IES Pedras Rubias

Un ano máis o IES Pedras Rubias, xunto aos dous institutos de Tui (Indalecio Pérez Tizón e San Paio), e este ano tamén o IES Ribeira do Louro de Torneiros, implicouse nos actos de conmemoración dos Mártires de Sobredo, con motivo do aniversario das mortes de Cándida Rodríguez, Xaquín Estévez e Venancio González por disparos da forza pública, o 28 de novembro no lugar de Sobredo (Guillarei), no contexto da loita antiforal no ano 1922.

Dende o curso 2012-2013 este acto conmemorativo ten o valor engadido de estar en conexión co ”Instituto de Estudos Agrarios Mártires de Sobredo”, creado en 2012 polos Concellos da contorna. Tras o acordo unánime do Claustro no mes de marzo de 2013, constamos como colaboradores desta actividade que levamos realizando desde hai anos.

Como xa tiña sucedido noutras edicións, por mor do mal tempo, a actividade tivo que ser adiada e, finalmente, puido levarse a cabo o 19 de decembro.

O alumnado de 4º da ESO dos catro institutos realizaron unha andaina conxunta desde Tui. Acompañounos D. José Martínez Tato, concelleiro de Tui e presidente de Andatui, que lles serviu de guía e foilles explicando durante o percorrido os principais acontecementos e lugares da loita antiforal.

Chegados ao monumento de Sobredo, levouse a cabo a tradicional homenaxe aos asasinados, coa lectura duns textos de carácter poético, histórico e artigos de prensa da época.

Interpretáronse varias pezas musicais con instrumentos tradicionais e de banda a cargo do alumnado do IES Pedras Rubias.

Levouse a cabo a ofrenda floral ante o monumento de Camilo Nogueira, inaugurado en 1932, dinamitado en 1936 e recuperado en 1988.

Rematouse cantando todos xuntos o himno galego.

Finalizada a homenaxe, houbo un tempo de lecer e de convivencia entre os catro institutos, coa xa tradicional degustación de rosca.

O luns 20 de novembro o alumnado de 4º de ESO recibiu a visita do historiador local Xosé Ramón Paz Antón, autor de Sobredo 1922. Esta obra foi publicada o pasado ano con motivo do centenario dos Mártires de Sobredo e promovida polo concello de Salceda de Caselas.

No encontro, presentado polo exprofesor Raúl Francés, moi apreciado entre toda a comunidade educativa, o alumnado foi agasallado cun exemplar de dito libro.

Chegados a esta época, a maioría do alumnado comeza a estar superado por tanto exame, traballo… pero a algún aínda fai o esforzo e participa no concurso de relato curto. Parabéns!

Este mes, ademais, contamos cunha novidade, posto que outorgamos por primeira vez cun Accésit.

Se queredes ler os relatos gañadores, podedes facelo premendo no curso correspondente:

4º A

Accésit 4º A

1º B

Noraboa ás gañadoras e gañador e a seguir participando!

Lembrade que podedes enviar os vosos relatos de decembro ata o 26 de decembro. Esperámosvos!

Felices Festas!!

FRANCIA

XA ESTÁ PUBLICADO NO TABOLEIRO PRÓXIMO A CONSELLERÍA A BAREMACIÓN FINAL DAS SOLICITUDES  PARA PARTICIPAR NESTA CONVOCATORIA

                                 Para alumnado de 1º de Bacharelato que cursa a materia de “Francés”

 PRAZO DE PRESENTACIÓN DE SOLICITUDES: até o martes 28 de novembro, incluído

 As solicitudes presentaranse na Secretaría do IES Pedras Rubias

 Posteriormente haberá un selección dos centros que participarán no programa entre todas as solicitudes presentadas polos centros públicos de ensino galegos.

 a) Características do programa.

 O alumnado que reúna os requisitos correspondentes participará neste programa de intercambio lingüístico en réxime de reciprocidade  coa rexión do Grand Este de Francia durante un período de catro semanas durante este curso 2023/24. Alí acudirá as clases ao centro de ensino asignado e será acollido pola familia dun alumno/a francés. Así mesmo o alumnado participante acollerá no seu domicilio e no seu centro de ensino ao alumnado francés durante outras catro semanas. A cada centro que sexa escollido asignaráselle un máximo de seis prazas.

 b) Público ao que vai dirixido.

  REQUISITOS:

 -Estar matriculado en 1º de bacharelato.

 -Cursar “Francés” neste curso.

 -Ter superadas todas as materias de 4º da ESO.

 -Ter unha nota media mínima de 7 no expediente da ESO.

 -Ter unha nota mínima de 7 na materia de Francés en 4º da ESO.

 -Ter cursado Francés alomenos durante catro cursos ou ter un nivel B1 en lingua francesa.

 -Ademais deberase contar con DNI/NIE ou pasaporte; tarxeta sanitaria de cobertura europea (TSE) ou un seguro de cobertura para o período do intercambio; autorización familiar conforme o Anexo I; aceptar os acordos e compromisos conforme o Anexo IV; e aceptar as bases da presente convocatoria.

 c) Procedemento e criterios de selección.

 Deberán presentarse as solicitudes do alumnado interesado na secretaría do IES Pedras Rubias até o martes 27 de novembro, incluído, presentando a documentación que se indica no punto seguinte.

