Skip to Content

BIBLIOTECA TROTAAUGAS

 

REVOLTALLO DE COUSAS

VOZ NATURA
O obxectivo desta páxina é manter ás familias dos nosos nenos e nenas en contacto coa actividade diaria do Centro.

DÍA NON LECTIVO

24 Septembro, 2022 - 23:13 — admin

BECAS NEAE 2022/2023

24 Septembro, 2022 - 23:10 — admin

Recordamos que as persoas solicitantes teñen ata o venres, 30 de setembro, para entregar no centro as solicitudes para a beca de alumnado con necesidades específicas de apoio educativo.

Preme na imaxe para acceder a toda a información:

 

CURSO ESCOLAR 2022/2023

23 Septembro, 2022 - 16:53 — admin

O día 8 de setembro comezamos as clases deste curso 2022/2023. Este ano traballaremos co proxecto da biblioteca en relación a tres temáticas: o cine, a música e o cómic.

Porén demos a benvida cun marcapáxinas moi especial da nosa pequena Troti, agasallo para cada neno e nena que poderán empregar nas súas axendas.

LISTAXE DE LIBROS DE TEXTO E MATERIAIS PARA O CURSO 2022/2023

17 Xuño, 2022 - 09:37 — admin

Estes son os libros e materiais que se necesitarán para o vindeiro curso 2022-2023 que comezará o día 8 de setembro:

 

                             

 

 

Para acceder a eles, podedes clicar na imaxe correspondente ou descargar os arquivos adxuntos.

FONDO SOLIDARIO DE LIBROS DE TEXTOS E AXUDAS PARA ADQUIRIR LIBROS DE TEXTO E MATERIAL ESCOLAR PARA O CURSO 2022 - 2023

24 Maio, 2022 - 11:15 — admin

 

a) NORMATIVA LEGAL:

ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H). ACCEDE PREMENDO AQUÍ

 

b) DESTINATARIOS

  • Fondo solidario de libros de texto: alumnado matriculado en 3º, 4º, 5º e 6º de EP.
  • Axudas para adquirir libros de texto: alumnado matriculado en 1º e 2º de EP e en educación especial (EE); así como as axudas que pode recibir o alumnado incluído na disposición adicional primeira (discapacidade ≥ 65%) e na disposición adicional segunda (necesidades específicas de apoio educativo –NEAE-), circunstancia que fará constar o centro na solicitude.
  • Axudas para adquirir material escolar: alumnado matriculado en EP e EE.

 

c) FORMA DE PRESENTACIÓN

  • PRESENTACIÓN PRESENCIAL

- Para facilitar a xestión deste procedemento, dende o centro educativo farémosvos chegar unha copia de cada anexo a cubrir.
- Cumplimentar: Anexo I e Anexo II
- Para a entregar os anexos e a documentación complementaria, podedes envialos polo alumnado e o propio titor/a recollerá a documentación para entregar en secretaría.

  •  PRESENTACIÓN  ELECTRÓNICA.  Enlace

        

c) DOCUMENTACIÓN A PRESENTAR

  • Copia do libro de familia onde figuren todos os membros computables.
  • En caso de separación ou divorcio, ademais deberán achegar a sentenza xudicial e /ou convenio regulador onde conste a atribución da custodia do/a menor.    
  • Certificado acreditativo do grao de discapacidade, se fose o caso, recoñecido por un órgano que non pertenza á Xunta de Galicia.
  • Violencia de xénero: Acreditarase en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
  • Resolución xudicial de incapacitación con patria potestade prorrogada ou rehabilitada, no caso que corresponda.
  • Resolución administrativa ou xudicial acreditativa da situación de acollemento ou certificado do centro de menores para o alumnado en situación de tutela ou garda da Xunta de Galicia.
  • Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor e titores carezan de DNI e NIE.

 

NOTA: Lembrade que a persona que presenta e asina a solicitude é a mesma que ten que recoller os vales.

 

 

PUBLICACIÓN DAS LISTAXES DEFINITIVAS DE ADMISIÓN

24 Maio, 2022 - 10:07 — admin

As listaxes definitivas do proceso de admisión están expostas nos taboleiros interiores do colexio.

Todo o alumnado que solicitou praza no centro no periodo ordinario está admitido.

Recordámoslles que o prazo de formalización de matrícula é do 20 ao 30 de xuño de 2022.

