O pasado 30 de novembro celebramos a primeira edición da Carreira Enki no CEIP Bergantiños, cuxo lema foi "Corre por un mundo imperfecto". Foi unha carreira de obstáculos non competitiva, chea de diversión e sorpresas e onde a inclusión de todo o alumnado é o eixo fundamental. Unha vez realizada a carreira, e para repoñer forzas, o alumnado puido degustar plátanos. Tamén se lles entregaron botellas de auga, as cales foron doadas pola empresa Hijos de Rivera S.L. (á cal agradecemos a colaboración amosada co noso centro).
Contamos ademais coa presenza dos vehículos da Policía Local e dos Bombeiros de Carballo, aos que damos as grazas por colaborar en moitas das actividades que realiza o colexio.
Desde aquí agradecemos o gran traballo do Equipo de Convivencia do centro, que organizou e coordinou a carreira; así como a colaboración e compromiso amosados por toda a comunidade educativa (alumnado, familias e persoal docente e non docente), que foi tamén fundamental para que a carreira fose un éxito.
A continuación, unha pequena mostra da xornada:
