Estimadas familias:
No DOG do 03 de maio publicouse a Resolución do 12 de abril de 2019, da Dirección Xeral de Educación, Formación Profesional e Innovación Educativa, pola que se ditan instruccións para o desenvolvemento da avaliación individualizada de 3º curso de educación primaria nos centros docentes da Comunidade Autónoma de Galicia para o curso escolar 2018/19.
O Decreto 105/2014, do 9 de decembro, polo que se establece o currículo de educación primaria na Comunidade Autónoma de Galicia dispón no artigo 12.7 que os centros docentes realizarán unha avaliación individualizada a todos os alumnos e alumnas ao rematar o terceiro curso de educación primaria, segundo dispoña a consellería con competencias en materia de educación, e que, de resultar desfavorable esta avaliación, o equipo docentedeberá adoptar as medidas ordinarias ou extraordinariasmáis axeitadas, que se fixarán en plans de mellora de resultados colectivos ou individuais que permitan resolver as dificultades, en colaboración coas familias e mediante recursos de apoio educativo.
As probas celebraranse os días 28 e 29 de maio de 2019.
Vilagarcía, 24 de maio de 2019.
Saúdos.
A Directora: Mª de los Milagros Vidal Loureiro
Información no seguinte enlace:
https://www.edu.xunta.es/avalia/PaxinaInicio.action