Artigos

O PECHE DO COLEXIO EN MARZO POLO COVID-19 IMPEDIU O HABITUAL CONCERTO DIDÁCTICO DA BANDA DE MÚSICA DE SALCEDA NO COLEXIO ALTAMIRA. NO SEU LUGAR ENVÍANNOS OS SEGUINTES VÍDEOS, COA SEGUINTE PRESENTACIÓN:

Dende a Escola de Música de Salceda de Caselas, enviámosvos dous vídeos realizados polo noso alumnado con todo o agarimo, co fin de achegarvos ó que podería ter sido un concerto didáctico, que nestes intres desgraciadamente non é posible ofrecervos de xeito presencial. Coas gravacións acercarédesvos a todos e cada un dos instrumentos que podedes estudar con nós na Escola, así que animádevos e desfrutade coa música o vindeiro curso.

O Cep Altamira despide o curso 18/19 con viaxes, festas de aula e a xornada de xogos de auga como ven sendo costume. Pero este ano o alumnado foi sorprendido cunha experiencia inesperada: un grupo de 18 mestr@s representou en dous turnos a obra de teatro "A MERLA BRANCA", orixinal do dramaturgo Cándido Pazó, unha homenaxe á tolerancia e contra a discriminación. Mais dunha hora co público entregado ás emocións da escena e á sorpresa de ver aos seus mestr@s convertidos en actrices e actores. Altamira, unha vez máis,: escola de vivencias e emocións. Aí vai o vídeo.