Skip to Content

BENVIDA

Acollida ao alumnado dos colexios adscritos

Ao longo da semana pasada  leváronse a cabo visitas informativas  aos colexios adscritos ao noso Centro:

 

A cada un dos centros levamos, acompañados polo noso orientador e por algún membro do equipo directivo, a tres ex-alumnos e alumnas dos mesmos. Hoxe san están no Bacharelato, perohai tan so cinco cursos estaban a vivir as mesmas inquedanzas que os rapaces e rapazas de primaria.

Entre todos e todas tentamos resolver dúbidas, calmar inquedanzas e animar aos nenos de primaria para que o cambio sexa máis levadeiro.

Quedamos emprazados para a semana do 24 de maio. Cada día desa semana visitaránnos os nenos e nenas dun dos coles. Percorrerán o noso Centro e seguirán a aclaran as dúbidas que persistan.

Agardamos que cando chegue o mes de setembro a transición sexa agradable.

Moitas grazas aos coles e ao seu profesorado, que nos acolleron dun xeito marabilloso.

Publicación listaxes provisionais alumnado admitido curso 21-22

As listaxes provisionais de alumnado admitido para o curso 2021/2022 no IES de MOS poden consultarse presencialmente no taboleiro do centro ou na plataforma da consellería admisionalumnado.

Diagnose sobre convivencia

Dende a Administración demándanos que participemos nunha enquisa sobre a convivencia no noso Centro.

O prazo para cubrir dita enquisa remata  o día 29 de abril

O enlace para as familias é o seguinte: https://www.edu.xunta.gal/convfamil

Agardamos a súa colaboración.

Moitas grazas e un saúdo

información do Concello de Mos sobre Educación emocional para as familias

Dende o Concello de Mos infórmannos:

 

O próximo 8 de Abril vaise levar a cabo, online a través de plataforma dixital, unha charla sobre o Impacto emocional da Covid-19 na poboación infantil e adolescente.

 

Esta actividade está organizada en colaboración co Psicólogo Daniel Novoa, con ampla experiencia. É preciso inscribirse, chamando o 986 339 404 ou enviando un mail a educa@concellomos.es, para o día anterior facilitarlle as familias o enlace a plataforma dixital para a charla.

 

II Certame de relato histórico

ESte ano convócase o II Certame Relato Histórico IES de Mos.

Organizan o certame os departamentos de Ciencias Sociais, Lingua Galega, o Equipo de Normalización Lingüística e a ANPA do IES de Mos.

Hai tres categorías para participar:

- 1º, 2º e 3º da ESO

- 4º da ESO, 1º e 2º de Bacharelato

- persoas adultas

Os premios son diferentes vales para mercar na libraría Arte e Ciencia de Mos, un diploma acreditativo, un rolo de papel hixiénico de proximidade dedicado e un libro da Historia de Mos para cada autor ou autora galardoada.

Os orixinais pódense enviar ata o 18 de abril ao correo: certamerelatoiesdemos@gmail.com

Na semana das Letras Galegas, publícaranse as obras vencedoras.

 

 

ADMISIÓN CURSO 2021-2022

 

No documento adxunto a esta publicación ou nesta ligazón poden consultarse as condicións para a admisión de novo alumnado no IES de MOS. Asimesmo, poden consultarse as instrucións no portal oficial da Consellería de Educación.

 

Lémbrase que o prazo para solicitar a admisión remata o 22 de marzo.

 

Mos pola igualdade: Vídeos Tik Tok

O Concello de Mos organiza un concurso de vídeos na aplicación de  TikTok con motivo do 8 de Marzo.

Toda a información na páxina do Concello e en: https://www.mos.es/inscricion-e-bases-mos-pola-igualdade-certame-tiktok

Moitas grazas

Concurso: Facéndoche as beiras

Bases do

I CONCURSO DE MENSAXES DE AMOR

FACÉNDOCHE AS BEIRAS

  1. O concurso está organizado polo EDLG e a Biblioteca do IES de Mos
  2. As mensaxes poden estar acompañadas dunha imaxe. Deberán estar escritas en lingua galega e ser orixinais e inéditas.
  3. O concurso está aberto a todo o alumnado do IES de Mos.
  4. A extensión das mensaxes será de 50 palabras como máximo.
  5. A temática estará centrada no amor.
  6. Haberá tres categorías:
  • 1º Ciclo: 1º e 2º da ESO
  • 2º Ciclo: 3º e 4º da ESO
  • Bacharelato: 1º e 2º Bacharelato

        7. Premios:

  • 1º Ciclo: vale de de 30 € na librería Arte e Ciencia
  • 2º Ciclo: vale de de 30 € na librería Arte e Ciencia
  • Bacharelato: vale de de 30 € na librería Arte e Ciencia

        8. As mensaxes presentaranse ou ben, etiquetándoas na conta de Instagram do EDLG @edlg_mos co #facendocheasbeiras, ou a través do correo electrónico edl.iesdemos@gmail.com.No caso de empregar o correo electrónico, a mensaxe e a imaxe deberán ser entregadas nun ficheiro adxunto en forma de PDF.

      9. O prazo de presentación das mensaxes comezará  unha vez publicadas estas bases e rematará o 28 de febreiro do 2021.

      10. O xurado estará formado polos membros do EDLG e a Biblioteca do IES de Mos e teranse en conta os "gústame" que teña a publicación  no Instagram.

      11. O xurado resérvase o dereito a desestimar toda aquela mensaxe que, baixo o seu xuízo, vulnere o respecto á dignidade da persoa, sexa discriminatorio, xenófobo, racista, pornográfico, ou que atente contra a xuventude e infancia.

      12. A participación neste concurso leva implícita a aceptación destas bases e o veredicto do xurado.

Organizan: EDLG do IES de Mos

Biblioteca IES de Mos

 

Formación para as familias

Estimada Comunidade Educativa do IES de Mos:

Na nosa solicitude  do Contrato-Programa deste curso 2020-2021 solicitamos a liña 01.c: Mellora das competencias clave. Competencias básicas en TICs

Un dos obxectivos que establecimos foi:

"Desenvolver habilidades tecnolóxicas nas familas, alumnado e persoal non docente"

Neste contexto a idea é proporcionar  formación ás familias que o soliciten nas seguintes temáticas:

- Instalación da aplicación Abalar coa que poder ver os resultados académicos dos seus fillos e fillas, porse en contacto co titor/a dos seus fillos/as, concertar citas co profesorado que inflúe na formación dos seus fillos/as...

- Respostas sobre a chave 365 (imprescindible para porse en contacto coa Administración): para que serve, onde obtela e como empregala

- Enviar un correo electrónico e adxuntar en dito correo un correo adxunto.

A idea  é facilitar a formación precisa para establecer contacto con nós a pesar da situación que estamos a vivir.

Dita formación desenvolverase no IES de Mos  e é totalmente gratuita.

Todas aquelas persoas que estean interesadas pode pórse en contacto co IES de Mos.

Un saúdo

A Dirección do IES de Mos

 

Distribuir contido


by Dr. Radut