Boa semana familia!

Como xa saberes o venres pasado, 20 de marzo, entramos nas primavera e tivo lugar o equinocio de primavera, é dicir, momento do ano en que o día (as horas de luz solar) e a noite teñen aproximadamente a mesma duración.

Na escola, aproveitamos esta data, para recordar o nome das 4 estacións que temos, que cada unha dura 3 meses e os nomes ordenados dos meses do ano.

Aquí tedes un video que, ás veces vemos na escola, sobre os meses do ano.

 Tamén recordamos que pasa na natureza que temos ao noso redor durante esta estación: as árbores de folla caduca empezan a botar follas e/ou flores, os padros se inundan tamén de plantas e flores novas, algúns animais saen da súa hibernación e todos comenzan a preparar as súas casiñas para atender ás crías que pronto nacerán.

Déixovos unha manualidade moi sinxela e que penso que lles vai gustar aos nen@s relacionada coa primavera.

Como vedes, se trata de pintar con pintura de dedos, témperas ou acuarelas usando bastoncillos. Déixovos 3 arquivos en pdf por si tedes impresora e os queredes imprimir. Se supón, que o voso fillo escolle 1, o que máis lle guste, entre os 3 que ofrezo. Se non, podedes usar calquera debuxo e pintar sobre el.

CONSELLOS PARA O CADERNO

Nos documentos adxuntos tedes 30 fichas seleccionadas para o teu fill@, que teñen por finalidade reforzar e afianzar os obxetivos acadados ata agora. A continuación detallo unha serie de consellos que poden ser útiles para a realización destas tarefas:

1º.- Ofrece estas actividades no posible, durante as primeiras horas da mañá ou despois da siesta. O teu fillo/a estará máis despexado e atento e tamén menos canso.

2º.- Non é recomendable  que faga máis de 2 fichas por día. Entre unha e outra debe haber polo menos, 2 horas de separación.

3º.- Presta atención á postura do teu fillo/a na cadeira, á forma de coller o lapis ou o rotulador e a posición da outra man.

 4º.- Agrupa as fichas cunha grampa, encuadernador ou algún sistema que lle permita  ter un caderno para poder pasar as páxinas e buscar a folla que vai a realizar nese intre. 

5º.-Ofrécelle a actividade seguindo o orden en que están no documento de descarga (foime imposible paxinalas; para a próxima). Siguen un orden pedagóxico.

6º.- Cada ficha vai acompañada dunhas instruccións precisas e ordenadas que deberían seguir.

7º.- Algunhas fichas falan de adhesivos ou gomets, que constitúen unha estratexia lúdica máis para mellorar a motricidade fina, a coordinación óculo-manual, ... Se tedes gomets na casa podedes usalos ou que escriban eles ou o que se vos ocurra.

8º.- Si o teu fill@ xa ten unha lectura comprensiva, anímao a que lea as instruccións da ficha e che explique o que entendeu. Así seguirá avanzando na lectura e comprensión de textos.

9º.- Sempre que poidas permite que o teu fillo/a utilice diferentes materiais: lapis, rotuladores grosos ou finos, ceras duras (tipo plastidecor), lápices de cores, acuarelas, pintura de dedos, ...

10º.- Procura que teña a súa disposición todos os materiais que vai  precisar  en cada momento, incluídos: borrador, pegamento, tesoiras, punzón, almohadiña, ...

11º.- Naquelas fichas onde se pide que resiga unhas liñas discontinuas, números ou letras, é moi importante que o faga seguindo a dirección correcta tal e como sinalan as frechas ou o punto. Non esquezas que estos trazos constituen a base da súa futura escritura.

12º.- Cada ficha debe rematarse poñendo ou resiguindo (en maiúsculas grandes para que lles sexa máis doado) o seu nome. 

13º.- Conserva este caderno cando o remate, para logo levar á escola e facer unha posta en común. Deste xeito o teu fillo/a porá máis interese en realizalos correctamente e ó mesmo 

Orientacións xerais para estes días de encerro.

