Convocatoria para a concesión de bolsas de comedor, adquisición de material escolar e realización de actividades extraescolares. Curso 2024-2025
A Xunta de Goberno Local do Concello de Santiago, na sesión ordinaria celebrada o 13 de maio de 2024, aprobou a convocatoria para a concesión de bolsas de comedor, adquisición de material escolar e realización de actividades extraescolares para o alumnado dos centros docentes públicos e concertados sostidos con fondos públicos de educación infantil (segundo ciclo) e de educación primaria obrigatoria, e centros de educación especial de educación infantil (segundo ciclo) de educación primaria e educación secundaria obrigatoria, do concello de santiago de compostela, para o curso 2024-2025.
As solicitudes presentaranse no prazo de 10 días hábiles contados a partir do seguinte á publicación da convocatoria no Boletín Oficial da Provincia.
As persoas interesadas poderán presentar a solicitude:
- Por por medios electrónicos: a través da sede electrónica do Concello sede.santiagodecompostela.gal
- Presencialmente: no Rexistro Xeral do Concello de Santiago situado na rúa do Presidente Salvador Allende 4-baixo.
- En calquera das formas previstas no artigo 16.4 da Lei 39/2015 do 1 de outubro, de procedemento administrativo común das Administracións Públicas.
Mais información aquí
Fondo solidario de libros de texto e axudas para a adquisición de libros de texto e material escolar 2024-2025
Prazo de solicitude: do 21/5/2024 a 21/6/2024, (ambos incluídos)
Forma de presentación:
- Electrónica: utilice esta aplicación (https://www.edu.xunta.gal/fondolibros) e presente a solicitude na Sede Electrónica (inicie premendo no icono de botón na esquina superior dereita da pantalla)
NOTA: na presentación electrónica deberá presentar unha solicitude individual para cada un dos seus fillos
- Presencial con asistencia da aplicación: cubra os datos nesta aplicación, imprima os Anexos I e II producidos e presénteos no centro educativo (inicie premendo no icono de botón na esquina superior dereita da pantalla)
- Presencial manual: utilice os Anexo I e Anexo II da Orde da convocatoria e presenteos no centro educativo
O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024
Documentación complementaria
1. As persoas interesadas deberán achegar coa solicitude (anexo I) a seguinte documentación:
a) Anexo II (comprobación de datos dos membros computables da unidade familiar).
b) Copia do libro de familia ou documento equivalente, onde figure o/a alumno/a e os demais membros computables da unidade familiar.
En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.
c) Certificado de discapacidade do/da alumno/a ou calquera membro da familia non expedido pola Administración autonómica.
d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.
e) Resolución xudicial constitutiva da curatela representativa ou resolución xudicial que estableza a patria potestade prorrogada ou rehabilitada mentres non se produza a revisión desta medida.
f) Resolución administrativa ou xudicial acreditativa da situación de acollemento ou certificado do centro de menores, para o alumnado en situación de tutela ou garda da Xunta de Galicia.
g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.
LISTAXE DEFINITIVO DE ADMITIDOS E NON ADMITIDOS DE 5º EI, 6º EI E 1º EP.
A partir de hoxe están a disposición dos/as interesados/as na Secretaría do Centro e no tablón de anuncios as listaxes definitivas de admitidos e non admitidos dos seguintes cursos:
- 5º Educ. Infantil.
- 6º Educ. Infantil.
- 1º Educ. Primaria.
RESERVA E SOLICITUDE NO SERVIZO DE TRANSPORTE ESCOLAR PARA O VINDEIRO CURSO 2024-2025
Os usuarios do servizo de transporte escolar deberán renovar a solicitude deste servizo, así como os novos usuarios que o desexen para o vindeiro curso escolar 2024-25.
Deberán cubrir e entregar o impreso de solicitude na Secretaría do Centro antes do 14 de xuño de 2024 (pódese entregar unha vez firmado a través do nen@).
