NOTA INFORMATIVA DA ANPA
Enviado por admin o Mér, 02/06/2021 - 19:07
Estimadas familias:
Este curso o uso do comedor foi mermando e na actualidade acuden só 4 nenos ó servizo.
Foi un proxecto que custou moito acadar e corremos o risco de que poda desaparecer no próximo curso. As medidas de prevención ante a pandemia xerada pola Covid son extremas, pero engadir que tamén se contemplan xa de novo de cara ó vindeiro curso, a posibilidade de alternar os días que acudirán ó comedor (moi demandada por nais/pais mariscadores) ou a de facer un uso esporádico do mesmo.
Aproveitamos tamén para nomear algunhas das accións da Anpa durante ó curso que estamos preto de rematar:
- Dotación de recursos para o patio e traballo de colaboración co profesorado do centro.
- Organización de forma conxunta cos profesionais do centro e coa dona dun invernadoiro de visitas ó mesmo de todo o alumnado de primaria.
- Búsqueda e organización de actividades extraescolares con descontos e beneficios para os socios.
- Contratación dun mago para o remate do curso que dará tres funcións no centro para dar o colofón final a un ano tan complexo.
- Ofertar unha Escola de Verán con prioridade e mellores prezos para os/as socios/as.
- Realizar un detalle especial ós alumnos/as que rematan a súa etapa educativa no colexio.
- Coordinación co concello.
...
Todo esto non sería posible sen a axuda de todas as familias que vos facedes socias. A nosa idea é seguir facendo cousas e cantos máis sexamos, máis podemos facer! Por iso damos as grazas a todos os/as socios/as por confiar en nós e por formar parte desta gran familia.
Para os que non son socios, animámosvos! Ó inicio do vindeiro curso poderedes facelo. Son 12€ ó año por familia (teñan un neno ou tres, ou catro...)
Un saúdo.
A Directiva da ANPA O Castro de Castrelo