Skip to Content

Complementarias

O CEIP DE CAIÓN COORDINA A XII LIMPEZA COLECTIVA DA PRAIA EN CAIÓN

O vindeiro venres 6 de outubro colaboraremos na limpeza organizada pola ADEGA simultaneamente en varios puntos de Galicia os días 6 (para centros educativos) e 7 de outubro. As previsións meteorolóxicas son boas, polo que agardamos non ter que adiar a data.

 

Ante o gran problema que está a supoñer a contaminación dos nosos mares polo vertido indiscriminado de lixo e plásticos, parécenos de vital importancia inculcar no noso alumnado actitudes de respecto e coidado do medio ambiente, e coidamos que non hai  mellor maneira de facelo que atallando o problema dende o máis próximo, o que ven cada día.

 

Por esta razón recibimos a invitación por parte da ADEGA (Asociación para a defensa ecolóxica de Galicia) de colaborar nesta XII Edición da limpeza de simultánea de praias e, ao sermos un centro educativo, farémola un venres.

 

O Concello da Laracha tamén colaborará dun xeito activo, facilitando medios e materiais precisos para que a limpeza poida facerse segura e eficazmente. Recomendamos a todo o alumnado que veña con lubas (a pesar de que o Concello aportará algúns de latex para quen non teña). Deste xeito xeraremos menos lixo e poderedes reutilizalos na casa para outras actividades.

 

Por fin, poderemos contar coa axuda e colaboración dos familiares do alumnado así como outros centros educativos do Concello (o CEIP Alfredo Brañas de Paiosaco e o CEIP Otero Pedrayo da Laracha) que axudaban outros anos. Nesta edición decidimos convidar a outras escolas próximas ao nosa vila, como son as Escolas de Educación Infantil de Arteixo (EEI da Lagoa, EEI de Larín e EEI de Rorís). Agardamos chegar a ser máis de 200 persoas axudando a manter limpos os nosos areais! 

Remataremos a limpeza con algo de música! Ide practicando a canción!

 

2ª Carreira solidaria pola paz ☮️ do CEIP de Caión (a favor de Ucraína).

☮️

Continuando co trabalollo dos ODS, coincidindo co ODS16, O vindeiro venres, 18 de marzo celebraremos a 2ª edición da nosa carreira solidaria que, como lembraredes, o ano pasado foi a favor do Banco de Alimentos.

Nesta ocasión queremos contribuír á axuda humanitaria da situación de conflito que se está a producir en Ucraína na actualidade.

Tras a súa aportación e distribución na urna solidaria que temos no colexio poderán participar na carreira co seguinte itinerario:

A recadación de todo o colexio será ingresada na conta bancaria da ONG "Cruz Vermella" que está a traballar na fronteira de Ucraína e nos teñen informado de que a aportación en metálico é a forma máis rápida e efectiva de axudar a salvar vidas e reconstruir comunidades destrozadas.

Estas doazóns farán as veces de patrocinio para que as nosas crianzas corran con maior énfasis, se cadra, a distancia correspondente á súa categoría. Este será o seu horario e número de voltas ao circuito:

  • 10:20h: Ed. Infantil 1: Unha volta ao circuito.
  • 10:30h: Ed. Infantil 2:Unha volta ao circuito.
  • 10:40h: 1º/2º Ed.Primaria: Dúas voltas ao circuito.
  • 10:50h: 3º/4º Ed. Primaria: Tres voltas ao circuito.
  • 11:05: 5º/6º Ed. Primaria: Catro voltas ao circuito.
  • 11:20:Entrega de merenda e foto co donativo recadado.

 Agardámosvos para que poidades darlles o pulo preciso para que corran pola paz como se merece!

O CEIP de Caión coordina e colabora na X Limpeza colectiva de praias de ADEGA.

O vindeiro venres 15 colaboraremos na limpeza organizada pola ADEGA simultaneamente en varios puntos de Galicia os días 15 (para centros educativos) e 16 de outubro. As previsións meteorolóxicas son boas, polo que agardamos non ter que adiar a data. Esta actividade está enmarcada dentro do proxecto no que empezamos este curso: "Voz Natura".

Ante o gran problema que está a supoñer a contaminación dos nosos mares polo vertido indiscriminado de lixo e plásticos, parécenos de vital importancia inculcar no noso alumnado actitudes de respecto e coidado do medio ambiente, e coidamos que non hai  mellor maneira de facelo que atallando o problema dende o máis próximo, o que ven cada día.

Por esta razón recibimos a invitación por parte da ADEGA (Asociación para a defensa ecolóxica de Galicia) de colaborar nesta X Edición da limpeza de simultánea de praias e, ao sermos un centro educativo, farémola un venres.

Nesta edición volveremos a contar coa colaboración e implicación do alumnado de outros centros do Concello. Así asistirán as crianzas de 5º e 6º do CEIP Alfredo Brañas, de Paiosaco e os de 6º curso do CEIP Ramón Otero Pedrayo, da Laracha. Dado que a situación pandémica mellora quixemos volver á "normalidade" convidando aos demais centros do municipio e respectaremos a separación repartíndonos diferentes areais para cada centro.

