O alumnado dos ciclos formativos de: 1º e 2º de Comercialización de Productos Alimentarios, 2º de Márketing e Publicidade e de 2º de Xestión de Vendas e Espazos Comerciais - DUAL visitaron o pasado luns 14 de novembro a Feira Etiqueta Negra celebrada en Pontevedra. Trátase dun encontro onde profesionais do sector presentaron alimentos e bebidas de alta gama que se están a facer en Galicia, ademais dos procesos de innovación de productos, sabores e envases.

Este luns 14 de novembro tivo lugar unha nova quedada do club de ciencias do IES A Guía. Nesta ocasión, o alumnado participante rematou a reciclaxe de papel e continuou cos xogos matemáticos ademais de introducirse no mundo da cristalografía empregando distintas temperaturas para levar a cabo a cristalización do azucre.

O alumnado de 1º de Bacharelato de Ciencia e Tecnoloxía do IES A Guía está entre os 5 mellores equipos científicos do reto Challenge STEM, organizado pola Universidade da Coruña.

Ao longo do mes de outubro, case 270 estudantes de bacharelato e da Formación Profesional de toda Galicia competiron para resolver desafíos e enigmas dun buque de metano, o Mozah. Para a resolución do reto, demostraron coñecementos de Matemáticas, Física, Química, Tecnoloxía e de Ciencias en xeral.

Dende o IES A Guía queremos felicitar ao profesorado participante, e por suposto, e moi especialmente ao noso alumnado. PARABÉNS!!!!

O mércores 2 de novembro, o alumnado do 2º curso do CS de Acondicionamento Físico asisitiu á actividade "Handy Gym", un xeito diferente de facer deporte, organizada polo Departamento de FOL (Formación e Orientación Laboral).