Un ano máis e como terceiro desenvolvemento do proxecto interanual COMPROMETIDOS COA TERRA traballamos este curso 2016/17 o tema CLIMA.
Así temos instalada este ano unha estación meteorolóxica no patio , ao lado do parque infantil, e un termómetro de máximas e mínimas no patio cuberto.
Comezando …
Situados no corredor da biblioteca , e como desenvolvemento da primeira parte do proxecto, temos expostos estes símbolos do tempo atmosférico, elaborados polos nosos alumnos .
Nun expositor central do andar primeiro do colexio temos unha serie de libros , seleccionados da biblioteca escolar, para que o alumnado consulte e amplíe información sobre ese tema.
Estamos a traballar tamén en pluviómetros e anemómetros con material de reciclaxe, posiblemente fagamos algún dispositivo máis .
.
Medir o tempo atmosférico .
Para valorar o tempo atmosférico temos que cuantificar algúns elementos concretos nos que se manifesta : a temperatura , auga que cae , presión, a velocidade do vento…
Caderno sobre dispositivos de medición do tempo atmosférico.
Construímos dous pluviómetros e un anemómetro con materiais de reciclaxe.
Na nosa escola o tempo é medido e observado desde os cursos máis novos de E. Infantil ata os maiores de Primaria.
AULA DE 3 ANOS : OBSERVAR E TOMAR NOTA DO TEMPO ATMOSFÉRICO
Medir o tempo atmosférico : seguimos avanzando
No terceiro ciclo tamén fomos comezando a andaina de controlar e cuantificar elementos do tempo atmosférico . Así levamos un tempo ( non moito) medindo e anotando unha serie de valores . Mediante o termómetro de máximas e mínimas do patio cuberto e un barómetro-higrómetro situado nun corredor do colexio e contando coa axuda dalgunha web especializada no tema, imos tomando nota diaria de diferentes datos: temperatura ás 12.00 horas , máxima e mínima do día , presión , precipitacións , humidade e finalmente velocidade e dirección do vento . ( Estamos á expectativa de estrenar os nosos pluviómetros de material reciclado ) .
Contamos con ir ampliando esta actividade a un maior número de alumnos.
PANEL CON DATOS RECOLLIDOS SOBRE O TEMPO.
Unha bonita canción do tempo atmosférico : O arco da vella .
O noso refraneiro popular , tan vello como sabio , fala así do arco da vella .
Arco da vella á tarde non vén de balde: se non trae chuvia, traerá aire ( Nada sae gratis e todo debe ter consecuencias ).
Os nosos cantantes-artistas de 3º bríndannos esta vella canción inglesa “ The rainbow”
Medicións atmosféricas : o método científico.
Continuamos co noso traballo de medicións atmosféricas e usamos o moi famoso , moi vello e moi simple tamén , método científico. Isto é ensaio-erro-acerto-ensaio-erro-acerto-ensaio…
Así o día 20, martes, a iso das 11.30 aprox. caeu algo de chuvia na Coruña , e , como debe ser, tamén no noso patio . Decidimos experimentar cos nosos pluviómetros de material de reciclaxe. E comprobamos que choveu pouco : contabilizamos 80 centilitros (+-) en media hora .
Medicións atmosféricas : gráficos
Baseándonos nos datos recollidos no termómetro de máximas e mínimas e no higrómetro - barómetro que temos no colexio , así como nunha páxina web especializada , fixemos estes gráficos .
A recollida de datos foi feita sempre entre as 11.45 e as 12.05.
AS ESTACIÓNS DO ANO
Por que se producen as estacións ?
Unha páxina web interesante sobre os factores astronómicos do clima.
-----------------------------------------------------------------------------------------------------------------------------------------------------------------------
O INVERNO 
Sobre a estación na que estamos agora e os elementos culturais que a acompañan ( literatura , roupa, comida , paisaxes ,celebracións …) é sobre o que na AULA DE 3º de primaria elaborarouse este cartel .
Na AULA DE 4 ANOS observamos, verificamos e constatamos en táboas os fenómenos atmosféricos.
Fai click no gráfico
ANTICICLÓNS E BORRASCAS
Sobre anticiclóns e borrascas e algo de reciclaxe cun par de cartóns.
Chegou o "mal tempo" propio do mes de febreiro
No comezo do mes de febreiro chegou o tempo propio na Coruña . Non está mal que chova , é bo para a terra e estamos no tempo.
Praia de Riazor. 3/02/2017
.
UN ENORME CARTEL : O ARCO DA VELLA
Un cartel enorme sobre o arco da vella á entrada da nosa biblioteca .Veleiquí catro exemplos do refraneiro popular sobre este elemento meteorolóxico
Refrán galego : Arco da vella ó anoitecer, bo tempo ó amencer
Refrán portugués: Arco-da-velha ao sol-nado, água antes de tirar o gado.
Refrán castelán : Arco de San Juan por mañana, agua a la tardada. Arco
por la tarde, buen tiempo aguardes.
Refrán italiano : Arco di mattina , riempie le mulina, arco di sera , tempo rasserena.
O TEMPO E O MAR NA COSTA GALEGA .
Medicións atmosféricas : cambio de terzo.
A partir do día 6 de febreiro as medicións do tempo atmosférico , o etiquetado do panel que está no corredor e o uso dos pluviómetros elaborados con material de reciclaxe pasaron a ser desempeñadas polo grupo de alumnos/as de 6º .
Un grupo de alumnos/as de 5º compartiu con eles o primeiro día para intercambiar información sobre o procedemento . Trátase dunha interesante experiencia vinculada ás C. Naturais e Sociais e de carácter evidentemente práctico .
Interesante páxina web .
Anotar medicións atmosféricas e etiquetar o panel .