 Haberá unha comisión que valorará as solicitudes recibidas e clasificaraas por orde de puntuación seguindo os criterios establecidos no Anexo II.

 Publicaranse posteriormente e as seis solicitudes de maior puntuación serán incorporadas a solicitude de Participación no Programa EduMob que fará o IES Pedras Rubias para poder optar a participar finalmente neste programa.

 d) DOCUMENTACIÓN QUE O ALUMNADO DEBERÁ PRESENTAR.

 Cada alumno/a deberá presentar unha única solicitude que inclúa a seguinte documentación debidamente cuberta:

 a) Anexo I. Solicitude de participación.

 b) Anexo II. Baremo, achegando a documentación acreditativa dos méritos alegados que non consten na secretaría do centro.

 c) Anexo III. Declaración de datos de saúde.

 d) Anexo IV. Condicións de participación e obrigas.

 Podes acceder aos diferentes Anexos premendo sobre cada un deles.

A convocatoria completa neste ENLACE.

O venres 17 de novembro a alumna que gañou o 1º premio no 6º Certame Imaxes para o Patrimonio de Recollida de Fotografías do Patrimonio Inmaterial Galego-Portugués, Martina González de 2º A, acompañada do resto de participantes do certame e dos colaboradores do programa de radio do Día das Bibliotecas, acudiu á Facultade de Ciencias do Campus de Ourense para recoller os premios.

O evento integrouse no 6º Congreso Internacional polo 20 Aniversario da convención de Salvagarda do patrimonio cultura inmaterial (PCI) da Unesco e foi conducido por Damián de Ponte... nas ondas! O alumnado premiado fixo lectura dos textos explicativos das imaxes galardoadas.

A festa concluíu cunha actuación de Uxía Lambona e a banda molona, que puxo en pé a un auditorio entregado coas súas animadas pezas musicais.

As imaxes gañadoras poden visualizarse ao completo na seguinte ligazón: VI Certame de fotografía “Imaxes do patrimonio”: As gañadoras! | Ponte... nas Ondas! (pontenasondas.org)

O acto central do magosto, a procesión de mortos por sendeiros da contorna, coa contada de relatos de medo e a degustación de castañas, que estaba previsto inicialmente para o martes 31, día de Samaín, tivo que pospoñerse e, finalmente, cancelarse por causas meteorolóxicas.

No medio de tanta chuvia demos rescatado os contos de medo, que se narraron durante os recreos da semana.

Vídeo 1º A

Vídeo 1º C

Vídeo 1º D

Vídeo 1º E

Vídeo 2º A

Vídeo 2º D

Vídeo 4º B

Parabéns a todos os participantes e moitas grazas pola vosa implicación.

O xurado premiou a aula que mellor respectou as bases da convocatoria e que mellor organizou a actividade atendendo aos 4 aspectos seguintes: calacús, receitas escritas, sobremesas elaboradas e narración de contos de medo.

O grupo gañador resultou 2º ESO A, da titoría de Loli Calvo, que acadou un total de 78 puntos, seguido de 1º E con 66 puntos e de 4º B con 62.

O premio consistirá nunha xornada de xogos populares no patio do instituto acompañada de “chocolatada” na cafetería.

Todo aquel alumnado da ESO de 2º, 4º e o alumnado de 1º de Bacharelato que xa autorizástedes a vosa participación na venta de productos de Nadal deberíades recibir TODA A INFORMACIÓN SOBRE A VENTA destes productos vía guasap nos teléfonos que indicástedes.

Calquera dúbida ou problema pódevos en contacto coa ANPA no seguinte correo: anpapedrasrubias@gmail.com

Datas dos pedidos:

Unha delegación de profesores, alumnos, artistas e portadores do patrimonio cultural inmaterial desprazáronse a Madrid o sábado 28 de outubro, convidados polo Museo Nacional de Antropología, para mostrar o modelo de por Ponte...nas ondas! (PNO!), que foi inscrito no rexistro das boas prácticas co Patrimonio Cultural Inmaterial da Unesco.O acto tivo lugar no Auditorio do museo.

O programa amosou a fórmula de Ponte... nas ondas!: educación, comunicación, patrimonio e tics.

Tres alumnas do noso instituto, Lúa, Ainhoa e Alejandra, habituais de Ondarraia, a nosa emisora escolar,  foron as encargadas de conducir o “radiovisual” como locutoras e entrevistadoras.

Podes ver o programa  no seguinte enlace: Programa

Fotos da xornada

Información no Faro de Vigo e en Código Cero.

A piques de comezar novembro, co cambio de hora feito e á espera de que o tempo nos deixe rematar co Magosto terrorífico, publicamos os relatos gañadores do mes de outubro.

Se queredes ler os que resultaron gañadores, podedes facelo premendo no curso correspondente:

1º B

4º A

Noraboa ás gañadores e a seguir participando!

Lembrade que podedes enviar os vosos relatos de novembro ata o 25. Esperámosvos!

Como anunciabamos recentemente, o 24 de outubro conmemoramos o día das Bibliotecas. 

Por un lado, alumnado voluntario de todos os niveis leu durante o programa especial de radio textos literarios de Luisa Villalta, autora que será homenaxeada nas Letras Galegas 2024. Transmitiuse pola canle de youtube Onda Raia.

Por outra banda, agasalláronse petiscos de lectura.

Moitas grazas a todos os que colaborastes e fixestes posible a conmemoración deste día.