Nas vindeiras semanas porémonos en contacto coas familias para citalas á reunión de acollida, momento no que se realizará dita formalización.

ADAPTACIÓN DAS PROGRAMACIÓNS DIDÁCTICAS.

9 Abril, 2022 - 11:17 — admin
Trala publicación da Orde do 25 de xaneiro do 2022 pola que se actualiza a normativa da avaliación nas ensinanzas de educación primaria, de educación secundaria obrigatoria e de bacharelato; elaboramos a addenda ás programacións didácticas na que se especifican as modificacións pertinentes.
 
Para consultar o documento preme na seguinte imaxe:
 

COMUNICACIÓN SOBRE AS SOLICITUDES DE ADMISIÓN.

4 Abril, 2022 - 10:33 — admin

Rematado o prazo ordinario de admisión para o curso 2022/2023 que durou do 1 ao 21 de marzo, anunciamos que todas as solicitudes entregadas en prazo foron admitidas e non hai que levar a cabo a fase de baremación en ningún curso.

O día 22 de abril publicaranse as listas provisionais de solicitudes admitidas nos taboleiros interiores do colexio, tal como indica a lei de Protección de Datos. 

Tamén poderán consultarse vía telefónica no 886110435 indicado o DNI dun proxenitor.

ADMISIÓN DO ALUMNADO - CURSO 2022/2023

1 Marzo, 2022 - 14:38 — admin

ADMISIÓN PARA O CURSO 2022/2023

Lexislación aplicable:

- Decreto 13/2022 (DOG 11 de febreiro de 2022)

- Orde do 12 de marzo de 2013 (DOG de 15 de marzo de 2013)

- Orde do 25 de xaneiro de 2017 (DOG 1 de febrero de 2017)

 

PRAZOS PARA A TRAMITACIÓN DOS PROCEDEMENTOS DE ADMISIÓN E DE MATRÍCULA DO ALUMNADO.

   

 

 SOLICITUDES DE ADMISIÓN.

Presentación da solicitude de admisión no colexio: do 1 ao 21 de marzo 

Entregarase persoalmente no centro ou na sede electrónica da Xunta  a seguinte documentación:

  • Impreso de solicitude (ANEXO II - ED550B) (Dispoñible o día 1 de marzo)
  • Fotocopia do DNI do neno/a ou da folla correspondente do libro de familia.
  • De ser o caso, convenio regulador ou resolución xudicial de separación ou divorcio.
  • Se solicita praza nun curso distinto de 4º de E. Infantil, certificación de matrícula e académica do centro de orixe.

O impreso de solicitude de admisión pode cubrirse á man ou informáticamente na aplicación “admisionalumnado” (https://www.edu.xunta.es/admisionalumnado).

En caso de separación ou divorcio coa patria potestade compartida, a solicitude debe ser asinada polos dous proxenitores.

Se se quere facer constar varios centros por orde de preferencia, entregarase unha única solicitude no centro pedido en primeiro lugar.

Presentar varias solicitudes de admisión en centros distintos suporá a perda dos dereitos de prioridade que poidan corresponder, a non ser que se renuncie expresamente por escrito ás solicitudes anteriores.

No caso de que a solicitude estivese correctamente cumprimentada e o número de solicitudes presentadas fose inferior ao número de prazas ofertadas polo centro, o/a alumno/a aparecerá na listaxe provisional de admitidos que será publicada antes do 25 de abril.

OFERTA DE VACANTES PARA O CURSO 2022/2023

28 Febreiro, 2022 - 14:56 — admin

OFERTA DE VACANTES PARA O CURSO 2022/2023

A) Lexislación aplicable:

- Decreto 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación.

- Orde do 12 de marzo de 2013 pola que se regula o procedemento para a admisión do alumnado no segundo ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos.

- Orde do 25 de xaneiro de 2017 pola que se modifica a Orde do 12 de marzo de 2013.

 

B) Información relevante:

Nos niveis de inicio de cada etapa educativa (4º EI e 1º EP), poranse a disposición da Administración educativa 3 postos escolares por unidade para o alumnado con NEAE, que serán asignados con prioridade pola Comisión de escolarización/Servizo Territorial de Inspección Educativa segundo corresponda.

 

C) Oferta de vacantes:

O número de prazas vacantes para o curso 2022/2023 é o seguinte:

Distribuir contido


by Dr. Radut