  Bos días, espero que sigades tódalas familias ben. Eu sen novidade. Como esto ten pinta de alongarse no tempo, eu vou poñer algunhas actividades aqui, pero para non repetirme e acumular enlaces, podedes entrar nos exercicios de Primaria  que recomendan nas outras escolas do Cra e facelos.

  Lembrade sempre o noso lema mais importante:

   Primeiro ler, despois ler, mais tarde ler, cando se termina de ler volver a ler e sempre ler.

  Debedes tódolos días:

     - Poñer a data na libreta.

     - Escribir unha frase longa en cada tempo:

                - Pasado.

                - Presente.

                - Futuro.

         - Rodear os verbos ( Que fai?) e suliñar os suxeitos(Quen fai?).

      - Facer algun debuxo copiado ou inventado por vós.

Como parece ser que ultimamente estase a vender bastante papel hixiénico nos supermercados pois por que non sacarlle algo de proveito ós rolos. Así que, navegando pola rede, a profe Patri atopou esta maravillosa páxina web (handfie) con multitude de ideas para darlle unha segunda vida a este material, dunha forma creativa, e ó mesmo tempo ter entretidos os pequenos/as. E se despois enriba, cos personaxes que creemos, montamos unha pequena representación, xa sería fantástico para a nosa expresión oral.

A páxina web adivina.io ofrécenos unha grande variedade de temáticas do famoso xogo Quen é quen? , dende Ladybug, pasando por Pepa Pig ata Cars podemos escoller aquela que mellor se adapte os gustos dos nosos pequenos/as. Os pasos para xogar son os seguintes:

1º escolleremos o personaxe co noso contricante deberá adiviñar.

2º escolleremos a pregunta que queremos facer empregando os cursores laterais que aparecen antes e despois da pregunta e logo facendo clic no simbolo de ok.

3º contestaremos á pregunta que formule o contrincante cun si ou un non.

Quen será o primeiro/a en adiviñar de que personaxe se trata?

Este xogo permite xogar contra a propia máquina ou tamén en rede, pero para isto último é necesario engadir un nick e esperar a que haxa oponente.

Con este xogo ademais de traballar atención e memoria, dado que  é necesario ler e contestar preguntas, tamén se traballa lectura e comprensión.

Traballar a conciencia fonolóxica é un paso imprescindible para un bo desenvolvemento da lectura, de ahí que cada día na escola se adique tempo a este aspecto. E para que vaiamos practicando un pouco nestes días, déixovos un xogo de Eugenia Romero que traballa os sons ó final de palabra a través da rima. Fai clic na imaxe para ter acceso ó xogo.

A admisión de matrículas paar o vindeiro curso xa está á volta da esquina e por iso convidámosvos a tod@s os que queirades, a visitar as nosas escolas o luns 11 de marzo en horario de 12 a 13:30. Podedes coñecer calquera delas ou mesmo todas e ver tanto as instalacións como o xeito de traballar nas mesmas. Ven a coñecer un xeito diferente de facer escola, ven a coñecer a escola rural, unha escola para educar en familia!!!

Na tarde de onte, no Palacio de Fonseca, o noso CRA recibiu un recoñecemento de excelencia e calidade educativa  no ámbito da potencialización da relación coas familias. Este premio veu da man de Familias Mundi co seu presidente e catedrático á cabeza Don Agustín Dosil, encargado de facerlle entrega do recoñecemento á directora do centro, dona Mª Elena García que ata Fonseca se acercou con unha representación do profesorado, xunto con Yolanda Neira, anterior directora e que tamén tivo moito que ver na relación existente entre este centro e as familias. Tampouco faltaron representantes da ANPA, entrantes e saintes, e que entre todos fan que sexa moi doado traballar coas familias en xeral e os nenos e nenas en particular. O recoñecemento é para tod@s, familias e mestres, os que están e os que marcharon pero que sempre permanecerán e que fan posible, que co seu bo facer e ser, o CRA Boqueixón- Vedra "Neira VIlas" teña premios de esta altura. Lóxicamente, un agradecemento aos concellos de Vedra e Boqueixón pola entrega e traballo que amosan para coas nosas escolas no día a día. Esto sólo pode convertirse en seguir dando o mellor de nós para que repercuta no mellor que ten o CRA...os nosos nenos e nenas.

