Skip to Content

SOMOS UN COLE ENTRE CIEN MIL

Ven, 10/27/2023 - 10:57 — Cristina Lago Silva

Comprácenos anunciarvos que o CEIP Barrantes xa forma parte de @unoentrecienmil.

Trátase dunha Fundación que busca recursos para colaborar coa leucemia infantil.

Despois de case 3000 centros de toda España, o CEIP Barrantes xa é un máis.

 

Anímaste? Propomos unha "carreira solidaria" o vindeiro 21 de decembro.

 

Iremos informando con máis detalle, pero polo de agora podedes ir entrenando, nais, pais, irmáns, veciñas…

24 de OUTUBRO, DÍA DAS BIBLIOTECAS

Mér, 10/25/2023 - 11:30 — Cristina Lago Silva

Co gallo do Día das Bibliotecas onte realizamos a apertura da biblioteca do centro para o curso escolar 23-24. Para conmemoralo contamos co ilustrador Iago Araújo, que impartiu varios obradoiros sobre a creación de personaxes. O alumnado dende infantil a 6º de primaria pasouno xenial na actividade.

Magosto 2023-2024

Mar, 10/24/2023 - 18:33 — Cristina Lago Silva

O pasado venres, 20 de outubro, celebramos o Magosto en Barrantes con outra edición de xogos populares. A choiva non foi excusa para celebrar esta festa que tanto nos gusta; deste xeito e en dúas quendas realizamos cinco xogos no pavillón de Barrantes nos que os compañeiros e compañeiras de 6º exerceron de monitores. Xogamos a carreiras de sacos, relevos de castañas con culler, o pano, os aros musicais e a rá. Despois de abrir apetito xogando chegou a hora de degustar as castañas, momento que foi moi especial por poder compartilo coas familias. Como nos gustan as castañas e que ben o pasamos!

 

Solicitude de praza de comedor 23-24

Mar, 07/04/2023 - 14:31 — Iván Núñez Sanjurjo

Revista do VI certame literario

Mar, 05/23/2023 - 14:26 — andrea.montes

Un ano máis celebramos o VI Certame literario no centro por mor das Letras Galegas.

Con tódalas obras recollidas do alumnado participante elaborouse unha revista chamada "O Grial de Clara", podedes consultala facendo click aquí:

 

O GRiAL DE CLARA

 

 

Obradoiro baile galego

Mar, 05/23/2023 - 14:20 — andrea.montes
O martes 16 de maio, por mor da Semana das Letras Galegas, contamos cun obradoiro de baile galego no que participou todo o centro grazas a Artur Puga (un dos bailaríns que acompañou ás Tanxugueiras no Benidorm fest).
Divertímonos e aprendemos un montón!!
obradoiro baile galego

Proceso de admisión. Curso 23-24.

Mar, 04/25/2023 - 09:15 — Iván Núñez Sanjurjo

Informamos que todo o alumnado que presentou solicitude de admisión no período ordinario resultou admitido.

Proceso de admisión. Curso 23-24.

Mar, 02/28/2023 - 15:06 — Iván Núñez Sanjurjo

Mañá comeza o proceso de admisión para o alumnado de nova incorporación ao centro, para o curso 2023-2024.

 

 

Portas abertas 2023

Xov, 02/16/2023 - 21:58 — Iván Núñez Sanjurjo

O vindeiro 1 de marzo comeza o período de admisión para o curso 2023-2024. Ven a coñecernos.

25N- Día internacional contra a violencia de xénero.

Mar, 11/29/2022 - 14:48 — andrea.montes
Con motivo do 25 de novembro (Día internacional contra a violencia de xénero) realizamos diversas actividades: estampamos con pintura unha man branca nun mural violeta para reivindicar o noso rexeitamento ante calquera tipo de violencia e elaboráronse dous vídeos: un co alumnado de 6º de primaria e outro con todo o alumnado e a canción da porta violeta de Rozalén.
 

Estes vídeos visualizámolos todos xuntos nun acto común, ademais de gardar un minuto de silencio. 

(Os vídeos atópanse nos arquivos adxuntos de debaixo da publicación).

Distribuir contido


by Dr. Radut