O sábado 24 de maio de 2025, pola mañá da man de María Concepción González Adán percorreremos as rúas de compostela descubrindo o valor das pedras pero desta volta cun xeito científico.

A historia de Santiago, como boa cidade antiga, está ligada de maneira inexorable ás pedras. Desde a súa orixe na lenda da barca de pedra na que viaxou Santiago, ata a actualidade, pasando polas diferentes etapas do seu crecemento, a cidade debe a súa existencia á pedra.
Na zona vella de Santiago podemos atopar multitude de rocas utilizadas para a construción das casas, as igrexas e as rúas que nos permiten penetrarnos na complexa e longa historia xeolóxica da rexión sen apenas movernos da cidade. Observando un mapa xeolóxico da rexión, podemos adiviñar que tipos de rocas atoparémonos na cidade; de igual modo, paseándonos pola zona vella de Compostela, podemos deducir cales son as litoloxías que dominan na contorna máis próxima.
Pero tamén podemos facernos unha idea dalgúns procesos xeolóxicos observando a degradación que experimentaron certos monumentos co paso do tempo, ou como a xeoloxía condiciona o desenvolvemento económico dunha nación, pola presenza de determinado recursos naturais, xa sexan enerxéticos, minerais ou rochosos. Na provincia da Coruña cabe destacar xacementos de lignito, wolfran, caolín, e, moi preto de Santiago temos un importante xacemento de cobre e de roca para áridos (material rochoso de construción, comorodamientos de estradas ou para facer cemento).

Partindo do IES Rosalía de Castro (Rúa de San Clemente s/n) ás 10:00 da mañá, faremos un percorrido duns 3 quilómetros que nos levará aproximadamente unhas 4 horas. Non hai obstáculos arquitectónicos que sortear, como escaleiras e demais, así que o itinerario é accesible a todo o mundo.

Pola tarde achegarémonos ao Museo de Historia Natural da Universidade de Santiago de Compostela. Este é un centro con fortes potencialidades educativas e sociais, pois ademais das súas tarefas de investigación e educación formal, centra o seu futuro na divulgación científica, dando resposta ás obrigas que esta universidade ten coa cidadanía.