Entre o 4 e o 8 de marzo estivemos a conmemorar a semana da prensa, unha conmemoración de gran importancia debido a relevancia dos medios de comunicación no noso día a día.

Grazas ao xornal, a radio, a televisión, etc enterámonos do que sucede ao noso arredor, pero... toda a información que nos achegan os medios de comunicación é verídica?

Aínda que hoxe en día acceder ás noticias dun xeito globalizado é moi doado grazas a Internet, tamén vivimos nunha época de desinformación, é dicir, información falsa difundida deliberadamente co fin de enganar a xente mediante bulos, falacias, manipulación de titulares, noticias sesgadas...

Este é un problema ao que o noso alumnado se terá que enfrontar no seu futuro, xa que na era dixital na que vivimos é moito máis fácil manipular a información.

Por este motivo, consideramos que é moi importante traballar o pensamento crítico do noso alumnado.

Para conseguir esto, ideamos a realización dun xornal do noso cole con diversas noticias. Clica aquí para poder lelo.

Agora é o voso turno! Debedes adiviñar se son verdadeiras ou se quixemos contar algunha fake news.

Ademais, o alumnado de 5º e 6º foi o encargado de decorar o Taboleiro das conmemoracións. Neste caso, realizaron un mural con titulares positivos extraídos de diversos xornais. Toda a semana estiveron a traballar ca prensa na aula.

O 8 de marzo conmemórase o Día Internacional da Muller co fin de reivindicar os seus dereitos e procurar unha igualdade real de xéneros.

O 8M como día internacional da muller foi adoptado pola Asemblea Xeral da ONU en 1977, aínda que dous anos antes xa o empezaba a conmemorar. A súa orixe está nas manifestacións das mulleres que, especialmente en Europa, reclamaban a comezos do século XX o dereito ao voto, mellores condicións de traballo e a igualdade entre mulleres e homes.

Pola importancia de dito día, organizamos diversas actividades co fin de sensibilizar ao noso alumnado sobre esta temática. A primeira actividade era unha "saída de campo" ao centro do noso Concello para coñecer a todas as mulleres que traballan en diferentes establecementos da nosa localidade. Poñendo en valor así, o papel da muller no desenvolvemento socioeconómico. Desafortunadamente, debido ao mal tempo tivemos que aprazar a saída ata novo aviso.

Tamén, nos acompañou neste día Sara, a filla da mestra de Infantil, que lles estivo a explicar aos máis cativos do cole os símbolos do sexo feminino e masculino.

Moitas grazas, Sara, por vir compartir un ratiño con nós!

Outra das actividades que realizamos foi a elaboración dos nosos propios símbolos do sexo feminino en cartolinas moradas que decoramos con adxectivos positivos hacia unha das mulleres da nosa vida. Baixo o lema "Eu véxote así"

A verdade é que é precioso mirar a través dos ollos da infancia. Mostraron mensaxes moi bonitas hacia as súas nais, avoas, tías, mestras, amigas...

O alumnado levou a súa propia creación para entregarlla a súa destinataria.

Logo de facer esta tarefa, na hora de ler acudimos a biblio a realizar unha lectura grupal sobre o conto A historia dos bonobos con lentes de Adela Turín e Nella Bosnia da Editorial Kalandraka no que se relata como vivían os bonobos: eles comían, viaxaban e modernizábanse mentres elas recolectaban comida e criaban a prole. Pero os bonobos non aceptaban que as bonobas tamén puideran aprender e evolucionar.

  Ao finalizar a lectura, realizamos un pequeno debate sobre a igualdade de xénero.

Todxs aqueles que quixeron compartiron cxs seus compañeirxs a quen lle adicaran a actividade "Eu véxote así" de forma oral como remate do día.

Con esta iniciativa tamén, contribuímos a traballar o cuarto e quinto ODS.

O alumnado de 1º e 2º de primaria na materia de Ciencias da Natureza estivo a traballar a clasificación do reino animal.

Comezamos a unidade falando das características deste amplísimo reino. Visualizando diferentes vídeos, realizando lecturas e chuvias de ideas sobre os nosos coñecementos.

Pouco a pouco fomos interiorizando todos os conceptos relacionados con este apaixoante mundo. Ata chegar a saber a diferenza entre animais vertebrados e invertebrados. Coñecendo as características de cada subgrupo.

Realiazamos investigacións na nosa biblio coas tabletas.

Ademais, o noso compañeiro Enzo García, trouxo un xogo de preguntas sobre estes seres vivos. Pásamolo moi ben! Grazas Enzo!

Unha vez que tiñamos toda a materia interiorizada comezamos a elaborar o noso propio lapbook de resumo do tema. Os lapbook (cuxa tradución literar é libro de lapelas) é unha especie de caderno despregable na que o alumnado pode interactuar cos contidos du maneira máis visual e máis atractiva.

