blogue deerasmus.aguia

Este mércores contaremos con Daniel Pego, alumno do ciclo superior de comercio internacional que estivo de Erasmus+ este ano en Portugal e que nos vai contar a súa experiencia.

É o momento para informarse das posibilidades que ofrece o programa Erasmus+ e de resolver dúbidas.

Vémonos o mércores 15 no salón de actos do instituto, de 12h a 13:40h.

Bo día,

Para os que tedes dúbidas con respecto a canto cobrariades no caso de irdes de Erasmus+ en ciclos superiores, déixovos esta infografía para que poidades estimar facilmente canto vos tocaría cobrar.

Rematado o prazo de reclamacións e resolta a única reclamación interposta, publícase a listaxe definitiva de alumnado seleccionado para a realización de mobilidades ERASMUS+ así como a listaxe de agarda.

Podedes consultalas aquí

Convócase o proceso de selección de 5 prazas Erasmus+ para profesorado de ciclos superiores na modalidade de job shadowing (aprendizaxe por observación).

Podedes ler o texto completo da convocatoria no arquivo adxunto.

Xa podedes consultar a listaxe provisional de alumnado seleccionado para as bolsas Erasmus+ para Ciclos superiores, así como a listaxe de agarda.

Parabéns a tódalas persoas seleccionadas! E as que quedaron en listaxe de agarda que non se desanimen, que sempre hai baixas, renuncias, etc. Aínda poden ter sorte.

Á volta das vacacións, o luns 16 de xaneiro temos a última fase do proceso de selección ERASMUS+ deste ano: as entrevistas persoais. Aquí podedes consultar a que hora lle toca a cada un.

Boas festas e moita sorte!