TALLER IGUALDADE O día 12 e 17, haberá un taller sobre igualdade que foi organizado coa colaboración do Concello de Ponteceso. TALLER NUTRICIÓN O luns 10 de xuño teremos unha formación sobre nutrición a cargo de profesionais que traballan no centro de Saúde de Pontecso. Recordade que para as famiilas será de 12:15 a 13:15. XOGO "ABECEDARIO DEL DIABLO" Estimadas familias, Como xa informamos o pasado mércores ás familias do grupo de 5º -6º, detectaramos que varias alumnas viñan con lesións no reverso da man. Investigando, atopamos que trátase dun xogo de lesión autoconsentida de carácter viral. De feito, a continuación vos deixamos un enlace sobre unha noticia dun instituto de Asturias no que tamén se detectou: Nós, pola nosa parte, concienciados da importancia de non deixar este tipo de condutas sen o tratamento a nivel persoal e social que merecen, xa iniciamos un traballo no centro levado a cabo pola persoa responsable de benestar en colaboración co resto do profesorado. A maiores fixemos a xestión de contratar a unha profesional que vai facer unha sesión de traballo co alumnado e tamén con aquelas familias que se queiran informar de primeira man sobre este tipo de situación. Ten por nome:"Cando deixa de ser un xogo". -As datas son: Martes 11 ás 10:15 - Familias (duración aprox 2h) Mércores 12 - Alumnado de 5º e 6º de primaria. -Actividade con: Tamara R. Pereira (Educadora Social) Abordaremos a importancia da xestión emocional e presión de grupo, a necesidade de cultivar a autoestima e como esta nos pode condicionar á hora de establecer límites e autocoidados, por exemplo, cos retos virales de tik tok. Estas sesións realizaranse cunha abordaxe aberta e participativa, co discurso en construcción… pero, isto, que quere dicir? Pois que todas as persoas participantes serán cocreadoras da sesión, amosando dúbidas, inquedanzas e/ou preocupacións para poder marchar con ferramentas e confianza, entre outras! Está aberto a familias de calquera curso e idade. Anímate a participar! SAÍDA FIN DE CURSO Este ano imos a Pobo Aventura.
Trátase dunha empresa que ofrece actividades lúdicas ao aire libre con moito contacto coa natureza. Para esta saída as indicacións son moi similares á de Santiago. Teñen que levar comida, bebida, merenda, gorra, roupa e calzado cómodo. Os máis pequenos, por se é preciso, muda. Data: Mércores 5 de xuño Horario: Saída da parada de Corme (igrexa) ás 9:00. Estancia en Teixeiro 10:40 a 17:00. Chegada ás paradas de Corme entre 18:45 e 19:15. (intentaremos ir avisando polo camino a través de AbalarMobil). O centro faise cargo de todo o gasto; transporte e entrada. PROGRAMA AXUDA LIBROS DE TEXTO E MATERIAL Xa saiu o programa de axuda de adquisición de libros de texto e material escolar, así como a ter dereito ao fondo de libros no caso de 3º e 4º de primaria. Se clicades na imaxe poderedes acceder a moita máis información. Tamén podedes contactar co colexio no caso de que precisedes da nosa axuda.
AVALIACIÓN DIAGNÓTICO 4º EP En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado de 4.º curso de educación primaria e 2.º curso de educación secundaria obrigatoria. No caso de Galicia, terán lugar os próximos días 10 e 11 de abril. Pode atopar máis información no seguinte documento dirixido ás familias:
FORMACIÓN MES DE ABRIL No vindeiro mes de abril imos estar cargados de formacións moi interesantes, tanto para o noso alumnado como para as súas familias. - 2 de abril. Asociación VIEIROS; utilización de pantallas, adicións e ferramentas. Tamén para familias en horario de 16 a 17:30 horas. Internet e redes sociais Teléfono móbil e smarphone Videoxogos Xogos de azar Como identificar o problema, cando debemos preocuparnos Pautas para unha boa saúde dixital, control parental - 17 de abril. Obradoiro de compotaxe, só para o alumnado. Impartido por Andrés Silva Vázquez -22 de abril. ARKHE. Taller en horario de 16 a 17:30 horas na que participan de xeito simultáneo as familias cos seus fillos/as. Sobre creatividade artística literaria. BASU-FAUNIA Obra insprirada no concepto dos Binomios Fantásticos (Giam Rodari) e a Teoría das pezas soltas ( Nicholson) Fomentar a lectura e a creatividade a través da unión das ideas que aparentemente non teñen relación para que surxa unha idea para un texto narrativo, unha historia. Imparte Alma Blanco Ferreiro - 23 de abril. Stop Accidentes. Formación en educación vial. Moi interesante e importante para familias. O horario das familias de 16 a 17:30 horas. Trataremos os sistemas de retención infantil nos vehículos. O alumnado de 3º a 6º de primaria deberá traer a súa bicicleta para participar na parte práctica. - Con data por confirmar. Temática sobre alimentación saudable e referencia ás merendas escolares. Formación a cargo da nutricionista do Centro de Saúde de Ponteceso Rocio Sánchez Canicoba. En breve pasaremos un enlace online para que vos poidades apuntar a estas formacións. PERÍODO DE ADMISIÓN Clica para ver máis información
Clica aquí para acceder ás novas do noso colexio.
|
|||