Grazas a eles, o alumnado plasma o aprendido empregando a súa creatividade o que lles permite aprender dun xeito moito máis práctico.

Favorece a comprensión da información e a estructuración e síntese das ideas principais.

O resultado final é xenial!! Mirade!!

Materiais recuperados de: amestraCris https://oblogdamestracris.blogspot.com/

Destinado ao alumnado que vai cursar 4º de Educación Infantil ou para alumnado que cambia de centro.

 CAL É O PRAZO DE PRESENTACIÓN? 

O prazo de presentación de solicitudes é do 1 de marzo ao 20 de marzo (ambos incluídos).

 COMO PODO REALIZAR DITO PROCESO?

O proceso de admisión poderase facer telematicamente a través da aplicación admisionalumnado da Consellería de Educación ou ben entregando cuberto o Anexo II (ED550B) no centro. 

 Na seguinte ligazón poderás consultar o calendario de admisión.

 Podes consultar as vacantes ofertadas para o curso 2024-2025 pulsando aquí.

 A documentación que debes achegar coa solicitude é a nomeada aquí. 

NOTA: Todos os impresos citados anteriormente están a disposición de forma impresa no centro, podedes recollelos en horario de 10 a 16.30 horas. 

NORMATIVA RELACIONADA CO PROCESO

-DECRETO 13/2022, do 3 de febreiro.

-ORDE do 21 de outubro de 2022.

-Resolución do 27 de febreiro de 2024.

Ante calquera dúbida:

 982870095 

 ceip.rosalia.boveda@edu.xunta.gal

Os catro participantes de 6º de primaria que saíron elixidos entre os seus compañeiros de curso están a participar no programa titulado Ecopreguntoiro da emisora Radio Voz no que participa SOGAMA. Un concurso escolar que se vén celebrando dende hai varios cursos na nosa comunidade.

 Se clicades na imaxe accederes á web da emisora. Imaxe recuperada das RRSS de Radio Voz

A finalidade desta iniciativa é fomentar actitudes de respecto e sensibilización hacia á educación ambiental. Nela participan 16 centros, que se van enfrentando uns contra outros de maneira virtual e en directo, de modo eliminatorio no denominado Ecopreguntoiro.

Temos a sorte de aunciarvos que superamos a primeira fase deste certame!! Gañamos pola diferenza de cinco puntos ao noso contrincante, un CEIP da provincia de Pontevedra, aproveitando os rebotes. Puxéronnolo complicado, pero as nosas gañas e toda a ilusión que temos levounos a preparanos moitísimo para esta primeira rolda. Estábamos nerviosísimos!!

Todas as preguntas amóldanse ao temario impartido neste curso, de ahí que soamente poidan participar catro alumnxs de 6º.

En principio, o día 5 de abril emítese en Radio Voz a nosa participación. Xa vos avisaremos por se hai novas. Agora xa estamos preparándonos para a seguinte quenda!

Ademais, de todo isto, este curso Radio Voz introduce unha nova modalidade participación: o Ecosaúdo, no que os alumnos dan a coñecer un pouco mellor cada colexio participante. Ahí vos deixamos o noso, esperamos que vos guste.

Moitas grazas Aurora, Luisa, Daniela e David polo voso esforzo e traballo!

Tamén, queremos agradecer a labor da mestra da Ciencias da Natureza, Iria, e do mestre de Ciencias Sociais, Adrián, que están a traballar con moita ilusión nesta actividade.

NORABOA COMPAÑEIRXS!!! ESTAMOS CON VÓS!!!

Este xoves acudimos ao Centro Sociocultural do noso Concello para realizar un obradoiro de trampas para as avespas asiáticas, comunmente coñecidas como "velutinas".

Para realizar esta actividade acompañáronnos Paula, xerente de Mieles Anta e Mohamed, apicultor experimentado da empresa.

Eles, explicáronnos todo o relacionado con este apaixoante mundo. Comezaron, falándonos das características das abellas e da problemática cas velutinas.

A continuación, visualizamos un vídeo sobre o proceso de fabricación do mel e sobre a ameaza que supoñen as avespas velutinas na natureza.

Despois, Mohamed estivo a esinarnos o traxe de apicultor e todos os instrumentos necesarios para o seu traballo.

Ensináronnos tamén, como recollen o polen das patiñas das abellas e algunha velutina.

Ata probamos mel directamente do panal! Estaba deliciosa!