Como non podía ser menos , os alumnos de 6º siguen realizando con marcada eficacia o interesante traballo de tomar nota das medicións atmosféricas e reflectilas nun panel . Os datos que non poden ser recabados cos aparatos operativos que hai no colexio ( velocidade e dirección do vento ) son obtidos pescudando no ordenador da nosa biblioteca escolar .
O traballo de sacar estas fotos , tamén con eficacia, foi obra dos seus compañeiros de 5º , Lucas e Jesús .
Entroido atmosférico-climático: meteorolóxicamente interesante.
Chegada a festa do entroido, non tivemos ningunha dúbida sobre que elaborar os nosos antefaces de entroidos: elementos do clima.
Arco da vella
Unha alumna de 3º de PRIMARIA, curso que tan ben interpretou unha canción sobre o arco da vella na biblioteca escolar , nos ilustra con este debuxo elaborado con témpera , sobre este interesante fenómeno meteorolóxico.
Nós seguimos co refraneiro do arco da vella:
Refrán galego: • Arco raiante, o boi para adiante: arco poñente colle o boi e vente .
Refrán castelán : • Arco iris por Levante, levanta el tiempo al instante; mas si lo ves por Poniente, coge los bueyes y vente
Refrán irlandés: If you want to see the rainbow, you must first endure the rain. ( Se queres ver o arco da vella , primeiro debes aturar coa chuvia )
Refrán inglés: Rainbow in the morning gives you fair warning. ( O arco da vella pola mañá dáche unha boa advertencia )
Paneis informativos do seguimento do clima
dos alumnos da aula de E. INFANTIL DE 5
ANOS .
Proximamente veremos o procedemento de
observación e constatación de datos deste aula .
Sobre isotermas e isohietas e cun par de cartóns .
Esta é a 2ª actividade que se realiza na aula de 5º de cartografía climática ( “cartongrafía” diríamos mellor ) . A 1ª versaba sobre as borrascas , anticiclóns e liñas isóbaras nun mapa de Europa . Estoutra é sobre as liñas isohietas e isotermas . Ambos traballos foron feitos en inglés e en galego, e sempre sobre o mesmo e común soporte , que é , naturalmente , cartón reutilizado. Convén recordar aquí as tres erres ecolóxicas de
educación medioambiental: REDUCIR , REUTILIZAR E RECICLAR.
Inés e Rocío trazan sobre a parte plastificada deste mapa de Europa as liñas isotermas e isohietas .
CLIMAS DE EUROPA
Panel elaborado na aula de 6º que trata sobre os
climas de Europa . O panel inclúe gráficos, táboas
de datos, mapas , esquemas e información
pormenorizada sobre os diversos aspectos que
conforman cada dominio climático europeo.
MEDICIÓNS METEOROLÓXICAS: ENRIQUECENDO O PROXECTO E REMATANDO UNHA ACTIVIDADE.
Na semana que foi do 13 ao 17 de marzo os grupos de 3º e 4º fixéronse cargo de acadar datos do clima (temperaturas máximas , mínimas e puntual ; a presión atmosférica , a humidade e a velocidade e dirección do vento) e cumprimentalos nos paneis correspondentes.
A actividade foi compartida cos seus compañeiros de 5º e 6º respectivamente, que actuaron a xeito de monitores e axudantes dos primeiros . Esta aprendizaxe colaborativa e eficaz foi , sen dúbida, enriquecedora para todos os grupos .
Rematamos así esta actividade do proxecto ( que non o proxecto CLIMA ). Parabéns a todos os participantes !
Os de cuarto.
Os de terceiro
DE INTERÉS : estar nas nubes , estou nas nubes , estás nas
nubes, está nas nubes, estades vós nas nubes , están nas nubes,
se cadra estamos todos nas nubes...
PÓSTER SOBRE O INVERNO: AULA DE 5 ANOS
Con diferentes detalles sobre o inverno e moita dedicación fíxose este cartel. A neve e un orixinal teleférico dominan o conxunto.
Dispositivos de medición atmosférica: Construción dun termómetro.Na aula de 5º construímos un termómetro de alcohol e auga. Funcionou ? Por suposto que si.
A columna de alcohol e auga subía ou baixaba en función de que a temperatura subira ou baixara.
Calibrámolo dunha maneira moi sinxela : As oscilacións de 1 grao arriba ou abaixo , medidas nun
termómetro estandarizado , coincidían en 6 liñas aproximadamente de desplazamento da columna
de alcohol e auga , observadas no gráfico do noso termómetro artesán. Vídeo do traballo realizado.
Chegou a primavera ao proxecto CLIMA do noso colexio . Impresionante e interesante cartel elaborado con moito xeito, coma sempre , na aula de 3º e situado no corredor do 1º andar. Todo está presente aquí : celebracións , roupas, conmemoracións, comidas, refráns …
Climogramas . Aula de 4º
Os alumnos/as da aula de 4º desenvolveron un amplo traballo práctico de elaboración de climogramas e mapas climáticos de diversas partes do mundo.
Climas da Península Ibérica . Aula de 5º
Na aula de 5º traballáronse os dominios climáticos da Península Ibérica : mapas, gráficos pluviométricos , de temperaturas , vexetación … foron estudados de xeito sistemático en C. Sociais e transversalmente noutras áreas como Matemáticas, C. Naturais , Galego , Castelán e Inglés. Aquí está parte do traballo .
O CLIMA DE GALICIA. AULA DE 3º
Na aula de 3º de Primaria elaboráronse unhas fichas detalladas sobre o clima de Galicia.
Fíxose fincapé nos distintos factores climáticos que afectan as variedades climáticas
de Galicia, así como nos réximes de choivas e temperaturas de cada zona nas diferentes
estacións do ano. 
