ADMISIÓN NOVO ALUMNADO (2024-25)

                                                                                                         

Comeza o proceso de admisión de alumnado en centros escolares sostidos con fondos autonómicos para o curso 2023/24, regulado pola Orde de 21 de outubro de 2022 e co seguinte calendario:

  • Do 1 ao 20 de marzo de 2024: prazo de solicitude de admisión para o alumnado que se incorpora por vez primeira ao sistema educativo galego ou para os que cambian de centro de maneira voluntaria.
  • 25 de abril de 2024: publicación da listaxe provisional de admitidos. Cinco días hábiles para formular reclamacións a partir do día seguinte da súa publicación. 
  • 15 de maio de 2024: publicación da listaxe definitiva de admitidos.
  • Do 20 ao 28 de xuño de 2024: unha vez admitido, prazo de formalización de matrícula.

XORNADAS DE PORTAS ABERTAS

En marzo comeza o proceso de admisión ordinaria nos centros educativos polo que se queredes vir a coñecernos teremos varios días de XORNADAS DE PORTAS ABERTAS no noso colexio. As datas serán as seguintes:

- Martes 20 de febreiro ás 17 horas

- Martes 27 de febreiro ás 17 horas.

- Martes 5 de marzo ás 18 horas.

Agradecemos que reservedes CITA PREVIA nos teléfonos:

886110187 (dirección)

886110186 (secretaría)

Ou ben na WEB: ceip.espinheira.aldan@edu.xunta.gal

CLUB DE LECTURA COA ASOCIACIÓN JUAN XXIII

Neste día queremos compartir con toda a comunidade educativa do CEIPP da Espiñeira Aldán o proxecto que levamos cabo ao longo do trimestre anterior coa asociación Juan XXIII.

Esta asociación popúxonos compartir un CLUB DE LECTURA entre parte do noso alumnado e dos seus usuarios e usuarias.

Nun primeiro encontro xuntámonos con Carmen, Dani H, Jacinta, Silvia, Pili, María e Moisés no Club de Lectura terapéutico para que eles e elas nos amosaran unha serie de libros,  achegando algúns coñecementos que xa tiñan desas obras literarias para axudarnos na elección. 

Outro día contamos con Alejandra, David, Andrea, Juan Lestayo, Miguel Rocha, Pepe e Rosa no Club de Lectura fácil.

Foi así como escollemos “Así é a vida” para 1º ciclo e “A chamada do salvaxe” para o 2º ciclo de primaria. Démonos un tempo para ler…, e mentres tanto os/as compañeiros/as Mina, Ana, Eva, Jacobo e Benja, co seu  grupo de Mediación Comunicativa, volveron ao colexio para contarlles cun Teatro de sombras o conto “Xa está aquí lobo” aos máis pequenos e pequenas da escola. Unha marabilla!

Finalmente, tas ler os libros elaboramos coa axuda de Irene, nai do colexio, unha chea de actividades de dinamización lectora sobre os mesmos. As usuarias e usuarios de Juan XXIII volveron visitarnos para compartir opinións sobre as lecturas e para desfrutar xuntos dun montón de xogos. 

Foi unha experiencia fantástica que plasmamos neste vídeo. Agardamos que vos guste!!!

                                                                             

 


 

RESERVA DE PRAZA NO IES Mª SOLIÑO

O vindeiro xoves 25 de xaneiro ás 9:30 terá lugar na biblioteca do centro unha charla para o alumnado de 6º de primaria e as súas familias sobre o proceso de reserva de praza para o vindeiro curso.

Ábrese o prazo para realizar a Reserva de Praza no IES María Soliño (centro adscrito):

Alumnado ao que vai dirixido: 

6º curso de Educación Primaria

Prazo de presentación: 

Do 15 de xaneiro ao 5 de febreiro

Documentación:

Cubrir o formulario ED550A de xeito manual ou a través da aplicación admisión alumnado

Presentación: 

  • Na secretaría do noso centro 
  • Na sede electrónica para o que se precisará a chave 365 ou certificado dixital

PROGRAMACIÓN ANUAL DE ACTIVIDADES

Presentamos a programación anual de actividades con propostas levadas a cabo polo centro e outras organizadas pola AFA ( Asociación de familias de Espiñeira). Nalgúns casos poderá haber algunha modificación, da que xa avisaremos no seu momento.

Hecho con Padlet

CONVOCATORIA AXUDAS COMEDOR ESCOLAR 2023-24

Ábrese o periodo de presentación de solicitudes das AXUDAS AO COMEDOR ESCOLAR do 1 ao 25 de agosto para o vindeiro curso.

