Comeza o Entroido no Cidade Vella e chegou o Meco cos seus mandados; polo tanto durante a semana que ven, de luns a xoves teremos que cumprir as súas ordes e poñer as prendas que nos pida día a día. Lembrade que son acumulativas.
O Entroido xa está aquí,
e o queremos festexar,
argalla presto a maneira,
para os mandadiños respectar.
O luns trece, que non é martes
os calcetíns están de festa,
poden vir sen a súa parella,
e deixaremos que se vexan.
Chega o martes catorce,
e continuamos a nosa troula,
algo nas nosas testas levemos,
e se chove... pois que choiva !
O mércores quince será
un bo día para o noso Entroido,
cantemos sen afinar,
cun adorno no pescozo.
O xoves de parranda,
non esquezas vir á escola
sexa falda ou pantalón,
do revés as nosas roupas.
Esquece a vergoña e as tristuras,
pero lembra o teu disfraz,
ven na tarde á nosa festa,
e non deixes de xogar.
Desfilemos e fagamos ruido
o venres pola mañá,
desexando feliz Entroido
ven á rúa a desfilar,
Galicia Máxica está de festa
bailaremos ao compás.