Lembrámosche que dende o pasado luns 9 de setembro temos activa unha campaña de recollida de sinaturas de xeito conxunto coa ANPA Os Gudiños do CEIP ADR Castelao co fin de reclamar o mestrado necesario para as nosas escolas.

Se queres contribuír coa túa firma, os puntos de recollida de sinaturas en Taragoña son: Libraría Pazos, MercaMás Taragoña, estación de servizo Valcarce de Taragoña (Soto) e Aliprox Taragoña.

Deixamos nos ficheiros que atoparedes ao final deste artigo as listaxes definitivas de alumnado usuario de comedor e extraescolares. O contrasinal para abrilos será o mesmo ca o que se vos facilitou por abalar para as listaxes provisionais.

Podedes consultarnos calquera dúbida ou problema a través do grupo de socixs ou por correo electrónico ao enderezo anpa.cep.brea.segade@edu.xunta.gal.

O luns 16 o alumnado que participou na protesta proposta pola ANPA (máis dun 95% do total) iniciará o curso con normalidade. Tamén se abrirá dende ese mesmo día o servizo de comedor (máis información no apartado Comedor e en redes sociais). Dende a ANPA agradecemos o enorme esforzo e apoio tanto das familias coma da Dirección do centro.

Seguiremos adiante coas nosas reivindicacións, coa mesma enerxía e empregando todos os medios ao noso alcance para conseguir o mestrado necesario para a escola.

Dende a ANPA do CEP Brea Segade convocamos para mañá, venres 13 de setembro, ás 09:30h, unha PROTESTA á que invitamos a toda aquela persoa, asociación ou entidade que empatice coa nosa situación.

NON IMOS CONSENTIR QUE A CONSELLERÍA DE EDUCACIÓN NOS IGNORE DESTE XEITO: SE NON NOS OEN, BERRAREMOS MÁIS. QUEREMOS MESTRXS PARA A NOSA ESCOLA!!

Dende a ANPA do Brea Segade temos a intención, coa axuda das familias, de NON LEVAR AXS NENXS ÁS ESCOLA O DÍA 11 DE SETEMBRO, tanto en terceiro de primaria coma no resto de cursos.

LEMBRAMOS QUE A CONSELLERÍA DE EDUCACIÓN NOS DENEGOU UN/HX MESTRX DE EDUCACIÓN PRIMARIA PARA ATENDER O DESDOBRAMENTO DA UNIDADE DE TERCEIRO E UN/HX MESTRX DE AUDICIÓN E LINGUAXE A TEMPO COMPLETO PARA ATENDER AO ALUMNADO NEE E NEAE. 

A ANPA volve convocar CONCENTRACIÓN no CEP BREA SEGADE para o PRÓXIMO LUNS, DÍA 9 DE SETEMBRO, ás 20:00h, co fin demandar xs mestrxs que o alumnado do centro necesita e informar ás familias das novas actuacións que dende a ANPA propoñemos para o inicio do curso, e que pasarán por NON ENVIAR AXS NOSXS FILLXS Á ESCOLA, PORQUE SEN MESTRX NON PODE HABER CLASE.

INFORMACIÓN SOBRE O BONO CONCILIA FAMILIA

Estamos á espera de que abra o prazo para solicitar o bono deste ano, polo que de momento descoñecemos as bases.

O bono solicítase á Xunta, que é quen o concede, polo que en todo caso hai que presentar a solicitude que facilite a Xunta a tal efecto cando abra o prazo, xunto coa documentación que esta determine nas súas bases.