Boas a todas e todos.
Hoxe veño a contarvos un pequeno resumo da primeira experiencia vivida grazas ao proxecto de Agrupacións de Centros Educativos. Que vos parece?
O martes pola tardiña aterrizaron na nosa terra Miguel, María Dolores e Fernando dende o CEIP Antonio de Ulloa (Cartaxena), Maribel e Inma dende o CEIP Arias Montano (Badaxoz) e Noelia, Fayna e Marco dende o CEIP Doctor Juan Espino Sánchez (Gran Canaria).
O mércores recibimos a súa visita e, grazas aos roteiros realizados polo alumnado de 6ºEP, estas mestras e mestres puideron comezar a ubicarse espacialmente no noso cole, coñecer os nosos recunchos e espazos e poñerlle cara a todas as mestras e mestres e nenas nenos do CEIP de Cervo. Se vos apetece ver estes roteiros tan fantásticos podedes premer aquí.
O resto da mañá, aproveitámola para amosarlles o entorno virtual Edixgal, co que traballa o alumnado de 5ºEP e 6ºEP, o proxecto de patios dinámicos e inclusivos e levamos a cabo un taller onde creamos instrumentos musicais con Makey Makey. Xa pola tarde, recorrimos a nosa contorna para que tiveran a oportunidade de coñecer algunhas das marabillas que agocha o concello de Cervo.
Ao longo da xornada do xoves, algunhas das actividades programadas foron: visita ao noso horto escolar promovido por Voz Natura, un Escape Room organziado polos membros do CEIP Arias Montano e unha actividade de robótica proposta polo CEP Antonio de Ulloa e un recorrido pola nosa biblioteca para entender o porqué de que este espazo sexa o noso centro creativo de aprendizaxes. Xa en horario de tarde, visitamos a espectacular praia das Catedrais e o pobo de Ridabeo.
Á primeira hora do venres, as mestras e mestres visitantes pudieron observar o noso día a día nas aulas. Posteriomente, levamos a cabo unha mesa redonda para falar sobre os clubs de lectura e a biblioteca inclusiva e, para dar peche a esta visita, celebramos o magosto.
Os tempos de lecer de todas as xornadas estiveron amenizados cun programa de radio realizado polo alumnado de 5ºEP e 6ºEP en OndaPucaRadio.
Foi unha experiencia moi enriquecedora tanto para o claustro, como para as nenas e nenos da escola. Eu, como mascotiña de Bibliocervo, quero darlle as grazas a todas as mestras e mestres que realizaron o proxecto e organizaron a visita, ás mestras e mestres dos centros de Badaxoz, Cartaxena e Gran Canaria por encher o noso cole de novas ideas, sonrisas e moito cariño e, por suposto, a vós, nenas e nenos do CEIP de Cervo, que fúchedes unhas marabillosas/os anfitroas e afritións.
Xa para rematar, amosarvos un vídeo que resume á perfección todo o vivido ao longo destes tres días. Agardo que vos guste.
Tamén aproveito para anunciarvos que isto, só é o comezo dun fermoso camiño que nos queda por recorrer con estes tres centros. Milleiros de experiencias e aventuras están por chegar e se non vos queredes perder ningunha delas, podedes visitar o espazo de colaboración deste proxecto premendo na seguinte imaxe.
Bicos e apertas a moreas.
