Xa queda menos para poder celebrar o festival de Entroido e comezamos a entrar en ambiente decorando as entradas dos edificios de Educación Infantil e Educación Primaria. Como a temática do centro é a volta ao mundo, decidimos investigar sobre a celebración do Entroido noutros lugares do mundo e decorar coas súas máscaras típicas (e, por suposto, tamén con algunhas galegas). O alumnado fixo máscaras de lugares como: México, India, África, Xapón, Colombia, Bolivia, Venecia. Galicia está representada coas máscaras dos Peliqueiros de Laza e os Boteiros de Viana do Bolo.
Tamén está presente na decoración a expedición de Fernando de Magallanes e Juan Sebastián Elcano, cunha espectacular nao realizada pola aula de 3º-A de Educación Primaria.
A vindeira semana completarase a decoración co "Mandadiño do Entroido".
