Skip to Content

Visita de Gonzalo Aguiar

Mar, 07/05/2024 - 18:45 — admin2

No día de hoxe, o noso alumnado tivo a sorte de compartir unhas verbas co ciclista Gonzalo Aguiar. Este vigués converteuse no primeiro galego olímpico grazas á súa participación non Xogos de Seúl de 1988. 

Moitas grazas Gonzalo Aguiar!!!

 

 

 

Becas NEAE

Xov, 02/05/2024 - 13:35 — admin

Cultivando bacterias

Ven, 26/04/2024 - 18:12 — admin2

No día de hoxe, o alumnado de 5º e 6º tivo a sorte de contar coa visita da Doutora en microbioloxía Ana González Abril. Coa súa guía, realizáronse diferentes experiencias de cultivos de bacterias presentes en diversas superficies como froitas, estropallos, iogures e incluso nas mans.

Así mesmo, puideron comprobar o resultado de numerosas mostras achegadas pola científica.

Todo un mundo en miniatura!!!

 

Visita da autora Ledicia Costas

Mér, 24/04/2024 - 14:04 — admin2

Onte o alumnado de sexto tivo a gran sorte de contar con Ledicia Costas na nosa biblio ( e aínda por riba, coincidindo co Día do Libro).

 
Compartimos con ela anécdotas, ideas...e unha morea de gargalladas.
 
Tras leren a "Escarlatina" quedamos agora con ganas de seguir lendo moitas máis historias desta marabillosa autora.

Día do Libro - Apadriñamento lector

Mar, 23/04/2024 - 17:19 — admin

Hoxe, 23 de abril, conmemoramos o Día do Libro convertindo o patio nun espazo de lectura onde o noso alumnado puido desfrutar ao aire libre da actividade de apadriñamento lector. Este ano os máis pequenos foron os mestres e mestras de cerimonia e escolleron un libro para lerllo ao alumnado dos cursos superiores que, en agradecemento, lle entregou un marcapáxinas que elaboraron como agasallo.

Gozaron da lectura en compañía e fixeron novos amigos e amigas. Feliz Día do Libro!

 

Visita da autora Amalia Pérez

Mar, 23/04/2024 - 09:14 — admin

Co gallo do Día do Libro, a cativada de 3º, 4º e 5º asistiu a un obradoiro de creación literaria impartido pola escritora e profesora Amalia Pérez Otero. Nel puideron escoitar e ser partícipes de historias engaiolantes. Tamén colleron as rendas literarias para escribir un libro de seu.

Moitas grazas, Amalia, pola túa visita! Agardamos volver verte axiña!

Celta Zorka Recalvi

Ven, 19/04/2024 - 11:51 — admin2

Hoxe o clube de baloncesto feminino Celta Zorka Recalvi, que xoga na liga feminina Endesa, visitou ao noso alumnado de 4º e 5º de Ed. Primaria. Ao centro acudiron a adestradora (Cristina Cantero) e mailas xogadoras Murjanatu L. Musa e Maimouna Haidara. Aproveitaron para xogar con eles un pouco e achegarlles o gusto polo deporte e ademáis agasalláronnos cun sorteo de camisetas e entradas para esta fin de semana.

 

Quiñones de León

Mér, 17/04/2024 - 12:40 — admin2

No día de hoxe, o alumnado de 5º visitou o pazo Quiñones de León onde o profesorado da Escola de Música Municipal de Vigo nos deleitou con unha ruta guiada cargada de historia e música de diferentes estilos. 

O salón coa súa escaleira de estilo inglés, a cociña de diario, a biblioteca e o gran comedor foron algúns dos espazos onde sonaron pezas clásicas de Beethoven e  Schubert, ou outras máis modernas como o o Inspector Gadget ou a Familia Adams.

Como remate da visita houbo un pequeno paseo polos xardíns do pazo.

Escola Municipal De Música De Vigo | Esmuvigo | Vigo

Obradoiro de primeiros auxilios

Mér, 10/04/2024 - 12:52 — admin2

Onte o alumnado de 6º de primaria, participou nuns Obradoiros de primeiros auxilios que impartiu o alumnado de Bacharelato do IES Álvaro Cunqueiro. Aprendemos moitas nocións e coidados para previr accidentes e actuar ante lesións. Foi una xornada marabillosa!

 

 

 

Visita a Apípolis

Mér, 03/04/2024 - 12:50 — admin2

O venres 22 de abril o alumnado de 3º e 5º fixo unha saída a Apípolis para celebrar a chegada da primavera.
Alí puideron participar en distintas actividades relacionadas co mundo apícola, tales como: visitar un apiario, cociñar bolachas de mel, facer unha candea con cera e facer un percorrido guiado por unha pequena exposición sobre as abellas e as súas curiosidades.
Tivemos un tempo marabilloso e foi unha experiencia estupenda!
Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut