CPI Antonio Orza Couto

O 28 de novembro o alumnado de 4eso realizou unha visita, organizada polo departamento de Tecnoloxía ás instalacións do CESGA e o IGFAE, no campus sur De Santiago. 

No CESGA (Centro de Supercomputación de Galicia) o alumnado puido acceder ás instalacións do súpercomputador Finisterrae e o computador cuántico de recente instalación. 

No IGFAE ( Instituto Galego de Física de Altas Enerxías) diversos investigadores mostraron i explicaron ao alumnado algúns dos proxectos de investigación, de física de partículas, nos que colabora a institución. 

Moi agradecidos pola boa acollida e as explicacións recibidas!!

A pasada semana, o alumnado de 1º a 4º ESO tivo  coñecemento do deporte da Esgrima.

Nas sesións impartidas por @piesgrima a rapazada descubriu o sistema de puntuación, o equipamento e o material eléctrico, ademais de nocións básicas para poder disfrutar e experimentar algún asalto. Marchar, romper, ataque con fondo e ata o contrataque e a parada/resposta.

O material alternativo de plástico, permite facer algún asalto, tan só coa roupa deportiva e unha careta, pero as sesións rematan sempre cun asalto coas equipacións e o material eléctrico. As luces e o marcador, deciden quen gaña en cada clase.

O día internacional dos dereitos da infancia celébrase o 20 de novembro.  No noso centro celebrarémolo co título de: "Día da infancia e da acollida".  

Para visivilizar tal conmemoración todo o alumnado poderá trar ese día un peluche ao colexio.

En Infantil e Primaria realizaremos un mosaico-quebracabezas.   As nenas e nenos portarán as pezas para construílo.

En Secundaria farase un mural no que cada alumno e alumna colocará as figuras que fixeron na materia de Educación Plástica e Visual, uns bonecos en pixama.

Todos os menores teñen dereito a medrar en familia!

O 3 de novembro o alumnado de 4º de ESO e o alumnado de Educación dixital de 3º de ESO acudiu ao III Encontro Galego de Ciberseguridade na Cidade da Cultura.

Organizado polo Nodo galego de ciberseguridade CIBER.gal, é o evento de referencia en materia de ciberseguridade en Galicia, que aglutina a expertos na materia e divulgadores profesionais. Ademais, acolle actividades destinadas a toda a sociedade galega.

Os pasados xoves e venres 26 e 27 de outubro, o alumnado de secundaria asistiu ao espectáculo teatral "O pequeno Poni" da man de Redrum Teatro e do Centro Dramático Galego no Salón Teatro en Santiago de Compostela.

"O pequeno Poni" é un espectáculo dirixido por Álex Sampayo con texto de Paco Bezerra.  Baseado en feitos reais, trata o acoso escolar e a aceptación da divesidade nas aulas.

Esperamos que o aproveitasen e o disfrutasen ao máximo.

Eu, para ti, quería unha pirámide

A poeta galega Míriam Ferradáns visitará o CPIP Antonio Orza couto o vindeiro 9 de novembro a través do programa “Encuentros Literarios” solicitado polo Departamento de Lingua Galega e Literatura do CPIP Antonio Orza Couto en colaboración coa Biblioteca Xosé Neira Vilas do noso centro. Este programa está organizado polo Ministerio de Cultura y Deporte e pola Dirección General del Libro, del Cómic y de la Lectura.

A poeta bueuesa, concretamente da parroquia de Bon, en Beluso, conta cunha intensa actividade poética, tanto na publicación de libros como Nomes de fume (traducida ao catalán e castelán), Habitar unha casa ou Agosto, que recibiron diversos premios literarios, como na doutros textos soltos, charlas, obradoiros e xurados. Ademais recibiu sendos premios xornalísticos polos textos Dalias e Un maínzo de sal, publicados en Sermos Galicia - Nós Diario.

Mírian conversará co alumnado de 4ESO sobre o seu proceso creativo e a súa obra e achegará así un anaquiño da intensa produción poética de grande calidade que está asentada xa hai tempo no espazo galego e que verte poesía a outras linguas. Pero sobre todo será unha oportunidade para o noso alumnado de achegarse á persoa e á poeta que será quen de transmitirlle o valor da palabra e do silencio  na poesía, na escrita e na lingua galega.