O Concello da Laracha tamén colaborará dun xeito activo, facilitando medios e materiais precisos para que a limpeza poida facerse segura e eficazmente. Recomendamos a todo o alumnado que veña con lubas (a pesar de que o Concello aportará algúns de latex para quen non teña). Deste xeito xeraremos menos lixo e poderedes reutilizalos na casa para outras actividades. Asemade cómpre traer calzado e roupa adecuada a situación climatolóxica.

Moi ao noso pesar, nesta ocasión non poderemos contar coa axuda e colaboración dos familiares do alumnado nin de outro voluntariado da vila, de xeito que controlemos ben o aforo de cada zona. Farémolo de xeito adaptado á situación ocasionada polo Protocolo COVID, e cada etapa recollerá as zonas asignadas a tal fin de xeito que non se mesturen entre elas.

Ide practicando a canción:

 

LIMPEZA COLECTIVA DA PRAIA DE CAIÓN

 

O vindeiro venres 16 colaboraremos na limpeza organizada pola ADEGA simultaneamente en varios puntos de Galicia os días 16 (para centros educativos) e 17 de outubro. As previsións meteorolóxicas son boas, polo que agardamos non ter que adiar a data.

 

Ante o gran problema que está a supoñer a contaminación dos nosos mares polo vertido indiscriminado de lixo e plásticos, parécenos de vital importancia inculcar no noso alumnado actitudes de respecto e coidado do medio ambiente, e coidamos que non hai  mellor maneira de facelo que atallando o problema dende o máis próximo, o que ven cada día.

 

Por esta razón recibimos a invitación por parte da ADEGA (Asociación para a defensa ecolóxica de Galicia) de colaborar nesta IX Edición da limpeza de simultánea de praias e, ao sermos un centro educativo, farémola un venres.

 

O Concello da Laracha tamén colaborará dun xeito activo, facilitando medios e materiais precisos para que a limpeza poida facerse segura e eficazmente. Recomendamos a todo o alumnado que veña con lubas (a pesar de que o Concello aportará algúns de latex para quen non teña). Deste xeito xeraremos menos lixo e poderedes reutilizalos na casa para outras actividades.

 

Moi ao noso pesar, nesta ocasión non poderemos contar coa axuda e colaboración dos familiares do alumnado así como outros centros educativos e asociacións que axudaban outros anos, chegando a ser preto de 400 persoas na edición pasada. Farémolo de xeito adaptado á situación ocasionada polo Protocolo COVID, e cada clase recollerá as zonas asignadas a tal fin de xeito que non se mesturen entre elas.

 

Ide practicando a canción!!

 

 

 

 

 

DÍA DO LIBRO: CAMPAÑA "DETRÁS DOS LIBROS".

Para conmemorar o 23 de abril: Día do Libro, quixemos mostrar ao noso alumnado con aquelas lecturas que nos están a acompañar nestes día de confinamento. Aquí tedes o enlace ao BLOG DA BILBIOTECaión

Aquí a videomontaxe con estas fermosas imaxes de como 
DETRÁS DOS LIBRO HAI INFINITOS MUNDOS DE IMAXINACIÓN.
 
 
 

Agradecer de novo a vosa participación alumnado e mestres.

Esperamos que vos guste.

Os MANDADIÑOS deste ano!

Pois por aquí veñen os mandadiños para esta semana do entroido que entra.

As indicacións son de luns a xoves. O venres 21, lembrade que é o día do entroido e terán que vir disfrazados da casa sobre a temática que vos informamos. PREMEDE na foto para ampliar a imaxe.

 

 

QUE VIVA O ENTROIDO!!

CARREIRAS CAMPO A TRAVÉS 2019/2020

Este curso o noso centro vai participar novamente nas carreiras de campo a través organizadas a través do programa deportivo Xogade. Xa temos toda a información do evento, que vos facilitamos a continuación:

Data da carreira: venres 29/11/19.

Lugar de celebración: Campo de fútbol municipal das Eiroas, polígono de Bértoa, Carballo.

Categorías: 

  • Benxamín masculino e feminino. Alumnos/as nados no 2012-2011.
  • Alevín masculino e feminino. Alumnos/as nados no 2010-2009.
  • Infantil masculino e feminino. Alumnos/as nados no 2008-2007.

Horarios das probas: Aproximadamente para cada categoría, son os que seguen:

HORA CATEGORÍA DISTANCIA VOLTAS
10:15 Cadete masculino 2400 m 4 voltas
10:30 Cadete feminino 1200 m 2 voltas
10:45 Infantil masculino 1200 m 2 voltas
11:00 Infantil feminino 1000 m 2 voltas con saída 2oo m adiantada
11:15 Alevín masculino 1000 m 2 voltas con saída 200 m adiantada
11:30 Alevín feminino 800 m 2 voltas con saída 400 m adiantada
11:45 Benxamín masculino 600 m 1 volta
12:00 Benxamín feminino 500 m 1 volta

Deste xeito, se tedes oportunidade, podedes acercarvos ao estadio a animar a todos e todas os participantes. 

