Ola familia!
Hoxe tráiovos un xogo para traballar elementos da primavera e do verán. Trátase dun dobble.
REGRAS Este xogo consiste en quedar sen cartas na man, é un xogo de rapidez e concentración que serve para exercitar a vista, a fala, a coordinación... Xógase da seguinte forma! dúas cartas, calqera, sempre, sempre teñen un obxecto en común (aínda que non o pareza as veces). Repártense todas as cartas os/as xogadores/as, menos unha que se deixa no centro da mesa. Cada participante debe buscar o obxecto común entre a carta do centro e as da súa man. Cando atope a imaxe deberá dicila en voz alta e poñela enriba da do centro, e así ata que todo o mundo se quede sen cartas.
ARTESANAL Se non podedes imprimilo pódese facer, con calquera temática, coma un dobble xeométrico. Para crear un dobble, fan falla 13 figuras mínimo (por exemplo: combinar o cadrado, círculo e triángulo coas cores azul, amarelo, verde e vermello e engadir un corazón da cor que sexa), despois o máis sinxelo, sería adxudicar a cada figura unha das imaxes do dobble da primavera ou o verán e ir debuxándoas no cartón (o sol será o cadrado vermello, así pois, en tantas cartas como apareza un sol pintaremos un cadrado vermello, e así con todas as figuras).
Adxunto uns dobbles que fixen eu e outros que atopei na rede.
Agardo que vos gusten!
Unha aperta forte!