Facendo clic na primeira imaxe,na que a directora ensina o diploma, veredes o momento máis importante da tarde e a intervención de Elena.

Comeza o tempo de sementar e neste centro xa nos puxemos mans á obra nas hortas das nosas escolas e mesmo nas casas veciñas. Entrementres, este curso estamos inmersos nun proxecto mediambiental sobre o coidado e conservación dos nosos montes. Porén, levamos a cabo unha plantación de 30 castiñeiros que o distrito 3 de ordes, do servicio de preveción de incendios nos fixo chegar e o concello de Boqueixón, que puxo todas as facilidade spara levar a cabo a plantación nese terreno e e memso fixo achegar a motobomba, unha das auténticas atraccións da xornada. Facendo clic na seguinte imaxe poderedes ver un resumo do que fixemos no epicentro do CRA e que é a testemuña da unión das escolas de Boueixón e Vedra, O Pico Sacro.

Acabamos de empezar o ano e xa botamos a andar a nosa horta para a vindeira primavera- verano. Deste xeito e como non podía ser de outra forma, reciclamos material para levala a cabo. Porén, aproveitamos botellas de cinco litros de auga para enchelas de terra, fixémoslles un buratiño, sementamos nelas as prantas que escollimos para esta tempada, regamos e incluso fixemos un traballo de lectoescritura para saber que plantas imos ter en cada botella. Primeira parte feita pero isto non queda aquí e asegurámosvos que isto promete.....Seguiremos contándovos!!! Ata pronto...

No seguinte enlace podedes ver os libros e materiales das distintas escolas para o vindeiro curso. Bo Verán a tod@s!!

https://www.dropbox.com/home/BA%C3%9AL%20DO%20CRA/MATERIAL%2018-19

A Consellería de educación vén de publicar  a Orde do 9 de maio pola que se regula a participacipación no fondo solidario de libros de texto, e se convocan axudas para adquirir libros de texto e material escolar para o curso 2018/19 (DOG do 21 de maio)

Prazo de presentación: do 22 de maio ao 22 de xuño de 2018.

Alumnado destinatario: alumnado matriculado no curso 2018/19 en  1º e 2º primaria 

Clicade nos documentos adxuntos para acceder aos anexos e para ampliar a información.

PROCESO DE ADMISIÓN 2018-2019

 DESCARGA A INSTRUCIÓNS

DESCARGA A OFERTA DE VACANTES POR ESCOLAS

 Á HORA DE PRESENTAR A SOLICITUDE HAI DÚAS OPCIÓNS: 

Pódese cubrir a solicitude de xeito telemático ou ben descargar o Modelo ED550B(arquivo pdf editable) e cubrilo e logo imprimilo ou ben imprimilo e cubrilo a man.

 A) OPCIÓN TELEMÁTICA

CUBRIR A SOLICITUDE A TRAVÉS DA APLICACIÓN

 B) OPCIÓN DE DESCARGA DE DOCUMENTO

 DESCARGA E IMPRIME A SOLICITUDE (EDITA O PDF E IMPRIME OU IMPRIME E CUBRE A MAN (Non é preciso cubrir as follas 3 e 5 da solicitude polo momento- sería necesario facelo máis adiante no caso de ter que baremar-)

* A SOLICITUDE IMPRESA ESTARÁ TAMÉN DISPOÑIBLE NAS ESCOLAS E NA SEDE DO CRA.

 HORARIO E LUGAR DE PRESENTACIÓN DAS SOLICITUDES

 ESCOLAS  DO CRA ( Camporrapado, Lestedo,Sarandón, San Fins, San Xián, Sergude)

Tódolos días de 9 a 14

SEDE DO CRA BOQUEIXÓN- VEDRA (Vilar s/n- Lestedo)

• MARTES 16:00-18:00
• MERCORÉS: 9:00-14:00

Teléfono de Contacto:  616440471

 DOCUMENTO PARA DESCARGAR PARA A RESERVA DE PRAZA