Premio cocurso Novos Poliedros 4º ESO

O alumnado de Plástica de 4º de ESO participou durante o mes da Ciencia en Galego no Concurso de Novos Poliedros organizado por Igaciencia. 

Entre todos/as construímos a nosa peza nomeada por Damián: OCTAEDRO ESTRELANGULAR, que gustou moito aos organizadores polo acabado en 2 cores e polo complexa que foi a montaxe.

Natalia e Gabrielly realizaron un video de presentación para o Concurso e moitos alumnos/as demostraron ser moi bos compañeiros/as axudando a outros no doblado e pegado das estrelas octangulas.

Pouco despois, recibimos un premio como todos os centros participantes. Foron 100 € que nos encheron de satisfacción; a experiencia valeu a pena.

Na viaxe a Santiago para recoller o premio na Secretaria Xeral de Política Lingüística (SXPL), tivemos tempo para dar un paseo polo casco histórico e ver detalles e recunchos desconocidos, como a sombra do peregrino.

Despois, no acto de entrega, Gabrielly, Damián, Víctor, Isaac e Natalia subiron ao escenario para presentar a figura, un gran reto xa que non preparamos ningún discurso e os nervios….

Todas as figuras do concurso, algunhas feitas en impresoras 3D, estarán expostas no Centro Ágora da Coruña, do 24 ao 28 de xaneiro, dentro da Exposición “Converxencias Arte e Ciencia: Juan Gris”.

Neste enlace podedes ver mais imaxes de todos os participantes no acto de entrega de premios, alumnado desde 1º de ESO ata 2º Bac.