Presentación curso 2018-2019. Reunión pais e titores

O mércores 3 de outubro celebraremos as reunións dos titores cos pais dos alumnos dos seus cursos. A presentación do curso por parte da dirección comezará no salón de actos segundo o seguinte horario e continuarán nas aulas de referencia coa reunión dos pais e o respectivo titor dos seus fillos. Estas reunións son importantes, pregámoslles a súa asistencia.

Listaxes provisionais Fondo Solidario de Libros de Texto

Publicadas as listaxes provisionais de admitidos e excluídos do Programa Fondo Libros. Pódese reclamar ata o martes 18. Ese día publicaranse as listaxes definitivas.

Aprobada a participación no programa de intercambio Erasmus+

O noso instituto participará nun proxecto de intercambio con centros doutros países europeos durante os cursos 2018/19 e 2019/20. O IES de Beade contará cun orzamento de 27000 euros para que o noso alumnado visite os centros dos nosos socios -en Italia, Francia e a república báltica de Letonia-, e para recibir aquí aos alumnos deses países.

Axudas Actividades Linguas Estranxeiras

Adxudicación das axudas para a realización de actividades de formación en linguas estranxeiras no ano 2018, destinadas ao alumnado dos centros docentes sostidos con fondos públicos, en réxime de concorrencia competitiva.

Calendario setembro e horarios de exames

Aquí tendes o calendario do mes de setembro, que inclúe os horarios dos exames da concocatoria extraordinaria e, entre outra información, o calendario de matrícula para o próximo curso 2018-2019. Bo verán.

ABAU

Parabéns a todos os "culpables" que conseguiron que o 100% do noso alumnado que se presentou á ABAU (Avaliación de Bacharelato para Acceso á Universiade) superase a proba. Parabéns especialmente aos verdadeiros "culpables": os alumnos e as alumnas.

DELF scolaire (Diploma de Estudos en Lingua Francesa)

Todo o alumnado do noso instituto que se presentou aos exames para conseguir o DELF scolaire (Diploma de Estudos en Lingua Francesa) conseguiu o diploma. 100% de éxito. Moitos parabéns.

Libros de texto curso 2018-2019

Publicadas as listaxes de libros de texto de ESO e BAC ordenadas por curso para o próximo ano académico 2018-2019.

Visita a páxina de descargas

Actividades formativas STEM en lingua inglesa para 3º e 4º de ESO

A Consellería de Educación convoca a STEMweek, actividades formativas STEM en lingua inglesa, (Ciencia, Tecnoloxía, Enxeñaría e Matemáticas), actividades de formación, dirixidas á mellora das competencias en lingua inglesa e da competencia científico-tecnolóxica do alumnado de 3º e 4º de educación secundaria obrigatoria matriculado en centros docentes sostidos con fondos públicos en Galicia.

Folla voandeira 9

Chema, responsable de Normalización e Dinamización Lingüística, vén de publicar un novo número das Follas Voandeiras, xa o noveno, titulada Saber Comer, dedicado á alimentación e as dietas. Merece a pena botarlle un ollo.

Exposición traballos fin de curso

O próximo martes 29 de maio faremos no vestíbulo do instituto a xa tradicional exposición dos traballos realizados polos alumnos ao longo do curso, tanto nos departamentos como nas actividades extraescolares dos martes pola tarde.

Acto despedida alumnado 2º bacharelato

O próximo venres 25 de maio celebraremos un sinxelo pero emotivo acto co gallo da despedida do alumnado de 2º de bacharelato que remata este curso os seus estudos no instituto. A este acto, como xa é tradicional, están invitados, ademais dos protagonistas, os seus familiares e amigos e todo o profesorado e persoal do centro.

Fondo solidario: Axudas para libros de texto e material escolar

Orde do 9 de maio de 2018 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2018/19.

Premios extraordinarios ESO

Publicada a orde do 26 de abril de 2018 pola que se convocan os premios extraordinarios de educación secundaria obrigatoria (ESO) ao rendemento académico correspondentes ao curso 2017/18. Web premios ESO

Calendario fin de curso de 2º de bacharelato

2º de bacharelato. Calendario de fin de curso:

Distribuir contido