Estas axudas dependen da Concellería de ensino, benestar, muller e igualdade do Concello de Cangas e regúlanse a través das seguintes bases:

Bases reguladoras para a concesión de axudas de comedor escolar 23-24

PARA OS/AS INTERESADOS/AS EN SOLICITAR ESTAS AXUDAS, ACHEGÁMOSVOS O MODELO DE SOLICITUDE QUE TEREDES QUE PRESENTAR NO REXISTRO MUNICIPAL DO CONCELLO DE CANGAS, XUNTO COA DOCUMENTACIÓN REQUERIDA.

ANEXO I Solicitude axuda comedor escolar 23-24

Para máis información podedes dirixirvos ao Centro Municipal de Benestar Social, Rúa Andalucía 3 baixo, ou ao correo electrónico benestarsocial@cangas.gal

 

AXUDAS ALUMNADO CON NECESIDADE ESPECÍFICA DE APOIO EDUCATIVO

 

 

Prazo de presentación de solicitudes

Do 8 de maio ata o 20 de setembro de 2023

Quen pode solicitalas

Alumnado que presenta unha necesidade específica de apoio educativo derivado de alguna das seguintes situacións:

·Discapacidade

·Trastorno grave de conduta

·Trastorno grave da linguaxe ou da comunicación

·Trastorno do Espectro Autista

·Altas capacidades

Presentación solicitudes

Departamento de orientación do centro: LUNS - XOVES

ACCESO AO SERVIZO ONLINE

 

AXUDA PARA MATERIAL ESCOLAR (SÓ PRIMARIA)

Enlace a Orde no Diario Oficial de Galicia

  

Prazo 

Do 20 de maio ao 21 de xuño de 2023

Contía 

-Renda per cápita familiar igual ou inferior a 6.000 €: 75 €

-Renda per cápita familiar superior a 6.000 € e igual ou inferior a 10.000 €: 60 €

Documentación a presentar

-Solicitude ED330B-anexos I e IIcuberta e asinada

-Fotocopia do libro de familia

 No caso de separación ou divorcio, fotocopia da última sentencia ou convenio regulador, onde conste a custodia do/a menor.

 No caso en que a unidade familiar non coincida, certificado de convivencia.

Presentación da solicitude

- Preferiblemente por vía electrónica empregando a chave 365 ou certificado dixital

                                       

Fondolibros: cubra os datos nesta aplicación, imprima os Anexos I e II  e presénteos no centro educativo.

-Na secretaría do centro, de luns a venres de 9:30h. a 14:30h.

 O alumnado de 6º de primaria presentará a solicitude no IES ao que asistirá

 

LIMPEZA DAS NOSAS PRAIAS

O sábado 20 de maio o alumnado de 6º de primaria, xunto coas súas familias e amizades, realizaron unha xornada medioambiental para facer limpezas de lixo no litoral das praias de Congorza-Areamilla, Nerga, Vilariño-San Cibran (Aldán) e Francón-Menduíña.

As persoas participantes dividíronse en grupos para efectuar a recollida. Posteriormente, trasladáronse ata o peirao de Aldán para coñecer e analizar o lixo que se recolleu nun obradoiro de divulgación medioambiental no que se explicou a procedencia dos residuos, o seu impacto no medio, así como hábitos diarios e alternativas que reducen a xeración destes residuos. 

A xornada foi un éxito absoluto como se ve nas fotografías. Recolléronse máis de 150 kg de residuos clasificados en vidro, plástico e envases, papel e cartón, e outros. Retiráronse desde traxes de augas, pasando por madeiras pintadas, ambientadores, bastonciños, moitísimas cabichas, redes e cordas, escarvadentes e sacos de batea, caixas de poliespán e ata unha lámpada fluorescente. En fin temos moito que aprender e mellorar.

Asimesmo esta actividade serviu para recadar fondos para a excursión de fin de etapa do alumnado nomeado.

Por iso queremos tamén agradecer, así como dar recoñecemento ás empresas que fixeron posible esta actividade: Panadería Iglesias, Pescados Marcelino, Librería Viláfer, La Pepita Burger Bar, WOFCO, BNA Invest, Recreativos Iglesias e Central de Efectos Navales. 

A protección dos oceános é cousa de todos e todas!

 

 

 

 

 

INVISIBLE

Estreamos o booktrailer que o alumnado de 5º e 6º realizaron como produto final do proxecto levado a cabo ao longo deste trimestre sobre o acoso escolar a partir da obra Invisible, de Eloy Moreno.

Agardamos que vos guste e que vos animedes a lela!!!

Distribuir contido

Back to top