IES de Ortigueira

ESO / Madeira e Moble / Bacharelato / ESA

Datos básicos

Espazo para cubrir as enquisas de convivencia escolar

Premendo no texto en azul podes acceder aos diferentes formularios. Lembra que necesitas a clave facilitada polo centro. 

 

ESPAZO PARA O ALUMNADO DE ESO 

ESPAZO PARA ALUMNADO DE BACHARELATO E FP      

ESPAZO PARA AS FAMILIAS

ESPAZO PARA O PAS           

ESPAZO PARA O PROFESORADO

 

 

Actividade de coñecemento da regueifa

Neste mes de marzo, o alumnado da ESO está a realizar unha actividade interactiva sobre a regueifa, impartida no salón de actos por Carme, unha das  guías do Museo do Pobo Galego. O alumnado tivo a ocasión de coñecer esta manifestación cultural galega e mesmo relacionala con outras máis modernas de características similares e moito calado na xuventude.

A actividade, organizada polo equipo de dinamización da lingua, remata coa composición e interpretación colectiva dunha pequena copla.

 

Proxecto de minisatélite. Iniciativa CANSAT. Bacharelato STEM

 

Un grupo de alumnado de Bacharelato STEM (excelencia en ciencias e tecnoloxía) do IES de Ortigueira participa na Iniciativa CanSat da Axencia Espacial Europea. Este organismo reta aos estudiantes a construir e lanzar un mini satélite, do tamaño dunha lata de refresco. Cecilia Castro, Adrián Ismael Rodríguez, Ismael Álvarez e Álvaro Sampaio forman o grupo, coordinado polos docentes Patricia Hermida, de Tecnoloxía, e Andrés Rodríguez, de Física y Química. 

A maiores do profesorado, o grupo conta coa colaboración, de tres exalumnos do centro: Jana Pernas, Enxeñeira de Telecomunicacións,  que asesora no deseño do sistema de comunicación con Cansat, Sabela Iglesias, Enxeñeira Aeroespacial que colabora nas tarefas de programación, e Borja Cortés, que realiza o traballo de Fin de Grao da mesma enxeñaría e que asesora na construcción do paraídas e na programación en Arduino.

 

Preme AQUÍ para ver a nova na prensa.

Día Internacional da Muller e a Nena na Ciencia

 Unha das actividades planificadas este curso para a celebración do 11F: "Día Internacional da Muller e a Nena na Ciencia" , son os traballos que están a elaborar os nosos alumnos do Bacharelato STEM. A través deles, queren dar visibilidade ás 5 mulleres que eles mesmos escolleron: Alicia Estévez Toranzo, Mae Jemison, Katherine Johnson, María Teresa Miras Portugal e María Soledad Soengas González.

Normas de organización, funcionamento e convivencia

O alumnado deberá coñecer as normas de organización e funcionamento (NOF), e o seu novo ANEXO VI que regula o ensino virtual que pode implantarse no centro nos termos estabelecidos polas normas derivadas da situación COVID 19 e o Título II  da Lei 4/2011 que establece os dereitos e deberes de convivencia a participación directa dos diferentes sectores da comunidade educativa. No Plan de Convivencia (PENDENTE) establecerase o procedemento para acadar este obxectivo.

Descarga AQUÍ o modelo de autorización específico para a participación do alumnado nas sesións de ensino virtual mediante videoconferencia.

 

 

 Publícase aquí toda a normativa relacionada:

 O Real Decreto 732/1995, de 5 de maio polo que se establecen os derechos e deberes dos alumnos e as normas de convivencia nos centros, e a LEI 4/2011, do 30 de xuño, de convivencia e participación da comunidade educativa, que regula dereitos e deberes dos alumnos, profesores e pais. Esta última lei non deroga o R.D. anterior, aínda que si corrixe tódolos aspectos del que a contradigan.

O  Decreto 8/2015, que desenvolve a Lei 4/2011.

Podes descargar aquí o  Documento de constatación de feitos incluido nas NOF, que inclúe o envío á Aula de Convivencia.  

Publícase aquí, como orientación para o profesorado, unha recomendación de secuencia de actuación ante unha medida leve contraria á convivencia no centro.

ENQUISA DE AUTOAVALIACIÓN COVID 19 e DECLARACIÓN RESPONSABLE

Preme AQUÍ para ver a enquisa. Recomendamos que todo o alumnado teña o modelo á man nun espazo visible da casa, pois é necesario facela todos os días.

Preme AQUÍ para ver o modelo de declaración responsable. Todo o alumnado do centro debe entregar ao seu titor/a este documento asinado pola nai, pai ou persoa responsable no caso do alumnado menor de idade.

Plan de adaptación á situación COVID, Plan de acollida e Plan de continxencia

Presentamos AQUÍ para o coñecemento de toda a comunidade educativa, o Plan de adaptación ao contexto COVID. É importante iniciar o traballo co alumnado no coñecemento dos seus aspectos fundamentais e a concienciación colectiva para que a volta ás aulas poida producirse coa maior seguridade. Este documento foi modificado polo director do centro, por proposta aprobada en claustro de 12 de abril de 2021, co fin de eliminar a prohibición de realizar de exames finais fóra do horario lectivo ao alumnado de 2º de Bacharelato.

Tamén publicamos AQUÍ o Plan de acollida ao alumnado no centro para o inicio do curso 2020-2021.

A maiores, publicamos o AQUÍ o Plan de continxencia que ten por finalidade estabelecer os procesos para o ​reinicio da actividade académica presencial ​no caso de que se teña ​interrompido  como consecuencia da aparición dun gromo que supoña o cese da actividade presencial nun aula/etapa educativa/centro. No seu punto 4 inclúe os horarios espello para o ensino telemático.

Información para o curso 20-21 TABOLEIRO COVID

Neste espazo publicaranse normas autonómicas e propias do centro para a preparación e o desenvolvemento do curso 20-21 naqueles aspectos relacionados co pandemia . Avisaremos mediante a aplicación ABALAR para que vaiades consultando este taboleiro.

É importante realizar o necesario traballo de concienciación, no mes de agosto e nos primeiros días de setembro para   que o alumnado entenda desde  os inicios  as particularidades deste curso.

 30 de xullo de 2020

Instrucións do 30 de xullo 2020

 6 de setembro de 2020

Publicado en arquivo adxunto unha modificación ao proxecto de organización de horarios, e outras medidas para o vindeiro curso. Trátase dun documento provisional para o debate e aprobación, se procede,  polos órganos colexiados do centro.

 4 de outubro de 2020  Aclaración da dirección do centro sobre a xestións de gromos, para coñecemento de toda a comunidade educativa.

 1 de novembro de 2020 Plan de ensino virtual 

En base a este plan o IES de Ortigueira elaborará o seu "horario espello" e determinará as condicións e estratexias nas que se desenvolverá o ensino non presencial, no caso de ser necesario aplicalo.

 5 de novembro de 2020

Publicados arquivos adxuntos: 1º Protocolo xeral revisado, 2º Protocolo de actividades extraescolares organizadas por outros organismos e 3º Recomendacións sobre ventilación. 

14 de novembro de 2020

ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E).   

Preme AQUÍ para consultar a orde. Cubre e imprime aquí o anexo I (Solicitude)

 

 

 

ABALAR MOBIL, PARA RECIBIR COMUNICACIÓNS DO CENTRO

Ferramenta para consultar a información do alumnado e recibir comunicacións do centro  a través do teléfono móbil dende calquera lugar, de forma cómoda e rápida. Preme na imaxe para aprender a conectarte. No caso de ter dificultade envía un correo a ies.ortigueira@edu.xunta.gal