No enlace que aparece a continuación podedes consultar a normativa ao respecto enviada dende Deporte Escolar.

 

A todos e todas os nenos que van correr, desexarlles que sexa unha xornada de deporte e diversión na que o importante non será gañar senón esforzarse. Tamén aproveitamos para recordar que, se a climatoloxía non acompaña, é recomendable que levedes roupa de recambio (zapatillas, calcetíns, pantalón e suadeira) para voltar ao colexio secos e secas no caso de que chova. Ánimo!

 

LIMPEZA COLECTIVA DA PRAIA DE CAIÓN. NOVA DATA!

O vindeiro venres 25 colaboraremos na limpeza organizada pola ADEGA simultaneamente en varios puntos de Galicia os días 18 (para centros educativos) e 19 de outubro. Nós, por mor do mal tempo, aprazarémola unha semana, agardando que mellore.

Ante o gran problema que está a supoñer a contaminación dos nosos mares polo vertido indiscriminado de lixo e plásticos, parécenos de vital importancia inculcar no noso alumnado actitudes de respecto e coidado do medio ambiente, e coidamos que non hai  mellor maneira de facelo que atallando o problema dende o máis próximo, o que ven cada día.

Por esta razón recibimos a invitación por parte da ADEGA (Asociación para a defensa ecolóxica de Galicia) de colaborar nesta VIII Edición da limpeza de simultánea de praias e, ao sermos un centro educativo, farémola un venres. Por mor do mal tempo previsto para este venres 18, aprázase para o próximo venres 25 de outubro, de 10:00 a 13:00 horas. Levaremos a cabo, á súa vez, o rol de coordinadores de diversas asociacións e empresas que teñen gran vinculación co mar de Caión e que non dubidaron en acudir á nosa chamada (empresas de surf e náutica da nosa vila).

O Concello da Laracha tamén colaborará dun xeito activo, facilitando medios e materiais precisos para que a limpeza poida facerse segura e eficazmente. Recomendamos a todo o voluntariado que acuda á limpeza que veñades con guantes (a pesar de que o Concello aportará algúns de latex para quen non teña). Deste xeito xeraremos menos lixo e poderedes reutilizalos na casa para outras actividades.

Nesta ocasión contaremos tamén coa inestimable axuda de alumnado dos outros centros do noso concello: do CEIP Alfredo Brañas de Paiosaco e do CEIP Otero Pedrayo da Laracha. Aproveitaremos a ocasión para compartir unha mañá de convivencia entre centros.

Como novidade haberá un punto de clasificación dos residuos sacados das praias onde se separán en función do colector ao que deberán ir os mesmos.

Agardamos contar co maior número posible de voluntarios/as polo que, se queredes colabrar, non dubidedes en poñervos en contacto con nós para coordinar mellor as nosas forzas por calquera destas vías:

  • Teléfono: 881880694
  • e-mail: ceip.caion@edu.xunta.es

CAMPAÑA SOLIDARIA DE RECOLLIDA DE ALIMENTOS.

Estimadas familias:

Ao longo dos vindeiros 15 días, colaboraremos na "Campaña Solidaria nos Centros educativos" do Banco de alimentos Rias Altas (da Coruña). Tedes até o 19 de xuño para aportar aqueles alimentos non perecedeiros que poidades.

Polo xeral a Federación Española de Bancos de Alimentos recomenda donar alimentos non perecedeiros e envasados en paquetes que non sexan de crital, algo que facilitará o seu transporte. Pódese colaborar con produtos básicos como cereais, legumes, leite ou aceite e tamén produtos como salsas, zumos ou froitos secos. Por outra banda é interesante aportar alimentos precocinados, conservas e alimentos infantís, como leite en po ou potitos.

 

http://www.balrial.org/index.php/colaborar/colegios/

Aquí tedes máis información do Banco de alimentos Rías Altas.

VIDEOCLIP "CAMIÑO DE CAIÓN"

No presente curso dende a materia de Música, fixemos unha versión moi particular do gran éxito "Camiño de Caión", canción tradicional galega representativa da nosa vila.

Parte da instrumentación é realizada polo alumnado de 5º e 6º de Primaria con instrumentos escolares, coa participación do resto do alumnado e o persoal do centro na voz e nos coros.

Premede na imaxe para ver o resultado final, do que estamos moi orgullosos/as.

 

       

 Asemade, dámosvos a posibilidade de colaborar na sufragación dos gastos da viaxe de fin de curso do alumnado que máis participou no proxecto (os de 5º e 6º, que irán a Madrid). Para tal fin, teredes que facelo vía Paypal premendo no botón que vedes aquí embaixo.

 

 

Se queredes descargar a canción, premede neste enlace PREMER AQUÍ.

Grazas a todos e todas pola colaboración.

Distribuir contido


by Dr. Radut