CEP Lois Tobío

Á parte do traballo de aula sobre a conmemoración do 8M:

no Blogue da Biblioteca tedes toda a información sobre o 8-M no noso centro. Podedes acceder premendo na seguinte fotografía.

Un Pasapalabra online sobre as mulleres na nosa localidade e a visita de Vicente Míguez Salgueiro para charlar co alumnado de cuarto, quinto e sexto foron algunhas das actividades no centro.

 O prazo para presentar solicitudes de admisión para novo alumnado ábrese o día 1 de marzo e estenderase ata o 20 do mesmo mes.

As solicitudes poderán presentarse presencialmente no centro, en Sede Electrónica ou ben a través do seguinte enlace:

https://www.edu.xunta.gal/admisionalumnado/

Para calquera dúbida, pódese acudir ao centro educativo.

 Normativa de aplicación:

• Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Calendario de aplicación:

1. Publicación de postos escolares vacantes.

2. Prazo de presentación de solicitude de admisión: do 1 ao 20 de marzo.

3. Prazo de presentación da documentación acreditativa dos criterios de baremo: 10 días hábiles, contados a partir do día seguinte ao remate do prazo para presentar as solicitudes de admisión.

4. Publicación das listaxes provisionais do alumnado admitido e non admitido: o 25 de abril.

5. Prazo de reclamación contra as listaxes provisionais: 5 días hábiles, contados a partir do seguinte á data de publicación das listaxes provisionais do alumnado admitido e non admitido.

6. Publicación das listaxes definitivas do alumnado admitido e non admitido: o 15 de maio.

7. Prazo para formalizar a matrícula en educación infantil e primaria: do 20 ao 30 de xuño.

Vacantes para o curso 2023/2024

Despois de que xa hai case un mes se anunciaran os gañadores e as gañadoras da fase local do Concurso de Poesía de Nadal 2022 resultando premiados por parte do noso alumnado Anne López Ferraz (categoría A, ata 8 anos) e Ashley Michelle Montera Barrero, Lucía Sanjurjo Iglesias e Inés Mariño Gómez (categoría B, de 9 a 12 anos) recibimos a nova de que Anne recibiu un accesit na fase provincial do concurso. Parabéns a Anne e ao resto de participantes. A seguir creando!

Deixamos por aquí un album de fotografías da xornada de onte, album que iremos completando con aportacións que aínda nos están a chegar. Ademais un vídeo resumo.

A Asociación Ancas veu impartir unhas charlas sobre seguridade viaria ao alumnado de cara a poder implementar os Camiños Seguros no centro. Para iso tamén levaron unha breve enquisa sobre a aituación actual para ter claras as vías de actuación futuras.

Coma cada ano seguiremos os mandados do Meco durante toda a semana. Na seguinte imaxe podedes ver todos os mandados ata o xoves, xa que o venres será a hora dos disfraces!

Velaquí o vídeo resumo da IV Carreira Solidaria do centro. 

Grazas pola colaboración de alumnado e familias.

Por un erro na gravación non sae a totalidade do alumnado pero agardamos que o vídeo sexa representativo da xornada que vivimos ese día.

Este pasado xoves o alumnado do centro entregou todos os produtos recadados na IV Carreira Solidaria ao persoal da Cruz Vermella que repartirán entre as familias coas que traballan.

Grazas a todo o alumnado e familias pola súa xenerosidade. Nas seguintes fotos podedes ver a enorme cantidade doada. Grazas.

Grazas á solidaridade do noso alumnado e as súas familias comezan a tomar forma os nosos recunchos solidarios con alimentos e produtos de primeira necesidade que serán doados á Cruz Vermella con motivo da nosa Carreira Solidaria que será (só se o tempo o permite) o vindeiro luns 30 de xaneiro.

GRAZAS!

Lembrades que os dous cursos de terceiro fixeron un Rap? Contámovolo no seu momento aquí

Pois xa nos enviaron os resultados e son inmellorables!

Na seguinte páxina poderedes escoitar os do noso alumnado (os dous primeiros) e o de resto de centros polos que pasou a "xira escolar" do programa Rapeando.

https://juanmalodo.bandcamp.com/album/rapeando-obradoiro

O vindeiro día 30 de xaneiro celebraremos, co gallo do Día Escolar pola Paz e a Non Violencia, a nosa Carreira Solidaria. 

Moi pronto colgaremos toda a información pero, polo momento, alumnado de segundo explica en que consiste esa carreira lembrando a edición anterior.

Dende o CEP Lois Tobío desexámosvos unhas moi felices festas de Nadal!

O alumnado de primeiro recibiu hoxe unha visita moi especial. O Apalpador visitou o colexio para contarnos o conto "A castaña máxica". Tamén nos agasallaron cunha canción sobre o Apalpador. O noso pequeno alumnado devolveulles o agasallo cantándolles unha panxoliña.

Grazas aos residentes e encargados da Residencia DomusVi por esta visita.

O coro infantil do CEP Lois Tobío, que botou a andar a mediados do pasado outubro con 30 nenas e nenos do centro, ofrecerá a súa primeira actuación o vindeiro día 5 de decembro co gallo da inauguración do Belén xigante no adro da Igrexa de Santa María. Agardámosvos alí con toda a ilusión!

O pasado venres conmemoramos a data do 25N deseñando actividades por aulas e creando dous murais que agoran lucen que cada un dos edificios do centro. Cada aula pegou os seus paxaros nos murais para facer unha obra colaborativa.

Deixamos un pequeno album ao que iremos engadindo fotografías: