Toda a información das axudas ao ensino e transporte do Concello de Cambados no documento adxunto.

Infórmase da publicación no DOG do día de hoxe (12 de novembro de 20219) da ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021/22 (código de procedemento ED330E).

Con esta publicación, ábrese o prazo de solicitude para a adquisición de máscaras para o alumnado de educación primaria que será dende o 15 de novembro ata o 26 de novembro de 2021, ambos días inclusive.

NON TERÁN QUE PRESENTAR SOLICITUDE O ALUMNADO QUE FOI BENEFICIARIO DA AXUDA DE MATERIAL ESCOLAR PARA ESTE CURSO 2021/2022 (cheque de 50€). Este alumnado xa será beneficiario directamente deste procedemento.

Si poderán presentar solicitude aquel alumnado que non foi beneficiario desta axuda e que cumpra con algunha das seguintes condicións:

- que pertenza a unha familia cunha renda per cápita igual ou inferior a 6.000 €

- alumnado suxeito a tutela ou garda da Xunta de Galicia.

- alumnado cun grao de discapacidade igual ou superior ó 65%.

Xunto coa solicitude (ANEXO I E II)que se achegará dende o centro, deberase entregar documentación complementaria podendo variar esta dependendo da situación familiar:

- copia do libro de familia ou documento equivalente, onde figuren o/a alumno/a e os demais membros computables da unidade familiar.

- en caso de separación ou divorcio, sentenza xudicial e/ou convencio regulador onde conste a atribución da custodia do/a menor

- certificado do grao de discapacidade do/a alumno/a ou calquera membro da familia recoñecido por un órgano que non pertenza á Xunta de Galicia.

- documentación xustificativa da situación de violencia de xenero no ámbito familiar.

- resolución xudicial da incapacitación con patria potestade prorrogada ou rehabilitada.

Para tramitar a solicitude, deberase solicitar cita previa (886 151 171 / 886 151 172). Para calquera consulta, poden contactar co centro a través dos teléfonos anteriores ou ben a través do correo electrónico ceip.castrelo@edu.xunta.gal

Participación no fondo solidario de libros de texto e convocatoria de axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22.

- Axudas para a adquisión de material escolar: Todo o alumnado que o vindeiro curso 2021-2022 estea matriculado en Primaria poderá solicitar dita axuda. A renda per cápita da unidade familiar ten que ser igual ou inferior a 6.000 €. A axuda será de 50 €.

- O alumnado que curse 1º e 2º de Primaria, tamén poderá optar á axuda para a adquisición de libros de texto en diferentes contías dependendo da renta per cápita (ver orde do 6 de maio, artigo 2, apartado 2)

- O alumnado que o vindeiro curso esté matriculado en 3º e 4º de Primaria debe solicitar o fondo de libros. O alumnado que realizase reserva de prazo noutro centro deberá presentalo neste último (alumnado de 6º)

O alumnado que reciba os libros de texto comprométese a conservalos en bo estado e devolvelos ao fondo solidario ao finalizar o curso 2021/2022. Os libros asignaranse por orden inverso á renda per cápita da unidade familiar. En caso de cambio de centro o alumnado deberá devolver o lote de libros recibido.

- O alumnado de 5º e 6º de Primaria só poderá solicitar axuda de material xa que no centro se desenvolve o programa E-Dixgal (emprego de materiais dixitais).

* Os libros entregaranse en setembro de 2021.

* Os vales/cheques poderán ser recollidos a finais do mes de xuño e no comezo do mes de xullo (enviarase aviso cando se atopen dispoñibles)

* Estas axudas serán compatibles con calquera outra axuda.

Toda a información premendo en D.O.G. de xoves, 20 de maio de 2021.

DOCUMENTACIÓN A PRESENTAR E DATOS XERAIS DA CONVOCATORIA

Anexo I e II (pódese descargar no arquivo adxunto así como premendo aquí)

* Debe ser cuberto e entregado no centro no caso de realizarse de modo presencial (ver modos de presentación). Data límite: 22 de xuño de 2021 (inclusive). IMPORTANTE: Deben asinarse en todos os recadros ó efecto (tanto polo solicitante como daquelas persoas que computan na unidade familiar) e sinalar a autorización de comprobación de datos ou non de modo expreso riscando na casilla correspondente.

* Este anexo é válido para a solicitude de axuda para a adquisición de material escolar e de fondo de libros.

* A solicitude será única para todos os/as fillos/as que estean no mesmo centro docente. Indicarase o curso no que estarán matriculados os nenos/as no vindeiro curso.

* Os datos da situación familiar teñen como referencia o 31 de decembro de 2019 (no caso de non autorizar a consulta de datos).

* A renda familiar é a do ano 2019. Sumaranse as cantidades que aparecen nos recadros 435 e 460 e dividirase polo número de membros da unidade familiar.

