Notas informativas

Un ano máis participamos no Programa escolar de consumo de froita, hortalizas e leite nas escolas co obxectivo de fomentar os hábitos saudables.

Ofreceráselle ao alumnado froita de tempada (do 16 ao 27 de xaneiro) e leite (do 23 de xaneiro ao 17 de febreiro).

E non esquezades botar unha ollada na entrada do colexio ao noso reto saudable do mes.

Comunicamos a posta en marcha da actividade de Contratos-programa Recupéra-T que establece medidas de reforzo docente a través dos programas:

-Arco (cofinanciado polo Fondo Social Europeo a través do Programa Operativo de Emprego, Formación e Educación 2014-2020 do Ministerio de Educación e Formación Profesional) destinado para alumnado de 4º e 5º de Primaria, durante o 1º trimestre do curso 2021-22.

-PROA+ (Programa para a Orientación, Avance e Enriquecemento Educativo 2021-2023 cofinanciado polo Ministerio de Educación e Formación Profesional e pola Unión Europea no marco do Mecanismo de recuperación, transformación e resiliencia) destinado a alumnado de 6º de Primaria, durante todo o curso 2021-22.

Comezamos coa entrega dos libros de préstamo asignados ao alumnado de 3º, 4º, 5º e 6º. Para unha mellor organización e para evitar, na medida do posible, as aglomeracións no centro educativo envíamoslles a continuación o horario para a recollida dos libros de texto de:

As familias de 3º e 4º poderán recoller os seus libros o martes, 7 de setembro, co seguinte horario e lugar de recollida. A recollida a deberá facer soamente unha persoa (pai, nai ou persoa autorizada). Enlace ao documento de autorización

As familias de 5º e 6º poderán recoller os seus libros o mércores, 8 de setembro, co seguinte horario e lugar de recollida. A recollida a deberá facer soamente unha persoa (pai, nai ou persoa autorizada). Enlace ao documento de autorización

*O profesorado titor do alumnado de 3º e 5º de primaria contactará coas familias para comunicarlle o grupo asignado ao seu fillo/filla.

SAMAÍN

Estimadas familias,

o vindeiro venres, 30 de outubro, o alumnado que queira vir  disfrazado NON poderá traer ningún tipo de accesorio, nin na man, nin na cabeza, nin nada sobre o rostro (careta, maquillaxe...). É dicir, soamente a roupa do disfraz.

Por suposto, non esquezades a mascarilla!!!!!

Un saúdo

O equipo directivo

Estimadas familias.

O equipo do profesorado do CEP Celso Emilio Ferreiro está a preparar a volta ás aulas tentando que sexa o máis segura posible. Somos coñecedores de todas as incertezas que se vos plantexan e tentaremos ir dándolle resposta.

Son moitas as normas que imos ter que cambiar para evitar aglomeracións e posibles contaxios, o documento que nos guía na elaboración do noso Plan de adaptación á situación COVID-19 no curso 2020-2021 é o protocolo editado pola Xunta do 22 de xullo e modificado posteriormente o 31 de Agosto, o cal poñemos á vosa disposición no seguinte enlace.

Grazas pola vosa colaboración.