O xoves 16 pasamos moi boa tarde gozando desta gala, que foi toda unha festa. Algún agasallo tamén trouxemos para a Arousa… Felicidades polo traballo realizado a todos os centros participantes e noraboa aos gañadores!
Moitas grazas á ENT Dorna pola súa colaboración para realización do vídeo do concurso, e ao Concello da Illa de Arousa por facilitar a nosa asistencia á gala!
O Informe sobre o uso do galego do alumnado do IES da Illa de Arousa presenta unha análise da realidade sociolingüística dos adolescentes da Illa de Arousa, baseada nos resultados de 190 enquisas realizadas no instituto en novembro de 2020.
Trátase do estudo de usos lingüísticos máis completo realizado ata a data no IES Illa de Arousa e permitirá axeitar o deseño das actividades de dinamización lingüística ás principais necesidades da poboación escolar.
Estudo elaborado por Helena Domínguez (Coordinadora do Equipo de Dinamización da Lingua Galega do instituto).