- Debe entregarse no centro a copia do libro de familia onde figuren todos os membros da unidade familiar.

- Outra documentación (de ser o caso):

                   - documentación relativa a separación e/ou divorcio (convenio regulador no relativo a/o menor),

                  - discapacidade (de calquera membro da unidade familiar),

                  - situación de violencia de xénero,

                 - situación de acollemento  ou certificado do centro de menores en situación de garda tutela ou garda da Xunta de Galicia.

MODOS DE PRESENTACIÓN

Debido á situación sanitaria actual, para a tramitación da solicitude de modo presencial será necesario ter concertada cita previa vía telefónica. Para a recollida da solicitude NON será necesaria.

Poderase realizar a solicitude accedendo á aplicación Fondolibros, e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

1) Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación.

2) Presentación na Sede Electrónica da Xunta de Galicia. Tras el, o centro recibirá aviso das solicitudes achegadas por esta vía.

Para calquera outra información ou dúbida sobre este procedemento e a súa solicitude, poden chamar ao teléfono do Centro: 886 151 171 ou no 886 151 172, preferentemente en horarios de atención ó público do equipo directivo.

Infórmase que no taboleiro interior do centro atópanse publicadas as listaxes definitivas de alumnado admitido neste centro para o vindeiro curso 2021/2022. Seguindo a Lei de Protección de Datos, estas listaxes non poderán ser publicadas na web do centro. Non obstante, sinalar que todo o alumnado que solicitou praza nos diferentes niveis de infantil, están admitidos/as sempre que o fixesen dentro do prazo de admisión (solicitudes presentadas entre o 1 e o 22 de marzo). Tamén poderán consultar esta listaxe accedendo á sede electrónica a través dos diferentes medios de identificación válidos para a mesma (certificado dixital, DNI electrónico ou similar) No vindeiro mes de maio, procederase á publicación das listaxes definitivas. Tras esta informarase do prazo de formalización de matrícula (finais do mes de xuño).

Infórmase que no taboleiro interior do centro atópanse publicadas as listaxes provisionais de alumnado admitido neste centro para o vindeiro curso 2021/2022. Seguindo a Lei de Protección de Datos, estas listaxes non poderán ser publicadas na web do centro. Non obstante, sinalar que todo o alumnado que solicitou praza nos diferentes niveis de infantil, están admitidos/as sempre que o fixesen dentro do prazo de admisión (solicitudes presentadas entre o 1 e o 22 de marzo). Tamén poderán consultar esta listaxe accedendo á sede electrónica a través dos diferentes medios de identificación válidos para a mesma (certificado dixital, DNI electrónico ou similar) No vindeiro mes de maio, procederase á publicación das listaxes definitivas. Tras esta informarase do prazo de formalización de matrícula (finais do mes de xuño).

PROCESO DE ADMISIÓN DO ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO 2021/22

a. Normativa reguladora da admisión de alumnado.

* Decreto 254/2012,13 de decembro, polo que se regula a admisión do alumnado en centros docentes sostidos con fondos públicos (DOG do 26 de decembro)

* Orde do 12 de marzo de 2013 pola que se regula o procedemento para a admisión do alumnado en centros docentes sostidos con fondos públicos (DOG do 15 de marzo)

* Orde do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (DOG do 1 de febreiro)

*ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B).

b. Oferta de postos escolares para o curso 2020/21.

4º EDUCACIÓN INFANTIL .........................22 prazas + 3 prazas NEAE

5º EDUCACIÓN INFANTIL .........................15prazas

6º EDUCACIÓN INFANTIL .........................13 prazas

1º  EDUCACIÓN PRIMARIA ........................6 prazas + 2 prazas NEAE

2º EDUCACIÓN PRIMARIA .........................11 prazas

3º EDUCACIÓN PRIMARIA .........................15 prazas

4º EDUCACIÓN PRIMARIA .........................11 prazas

5º EDUCACIÓN PRIMARIA .........................9 prazas

6º EDUCACIÓN PRIMARIA .........................6 prazas

c. Área de influencia do centro.

      Castrelo

d. Presentación de solicitudes.

Os impresos de solicitude poderán recollerse no Centro en horario de dirección,

O horario de dirección pode consultarse na seguinte ligazón.

Os impresos de solicitude, así mesmo, poden descargarse clicando na seguinte ligazón.

Tanto para a recollida de impresos como para a súa entrega é preciso solicitar cita previa.

Unha vez cumprimentados, os impresos deberán entregarse no Centro no mesmo horario acompañados da seguinte documentación:

- Fotocopia do libro de familia (todas as follas que estean cubertas) ou do DNI.

- Certificación do Centro de procedencia no que conste o nivel cursado durante o curso 2020/21 (só alumnado procedente doutro centro).

