XVII CONCURSO INTERNACIONAL DE CRIADORES DA MODA en Vila Verde (PORTUGAL)

XVII CONCURSO INTERNACIONAL DE CRIADORES DA MODA en Vila Verde (PORTUGAL)

 

 

 

O pasado día 14 de febreiro de 2020, día dos namorados, tivo lugar a GALA NAMORAR PORTUGAL, XVII CONCURSO INTERNACIONAL DE CRIADORES DA MODA en Vila Verde

Vila Verde é a terra onde o amor acontece e onde se celebra o San Valentín dun xeito moi especial. Nesta noite romántica, o 14 de febreiro, o Parque Industrial de Gême recibe a centos de parellas namoradas e varias celebridades nacionais para unha velada chea de maxia, sentimento e glamour, a Gala Namorar Portugal.

 

Cea romántica, decoración especial para o día, exhibicións de bordados en directo, desfile de moda e espectáculos de música en vivo...... 

 

O CONCURSO INTERNACIONAL DE CRIADORES DA MODA é o evento máis importante da programación "FEBREIRO, MES DO ROMANTICISMO" está organizada polo Municipio de Vila Verde, co apoio da Aliança Artesanal - Lenços Namorar Portugal.

 

A nosa ex-alumna do Ciclo Superior de Patronaxe e Moda, Maite Sueiro Hermida participou no concurso. Presentou un precioso vestido. Trátase dunha peza feita totalmente a man con moito amor. É un deseño sinxelo que combina a fermosa esencia dos panos de namorar coas cores vivas que caracterizan Portugal.

 

 

Este vestido presenta un escote palabra de honra, sen ombros e con goma. Conta cun volante na parte superior, rematado cunhas ondas bordadas no baixo de cor vermella. A parte inferior combina estampado con pintura e bordados e presenta tamén ondas no baixo. Ten un lixeiro evasée o longo e un pouco por enriba do xeonllo. O vestido, ademais, está forrado no seu interior.

O tecido principal é un popelín de algodón, nembargantes o tecido do forro é un tafetán de poliéster de brillo sedoso, ámbolos dous en cor branca.

 

O outfit vese complementado por unha diadema de tea feita a man, uns zapatos de cor vermella e un orixinal bolso encarnado, con forma de corazón con detalles metálicos.

A pesares que non levou ningún dos premios xa que o nivel foi moi alto, Maite gozou moitísimo da experiencia. Maite cóntanos que estivo moi interesante, aprendeu moito, e tamén disfrutou xa que ademais do desfile, a Gala incluía actuacións musicais, exhibicións de bordado en directo, ademais da cea. Estivo XENIAL¡¡¡

 

As nosas felicitacións Maite, de parte da familia téxtil do CIFP Manuel Antonio.

 Velaquí temos á Maite Sueiro Hermida, a protagonista desta publicación e autora dese precioso deseño.

 

 

 

Os gañadores desta edición 14 febreiro 2020 foron:

1º Prémio: Cátia Rascão

2º Prémio: Escola Secundária de Vila Verde

3º Prémio: Paula Neves (Atelier Horas a Fio)

Prémio do Público: Maria Conceição Silva

Prémio Jovem Revelação: Oriana Valentina Quinteiro (Escola Secundária Marques de Castilho – Agrupamento de Escolas de Águeda)

Prémio Nortempresa: Fernando Rei

Prémio Impacto Visual: Orlando Ventura

Prémio Delta: Mariana Martins (CEARTE)

Prémio BMCar: Sérgio Sá

Prémio Best Fit: Ana Sousa, Diana Ferreira, Diogo Ferreira, Carlos Carvalho e José Ferreira (Escola Profissional de Felgueiras)

 

Máis información do evento:

 

http://namorarportugal.pt/pt