Para celebrar o Samaín no noso centro organizamos un concurso de sombreiros. Usade a vosa imaxinación para elaborar o sombreiro do voso personaxe fantástico ou aterrador. Dámoslle a benvida a todos os seres propios desta festa: bruxas, meigas, trasgos, etc.

Haberá premios para os mellores!

O próximo domingo 29 de outubro temos programada una actividade moi interesante.

Un roteiro arqueolóxico polo noso concello a cargo da empresa TEMPOS ARQUEÓLOGOS e coa colaboración do Concello de Boqueixón

Para anotarvos non tedes máis que cubrir o seguinte formulario

https://docs.google.com/forms/d/1nQQ65D0eTJDA600YQpkP-ROWhurTzySguRUgJJJcmLk/edit 

Animádevos

A directiva da ANPA O Forte

Hoxe chegou nova información da Consellería sobre digitalweek que poñemos á disposición das familias. Temos un dossier informativo que adxuntamos (é similar ao que xa se repartiu na reunión da titoría). Ademais entregamos hoxe na clase as fichas de inscrición para o alumnado que recollen información importante e as debidas autorizacións que deben ser asinadas. Cada centro recibiu unha hora de entrada e saída, no noso caso a entrada é o domingo 22 ás 19:00 horas e a saída o sábado 28 ás 13:00. 

O vindeiro luns pola tarde teremos unha reunión no centro coas familias. 

- Información sobre Digitalweek

- Ficha de incscrición

Estimadas familias:

A actividade de Fútbol Gaélico que ven sendo desenvolvida no noso centro, vai a pasar a ser xestionada dende o mes de outubro de 2023 a través da ANPA O Forte, nas mesmas condicións nas que se viña prestando ata o de agora ( con adestradores do Clube Estrela Vermella e en colaboración coa Asociación Galega de Fútbol Gaélico. Prxecto Gaélico Escolas).

É unha actividade destinada ao alumnado de Secundaria e 5º e 6º de primaria.

Os horarios da actividade serán os seguintes:

• Luns: de 17:30 a 19:00h
• Mércores: de 16:00 a 17:30h

Para inscribirse na actividade debedes cumprimentar o seguinte formulario:

https://docs.google.com/forms/d/e/1FAIpQLScFK0Q899898FV7YaxqxgWXCkyjLfMboxNWe__fhfgOZtXN4Q/viewform?usp=sf_link

no que deberedes adxuntar o documento de autorización de domicilización bancaria (vale foto)

O prezo variará en función dos días de asistencia á actividade:

Un día: 10 €

Dous días: 15 €

Tódalas actividades teñen un recargo de 5€/mes para as familias non socias.

Aquí tedes un recordatorio do enlace para facervos familias socias: 

https://docs.google.com/forms/d/1PJuqGuLfu01yhIluDVO2XTKgfW78_qwnFmbi6emd7Go/edit?usp=drive_web

Información das actividades extraescolares para este novo curso 23/24:

Estamos preparando para ofertar tamén a actividade de futbol Gaélico para 5º e 6º de Primaria e secundaria. Xa vos informaremos cando se poña en marcha.

Custe das actividades:

Cociña: 25 € mes.   Grazas á colaboración do Concello de Boqueixón, durante a actividade, todo o alumnado disporá dun portaalimentos para o transporte das elaboracións que terá que devolver ao final de curso
Pandeireta: 20 € mes
Judo: 15 € mes
Fútbol sala: 20 € mes
Zumba: 20 € mes
Novas Tecnoloxías e mecanografía: 25 € mes
Baloncesto: 20 € mes

A partir da inscrición nunha segunda actividade por familia descontarase 2€ por actividade. Tódalas actividades teñen un recargo de 5€/mes para as familias non socias.

Datas importantes:

- Prazo de inscrición: ata o luns 25 de setembro.

- Publicación das extraescolares nas que se formou grupo (mínimo 8): xoves 28 de setembro.

- Comezo das actividades: luns 2 de outurbro.

- Fin das actividades: venres 31 de maio.

Enlace para a inscripción nas actividades (é preciso cubrilo ainda que xa cubrirades a enquisa de interese enviada o 1 de agosto):  https://docs.google.com/forms/d/1oS-5KjVgMOXPiDRqFf-AT1y_Z64LO1fppY_pWfqyO38/edit

Recordade que tedes que cubrir o documento adxunto para autorizar a domicialización bancaria e subilo cando cubrades o formulario (vale cunha foto)