- Certificado de empadronamento onde figuren todas as persoas que convivan no domicilio familiar.

- Convenio regulador ou resolución xudicial de separación xudicial ou divorcio, se é o caso.

- Copia do DNI do solicitante e membros computables da unidade familiar cando se opoñan á consulta automática dos datos.

A solicitude de admisión tamén pode facerse por vía electrónica cumprimentando e presentando a solicitude na seguinte aplicación: www.edu.xunta.es/admisionalumnado

O prazo de presentación de solicitudes é do 1 ao 20 de marzo de 2021.

Só se pode presentar a solicitude nun centro, de non seguir esta norma as solicitudes duplicadas serán anuladas.

e. Publicación de listas de admitidos e prazo de reclamacións.

      Publicación provisional do alumnado admitido e non admitido: antes do 25 de abril de 2021.

      Prazo de reclamacións ás listas: do 26 de abril ao 3 de maio de 2021.

      Publicación definitiva do alumnado admitido e non admitido: antes do 15 de maio de 2021.

f. Prazo para a formalización da matrícula.

       Do 20 ao 30 de xuño de 2021.

g. O alumnado só poderá presentar unha única solicitude no centro no que solicite praza en primeiro lugar. A infracción determinará a perda dos dereitos de prioridade que poidan corresponderlle.

Así mesmo, o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

En Castrelo, a 24 de febreiro de 2021.

Rematado o prazo de solicitude de máscaras para o alumnado de Educación Primaria, infórmase que dará comezo á súa distribución a partir do vindeiro venres 4 de decembro de 2020, previa solicitude de cita (teléfono 886 151 171 / 886 151 172) debido á limitación horaria e as condicións hixiénico-sanitarias derivadas da situación COVID que estamos a vivir. 

Lembramos que todo o alumnado que obtivo o cheque de material escolar (50€) é beneficiario tamén das máscaras (4 máscaras hixiénicas reutilizables ata 60 lavados de cor branca).

No documento adxunto recóllense todas as características das mesmas, así como as normas de uso e de lavado para asegurar unha maior deseinfección e durabilidade das mesmas.

 No caso de ter algunha consulta/dúbida sobre este procedemento ou se o/a seu/súa fillo/a é beneficiario/a desta axuda, poden poñerse en contacto co centro nos teléfonos sinalados con anterioridade.

Dacordo coa Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en Educación Primaria(...) en centros docentes públicos dependentes da Consellería de Educación, publicada no DOG nº 230 do 13 de novembro de 2020, infórmase da apertura do prazo de solicitude para a adquisición de máscaras para o alumnado de educación primaria que será dende o 16 de novembro ata o 27 de novembro de 2020, ambos días inclusive.

NON TERÁN QUE PRESENTAR SOLICITUDE O ALUMNADO QUE FOI BENEFICIARIO DA AXUDA DE MATERIAL ESCOLAR PARA ESTE CURSO 2020/2021 (cheque de 50€). Este alumnado xa será beneficiario directamente deste procedemento.

Si poderán presentar solicitude aquel alumnado que non foi beneficiario desta axuda e que cumpra con algunha das seguintes condicións:

- que pertenza a unha familia cunha renda per cápita igual ou inferior a 6.000 €

- alumnado suxeito a tutela ou garda da Xunta de Galicia.

- alumnado cun grao de discapacidade igual ou superior ó 65%.

Xunto coa solicitude que se achegará dende o centro, deberase entregar documentación complementaria podendo variar esta dependendo da situación familiar:

- Anexo II (achegarase dende o centro)

- copia do libro de familia ou documento equivalente, onde figuren o/a alumno/a e os demais membros computables da unidade familiar.

- en caso de separación ou divorcio, sentenza xudicial e/ou convencio regulador onde conste a atribución da custodia do/a menor

- certificado do grao de discapacidade do/a alumno/a ou calquera membro da familia recoñecido por un órgano que non pertenza á Xunta de Galicia.

- documentación xustificativa da situación de violencia de xenero no ámbito familiar.

- resolución xudicial da incapacitación con patria potestade prorrogada ou rehabilitada.

Para tramitar a solicitude, deberase solicitar cita previa (886 151 171 / 886 151 172). Para calquera consulta, poden contactar co centro a través dos teléfonos anteriores ou ben a través do correo electrónico ceip.castrelo@edu.xunta.gal

Informamos do Calendario EScolar do centro para este curso 2020/2021 trala aprobación do mesmo polo Consello Escolar. Reseñar que como días non lectivos fixéronse o 13 de outubro de 2020 e o 18 de maio de 2021.

A continuación detállase o calendario. Nel atópanse sombreados en gris todos os días nos que non hai clase (fin de semana e vacacións) e en rosa os días de entrega de boletíns.