Biblioteca

Hoxe, o alumnado de 1º a 4º, tiveron a sorte de contar con Luis Vallecillo, un artista multidisciplinar madrileño de nacemento e galego de adopción. Fantástico músico, cantautor, dramaturgo e titiriteiro.. Con el cantamos e aplaudimos ao ritmo de cancións que nos lembraban a autores como Manuel María ou Rosalía de Castro. Pasámolo moi ben!

Este xoves 21 de marzo tivemos a sorte de contar coa presenza do autor Xabier Domínguez que escribiu xunto con Alba de Evan un fantástico cómic “Miquits” para os cativos de 2º curso.

Xabier ensinounos a través dunha presentación e varios vídeos como é o proceso de creación dun libro e a cantidade de persoas que están implicadas neste proceso.  A súa orixinalidade cautivou ao alumnado, que tivo moitas preguntas sobre os personaxes. Tamén nos sorprendeu co lanzamento da segunda parte de “Miquits” que sairá arredor de setembro. Por último, fixo unha firma de libros e o alumnado entregoulle varios debuxos como agradecemento.

SERVIZO DE BIBLIOTECA

A partires do día 2 de outubro a biblioteca permanecerá aberta polas tardes en horario de 16:00 a 18:00, agás os martes. Infórmase aos usuarios de que poderán facer devolucións e empréstitos dos libros, lectura, emprego de ordenadores... Todo o alumnado deberá estar acompañado en todo momento dun adulto responsable que se fará cargo do seu coidado, agás o alumnado de 5º e 6º que teña autorización para abandonar só o centro escolar.