NOVEMBRO, MES DA CIENCIA EN GALEGO NAS BIBLIOTECAS 2022

 

          Un novembro máis celebramos o mes da Ciencia en Galego nas Bibliotecas. Este ano coa difusión dun texto a modo de MANIFESTO, "O deber de coñecer e transmitir a nosa historia científica", de José Tubío, profesor, investigador e divulgador na USC.

No cole aportaremos o noso gran de area con exposicións de libros científicos que se poderán consultar na propia biblioteca ou levar ás aulas e a realización de experimentos.

Formando parte da programación de actividades neste mes da ciencia, a ANPA Fonte da Revolta ofrécenos este venres 11 a posibilidade de gozar dun show de divulgación sobre astronomía impartido por Vicente Mohedano para alumnado dos cursos superiores de educación primaria.