A biblioteca do IES Martaguisela está situada cerca da entrada principal á man esquerda. Mide aproximadamente 105 m², nese espazo distribúense cincuenta postos de lectura e sete equipos informáticos, ademais dun recuncho informal e lúdico. Toda a comunidade educativa, e incluso persoas que non pertenzan a ela, poden levar para a casa por un período de quince días prorrogables libros e DVD. Na sala ademais pódense consultar enciclopedias e dicionarios.
Impártense algunhas horas de determinadas materias como Investigación e tratamento da información. Outras actividades que se levan a cabo son encontros con escritores, exposicións, clubs de lectura (son tres os que se reúnen alí). Tamén parte do alumnado nas súas horas de lecer desprázase á biblioteca para ler, xogar ao xadrez e ás damas, debater sobre libros, pintar, facer deberes, realizar consultas en internet, etc.
Ademais todas aquelas actividades que se desenvolvan partindo da biblioteca aparecerán reflectidas no Plan Anual de Lectura.