3º-4º EP |
En colaboración co Proxecto Alimentos da Biosfera, o cal ten como obxectivo o impulso das marcas propias e a marca Nacional nas Reservas da Biosfera españolas para producións alimentarias e servizos turísticos, como estratexia para a mellora da calidade destas producións, para que contribúan á mitigación do cambio climático mediante o fomento do consumo en circuítos curtos locais, os nenos e nenas de 1º a 4º de Educación Primaria, foron participes dunha saida interdisciplinar que incluiu unha ruta de sendeirismo que lles deu a coñecer a fauna e flora da zona, neste album podedes ver algunhas das imaxes recollidas durante a actividade.
|
|||
|
|||
O Día da Educación Física na Rúa (DEFR), é unha realidade dentro das programacións anuais de Educación Física en moitos centros educativos de España, e no noso tampouco podía faltar. Dende o inicio desta iniciativa no ano 2011, ano tras ano a súa repercusión e evolución é cada vez máis positiva. Na duodécima edición desta iniciativa, que tivo lugar o 27 de abril de 2022, o lema foi: “EF SOSTENDO A SAÚDE E O PLANETA”. Dita proposta lanzouse baixo o obxectivo de desenrolar unha sesión de xogos con material alternativo reciclado e/ou autoconstruído nun espazo público. Inda que debido as condicións atmosféricas non puidemos saír a xogar a un espazo público, o alumnado de 3º e 4º de Educación Primaria si puido gozar do Bottlebol, unha modalidade deportiva ECOLÓXICA, ALTERNATIVA, COEDUCATIVA, de COLABORACIÓN-OPOSICIÓN, INTERDISCIPLINAR e INCLUSIVA, que persigue a MÁXIMA PARTICIPACIÓN, e que se practica con MATERIAL REUTILIZADO nunha CANCHA DIVIDIDA na que se utilizan os GOLPEOS e as RECEPCIÓNS con implemento poñendo en xogo a COORDINACIÓN OCULO-MANUAL . A continuación amósase un recopilatorio de fotos, non só deste día se non tamén do traballo levado a cabo nas sesión previas. |
|||
O noso centro educativo está a implementar un PLAN DE VIDA ACTIVA E SAUDABLE, enmarcado no Plan PROXECTA, orientado a toda a comunidade educativa, incluíndo as familias. Como centro, somos conscientes de que a actividade física e a adopción dun estilo de vida activa por parte da nosa comunidade educativa é unha das claves para garantir unha mellor calidade de vida, desde a infancia ata a vellez. A práctica regular de exercicio físico en nenos/as e adolescentes é un factor clave na prevención e no tratamento do sobrepeso, da obesidade, das enfermidades cardiovasculares, de alteracións psicolóxicas, e a evidencia científica comeza a demostrar que os nenos e nenas fisicamente activos renden mellor academicamente. Por iso pretendemos implantar, dentro da filosofía do centro, o valor de que somos un centro activo e saudable. Un dos aspectos fundamentais para poder avaliar cada ano como este PLAN DE VIDA ACTIVA E SAUDABLE mellora a saúde é o de medir o nivel de condición física de cada alumo/a, mediante a valoración de aquelas cualidades físicas e psicomotoras que permiten coñecer e facer o seguimento do seu estado físico, decidir cales son os aspectos que precisan mellorar e deseñar actuacións adaptadas ás súas necesidades. Por este motivo, o centro ven de integrase na PLATAFORMA D.A.F.I.S. (Datos de Actividade Física Saudable) de Galicia, unha iniciativa da Secretaría Xeral para o Deporte da Xunta de Galicia, a través da Fundación Deporte Galego, incluída dentro do Plan de Fomento de Actividade Física “Galicia Saudable”, e recoñecida no ano 2018 pola Organización Mundial da Saúde - Europa (OMS) como boa práctica para implantar en todos os países do marco europeo. Na PLATAFORMA D.A.F.I.S. recóllense unha serie de medidas antropométricas e resultados de probas físicas que se realizan nas clases de Educación Física, e das as familias recibirán un informe cos resultados do seu fillo/a, que inclúe a comparativa cos resultados obtidos para o seu grupo de sexo e idade e a evolución da súa condición física e que pode consultar en www.dafis.xunta.es. O tratamento destes datos é confidencial, sendo accesibles exclusivamente polo docente de educación física e polo persoal facultativo e de enfermería do SERGAS. Unha vez que os datos das valoracións que se realizan nos centros educativos galegos participantes son introducidos na PLATAFORMA D.A.F.I.S., a Fundación Deporte Galego, elaborará e fará públicas as estatísticas para cada grupo de idade e sexo en Galicia. A fundación en ningún caso terá acceso individualizado aos datos dos alumnos/as. Estas estatísticas permiten que o profesorado, os pais ou titores e os propios alumnos/as poidan coñecer a comparativa dos seus resultados cos correspondentes á mediana do seu sexo e idade. Na seguite galería podedes ver algunhas fotos sobre a realización das probas : |
|||
Durante a saida do centro para ver as casetas do Nadal de xinzo o alumnado de 2º a 6º de Educación Primaria tivo contacto cun novo deporte como é o patinaxe sobre xeo, onde por grupos de idade puideron vivenciar por si mesmos a sensacións que produce o deslizarse sobre o xeo. Durante as clases de Educación Física previas á actividade falouse sobre este deporte e de deportistas da talla de Javier Fernández. Na seguinte galería recollense fotos ada actividade. |
|||
