Galería - Administración e uso de Coppermine 1.6

De xeito semellante a Drupal, Coppermine ten unha política de usuarios e roles (aquí denominados grupos), de xeito que os usuarios creados na aplicación necesariamente deben pertencer a un grupo. Ademáis, os permisos de cada usuario (o que pode ou non pode facer na aplicación) non se poden definir a nivel individual, senón que veñen determinados polos permisos do grupo ao que pertence.

Por defecto hai creados tres grupos (roles): 

• Administrators (con permisos de administración, teñen control total sobre a plataforma).
• Registered (usuarios autenticados ou rexistrados, con permisos máis limitados).
• Guests (usuarios anónimos, non autenticados, con permisos só de visualización).

Os permisos para cada grupo pódense visualizar/modificar desde a opción Usuarios --> Grupos. 

A seguinte imaxe amosa a configuración por defecto para cada grupo.

Son especialmente relevantes os seguintes aspectos:

• Grupo Administrators (administradores)
  • Cuota ilimitada para subir arquivos 
  • Permitida a subida de arquivos a álbumes públicos sen aprobación (por tanto poden subir imaxes a calquera álbum público)
  • Teñen galería persoal
  • Poden facer comentarios
• Grupo Rexistered (Usuarios rexistrados)
  • Cuota limitada para subir arquivos 
  • Permitida a subida de arquivos a álbumes públicos con aprobación (por tanto non poden subir directamente imaxes a calquera álbum público)
  • Teñen galería persoal
  • Poden facer comentarios
• Grupo Guests (Invitados)
  • Non teñen cuota  para subir arquivos 
  • Non poden subir arquivos a álbumes públicos
  • Non teñen galería persoal
  • Non poden facer comentarios

Cando un centro se incorpora ao proxecto Webs Dinámicas por defecto hai creados dous usuarios pertencentes ao grupo de Administrators: admin e webmaster.