Probas de clasificación que se administran para o curso 2023-2024
- Alemán.
- Francés.
- Galego.
- Inglés.
- Italiano.
- Portugués.
Quen se pode inscribir para realizar unha proba de clasificación?
- Novo alumnado que teña coñecementos previos e desexe matricularse na modalidade presencial nun curso distinto de primeiro.
- Antigo alumnado que non estivera cursando estas ensinanzas nos dous últimos cursos académicos na modalidade presencial ou That’s English!; polo que non poderá matricularse nunha proba de clasificación o alumnado oficial dos cursos 2022-2023 nin do 2023-2024. Deberá ter en conta que se o resultado da proba lle da acceso a un curso que xa superou, a proba non terá efecto.
Requisitos das persoas aspirantes
- As persoas aspirantes ás probas de clasificación deben ter dezaseis anos, ou cumprilos antes do 31 de decembro de 2024. Excepcionalmente, se o aspirante ten catorce anos ou os cumpre antes do 31 de decembro de 2024 poderá facer a proba de clasificación dun idioma distinto ao cursado como primeira lingua na ensinanza obrigatoria no curso 2023-2024.
Validez das probas:
- Os resultados son válidos para o curso no que se realizan as probas e o inmediatamente seguinte. Neste caso, os cursos 2024-2025 e 2024-2026.
- As probas teñen validez en todas as Escolas Oficiais de Idiomas de Galicia.
Estrutura das probas:
- Parte escrita: inclúe proba de comprensión lectora, proba de comprensión oral, proba de expresión escrita.
- Parte oral: proba de expresión oral.
Outra información importarnte:
- O alumnado deberá comprobar nos taboleiros do centro as datas e horario das probas. Tamén se publicarán nesta web.
- A incorporación ao curso que determine o resultado da proba estará suxeita á dispoñibilidade de prazas no dito curso na EOI. Esta incorporación non dará dereito en ningún caso á certificación dos niveis inferiores.
- O alumnado que se inscriba nas probas de clasificación terá que realizar tamén a preinscrición no idioma correspondente, se dexexa optar a unha praza no primeiro curso do nivel básico no caso de que non obteña o acceso por proba de clasificación a un curso ou nivel superior.
- O alumnado que xa cursou estudos do idioma e que non se matriculara en réxime oficial nos dous cursos anteriores deberá ter en conta que, se o resultado da proba lle dá acceso a un curso que xa superou nese idioma, non poderá cursalo de novo, polo que o resultado da proba non terá efecto (RESOLUCIÓN do 16 de maio do 2023).
- Normativa aplicable: Orde do 5 de agosto de 2011 [2] (D.O.G. do 18) páxina 23378 e seguintes.