha cabaza ou ben un espantallo (scarecrow). No caso de que elixades unha cabaza, o obxectivo é que as/os vosas/os fillas/os a decoren eles mesmos, contando coa vosa axuda puntual. Para isto, podedes facer uso de materiais que teñades pola casa, mesmo de refugallo.
No caso de que elixades un espantallo, ben sabedes que a roupa vella e os obxectos inservíbeis acostuman dar bo resultado para a elaboración destes “bonecos” a partir de dous paus, que con frecuencia se colocan no medio das hortas, usando a imaxinación e evitando mercar nada, preferibelmente. Ambas as dúas cousas servirán para adornar a entrada da escola estes días e darlle ambiente.