No caso de non entregalo entenderase que renuncia ao servizo de transporte escolar.
* Só para alumnado que xa está MATRICULADO NO CENTRO
A Dirección do centro
BECAS E AXUDAS PARA ALUMNADO CON NECESIDADES ESPECÍFICAS DE APOIO EDUCATIVO. NEAE
Prazo de solicitude: do 30 de abril ao 13 de sembro de 2024.
Mais información aquí
LISTAXE PROVISIONAL DE ADMITIDOS E NON ADMITIDOS. 5º EI, 6º EI E 1º EP
A partir de hoxe están a disposición dos/as interesados/as na Secretaría do Centro as listaxes provisionais de admitidos e non admitidos dos seguintes cursos:
- 5º Educ. Infantil.
- 6º Educ. Infantil.
- 1º Educ. Primaria.
Prazo de reclamación as listaxes provisionais de admitidos e non admitidos.
- Dende o 26 de abril ata o 3 de maio de 2024
* No art. 35.2 da Orde do 21 de outubro de 2022 pola que se desenvolve o Decreto 13/2022, do 3 de febreiro, indica que se poderá formular reclamanción, no prazo de 5 días hábiles contados a partir do seguinte ao da súa publicación.
ESCOLA DE FAMILIAS
O vindeiro xoves 25 de abril, comenzaremos coa nosa ESCOLA DE FAMILIAS. Despois da enquisa, revisamos as vosas preferencias, sendo a máis votada a Adquisición de limites e conducta.
PUBLICACIÓN LISTAXE DEFINITIVA PARA ADMISIÓN DE ALUMNADO PARA 4º EI E 5º EP
Despois de comprobar que existen suficientes vacantes para os cursos de 4º Educación Infantil e 5º de Primaria, publícase a listaxe definitiva para admisión de alumnado para o vindeiro curso 2024/2025.
Estas listaxes estarán expostas no tablón da anuncios no interior do centro.
Formalización da matrícula:
O prazo para formalizar a matricula será entre o 20 de xuño e o 1 de xullo, ambos incluídos.
Anteriormente publicaremos os formularios necesarios así como a documentación a presentar.
PROCESO DE BAREMACIÓN
Despois de rematado o prazo de solicitudes de admisión, e comprobado a día de hoxe o número de solicitudes por curso, ábrese o prazo para a entrega da documentación para a fase de baremación nos seguintes cursos:
- 5º Educ. Infantil (4 anos)
- 6º Educ. Infantil (5 anos)
- 1º Educ. Primaria.
Prazo para a entrega de documentación dende o día de hoxe ata o vindeiro 5 de abril de 2024
* Aqueles que teñan toda a documentación entregada coa solicitude non terán que volver a entregala.
PUNTO LARANXA CONTRA O ACOSO E O CIBERACOSO ESCOLAR.
CONTRA O ACOSO E O CIBERACOSO ESCOLAR
O Punto Laranxa é unha medida impulsada desde a Xunta de Galicia co obxectivo de erradicar o acoso e o ciberacoso non centros educativos, grazas á colaboración de alumnado, docentes, familiares e outras persoas próximas á comunidade educativa. O anonimato constitúe un refuxio seguro á hora de denunciar, facilitando así o logro dun cambio entre todos e todas.
COMO FUNCIONA O PUNTO LARANXA?
Se o estás a sufrir ou coñeces algún posible caso de acoso ou ciberacoso, axúdanos a paralo!
1. Escribe de maneira anónima a túa mensaxe nun lugar onde te sintas seguro/a
2. Localiza o Punto Laranxa no teu centro.
3. Deposita na caixa do Punto Laranxa a túa mensaxe (esta caixa só pode ser aberta polo equipo docente encargado de loitar contra o acoso escolar no teu centro.
Lembra que tamén podes achegar a túa mensaxe a través do Punto Laranxa na páxina web do teu centro.