Abril 2016
Xornada de Sensibilización sobre as Enfermidades Mentais
O alumnado de 4º da ESO participou nunha Xornada de Sensibilización sobre as Enfermidades Mentais, impartida pola asociación A Creba. Nela tratouse de facerlle ver ao alumnado que as persoas con enfermidades mentais sofren unha patoloxía similar a outros enfermos crónicos, no sentido de que, despois dun correcto diagnóstico, poden levar unha vida normal en sociedade coa axuda da medicación. Non levan pois, unha etiqueta identificativa na súa fronte, e calquera persoa pode chegar a padecer unha enfermidade mental.
Xornada de Sensibilización sobre a Discapacidade e o Deporte Adaptado
Nesta ocasión o alumnado de 4º da ESO tivo unha xornada sobre deporte e discapacidade. Foi impartida por ADECO-DEA en colaboración coa asociación MISELA. Nela interviu o presidente de ADECO-DEA, José Barrio, quen relatou as súas propias vivencias no eido do deporte adaptado. Tamén interviron outras profesionais, como unha psicóloga e unha terapeuta ocupacional, que se encargaron de dar unha visión detallada dos beneficios do deporte a nivel psicolóxico e terapeútico.
BOTANDO CONTAS EN EDUCACIÓN FÍSICA
Fixemos un circuito!! Un circuito matemático! así acabou a clase de educación física de 2ºB, unha tarde que pasou nun suspiro.
Foi emocionante ver como o alumnado conectaba o xogo coas matemáticas.
O circuito tiña seis postas, durante a actividade eran libres de ir ás que quixeran, pero sempre gardando o turno se esa posta xa estaba ocupada. Cada unha tiña unha puntuación atendendo ós acertos de execución, que eles tiñan que ir anotando nunha ficha individualizada.
Bechos
A nosa clase encheuse de bechos! Temos que fumigar! Esperade….que son de plastilina! Fixemolos nós, cas nosas manciñas. A que parecen de verdade?
Ángulos
Seguimos traballando as Matemáticas con obradoiros manipulativos. Nesta ocasión fixemos un ángulo recto na porta da clase.
Deseñando o teu futuro
O martes 12 de abril o alumnado de 2º, 3º e 4º da ESO recibiu unha charla dun Técnico de Información Xuvenil da Xunta de Galicia para informarlles da posibilidade de realizar estadías en empresas entre 5 e 15 días durante o verán, cos seguintes obxectivos:
Prevención do acoso escolar
No segundo trimestre desenvolveuse unha xornada informativa co alumnado de 3º da ESO destinada á prevención do acoso escolar e mellora da convivencia no noso centro educativo.
Prevención da Violencia de Xénero e Doméstica
Con motivo da celebración do día Internacional contra a Violencia de Xénero, celebrado o 25 de novembro, o alumnado de 2º e 3º da ESO recibiu unha charla da Garda Civil na que se lle informou dos principais indicadores de violencia e control cara as mulleres, especialmente na adolescencia.
XOGANDO A ENSINAR
O alumnado de 3º B viviu unha nova experiencia cun pequeno proxecto cos nenos e nenas de infantil A, traballamos con eles unha clase de Educación Física.
Fixemos pequenas postas de habilidades motrices coordinativas onde os alumnos de 3ºB tiñan que ensinarlles como se realizaban os xogos, previamente traballados en clase: organización espacial e desenvolvemento destes con práctica.
A través do circuito por tempos foron pasando pouco a pouco, e todos disfrutaron de cada xogo coa axuda dos profes de 3ºB.
PREME NA FOTO PARA IR Á GALERÍA!
ESPERAMOS QUE VÓS GUSTE!
 |
|
