Internet como recurso na área de lingua galega
Diagrama de temas
-
O curso pretende amosar as posibilidades da web na área de lingua galega dende ver técnicas de busca eficaz e tratamento da información ata ver adquisición de recursos e materiais extraídos da rede, blogs, wikis, podcast, posibilidades de Moodle como recurso na aula de Lingua e literatura, etc. En Moodle ofrécese unha mostra de dúas unidades.
-
O uso de recursos telemáticos nas aulas de lingua e literatura, igual que nas outras, é algo ocasional. Sería necesario, pois, establecer un plano de uso. Ao deseño deste plano de uso pretenden contribuír estas actividades.
-
Na ligazón que aquí incorporo podemos atopar toda a información que Loli Cid nos achegou sobre os wikis na área de lingua e literatura dende características, métodos de elaboración, exemplos, etc.
-
Román Landín amósanos As posibilidades didácticas da web 2.0 para o desenvolvemento da comunicación lingüística en galego.
Esta ligazón que aquí incorporo vaivos levar a un wiki no que están á vosa disposición todos os materiais e ferramentas que presentou Román Landín no desenvolvemento das súas sesións. Aquí atoparedes Agregadores, Aplicacións Multimedia, Narracións Dixitais, Mapas Conceptuais, Liñas do Tempo, Práctica Glogster, Práctica Mapvivo, Práctica GoAnimate, Práctica Mindomo e Práctica TimeRime -
Tratamento da información e competencia dixital.
Aquí atoparedes unha reflexión sobre a busca de información en internet e unha serie de ferramentas que ofrecen as TIC para xestionar eficazmente dita información. Esta presentación corresponde á sesión impartida por Javier Pintor.
-
Recursos TIC de alta rendibilidade e Lecturas na rede para outras lecturas
Neste apartado podedes atopar todas as aplicacións (lembrade Symbaloo), materiais e recursos que presentou Pilar Ponte nas súas sesións do curso. Todo este material pódese ver e acceder a el no seguinte enderezo:
http://aprofa.blogspot.com/p/recursos.html