Por último, puxémonos mans a obra para realizar as nosas propias trampas de velutinas e poder capturar moitas nesta tempada. Empregamos o seguinte material:

-1 botella de plástico

- Cordón

- Algún instrumento para facer dous buratiños na botella

Para finalizar, vertemos dentro da botella a mestura do líquido atraente das velutinas. Deixámosvos por aquí a receita por se queredes facer máis:

- 100 ml de agua

- 50 gr de azucre

- 1 sobre de atraente específico

Cada alumx levou para a súa casiña a trampa que elaboraron. Ademais, a empresa Mieles Anta deunos diferentes trampas para poñer nas árbores da nosa zona verde e así, intentar estar libres de velutinas.

Mieles Anta tamén obsequiou a todo o alumnado e profesorado do cole cun detalliño moi especial.

Se clicades sobre a imaxe poderedes acceder á noticia publicada no xornal La Voz de Galicia sobre dita actividade.

 Moitas grazas a Mieles Anta, pola súa labor, e ao Concello e as familias por idear e organizar esta actividade!

O xoves día 7 de marzo a partir das 11.00 horas estás convidadx a acercarte ao noso cole e pasar un ratiño con nós. Anímate e ven a coñecernos!

E, por que debes elixir o noso centro? A continuación ofrecémoste numerosos motivos para elixirnos...

  Este curso escolar, a aula de Infantil está levando a cabo o proxecto "Protagonista da semana" que permite abordar os obxectivos e contidos

da educación infantil dunha maneira atractiva, dinámica e interesante. Ademais de incidir na formación dunha autoestima positiva, axústase

de maneira especial ás características individuais de cada nenx e facilita a implicación familiar.

Durante unha semana, todas as actividades realizadas na aula xiran ao redor do alumno ou alumna que lle corresponda ser protagonista e

realizamos un libro con documentos e imaxes delas: fáiselle unha pequena entrevista, amosa e explica fotos da súa vida, debuxámolx,

medímolx, pesámolx, contamos cousas sobre el/ela, etc;  e recibimos na aula á súa familia.

Cada familia organiza a visita do xeito que prefira traendo á aula unha actividade preparada dende a casa.

Deixamos aquí algunhas imaxes das actividades realizadas ata o momento.

Moitas grazas familias pola vosa participación e implicación!

Sodes xeniais!!

Sesión de cancións e xogos coa familia de Valentina:

Sesión de maquillaxe coa familia de Miley

Coñecemos a "Limón" a chinchilla de Xila.

Contos coa familia de Theo.

Xogos de mesa coa familia de Dylan.

Obradoiro de arxila, contos e música coa familia de Maia.

E, neste curso, aínda quedan moitas semanas de protagonistas por diante cheas de sorpresas e ideas marabillosas que poñer en práctica.

Grazas as familias por axudarnos a crear unha comunidade educativa aberta e participativa!!

Continuamos coas sesións de Ioga na aula de Infantil.

Nesta ocasión, e como o mal tempo non nos permitía saír fóra, realizamos unha sesión de relaxación con pouca luz, música suave e incienso.

Experimentamos diferentes sensacións táctiles con bolas de xel e discos de masaxe.

Para rematar, escoitando música clásica, representamos libremente as sensacións experimentadas nun mural colectivo que pintamos no chan.

Pasámolo xenial aínda que a nosa roupa tamén quedou decorada coas pinturas (je,je).

Antes de que rematase o outono procedimos a recolectar as lufas do noso horto escolar para poñelas a secar.

A lufa é unha planta da familia das cucurbitáceas á que tamén pertencen froitos moito máis coñecidos como a cabaza, a cabaciña, o cogombro ou o pepinillo. Orixinalmente, trátase dunha planta de procedencia tropical aínda que hoxe en día xa se cultiva en España con moi bo rendemento.

Comezamos esta tarefa, realizando unha investigación sobre este vexetal. Empregamos as sesións de Proxecto Competencial en 3º e 4º de primaria para recompilar información e, mediante a aplicación de edición gratuíta Canvaelaborar un pequeno libro sobre o cultivo e uso das lufas para a nosa biblioteca. Deste modo, tamén melloramos as nosas competencias dixital e de aprender a aprender.

Deixamos as lufas a secar durante varios meses e, o pasado xoves acudimos a ver como seguían e se xa estaban listas para recoller a semente e aproveitar a pulpa para facer esponxas naturais.

Neste caso, foi o alumnado de 1º e 2º o encargado de levar a cabo dita tarefa.

A recolecta de semente foi moi doada de realizar, abrimos un pouquiño a lufa por debaixo e comezaron a caer todas as sementes. Mirade!

A continuación, gardámolas nun bote para sementalas cando chegue o bo tempo.

A continuación, estivemos a ver un vídeo no que se explicaba o proceso de cultivo e a época idónea do ano para o sementado. Tamén, estamos a traballar cos contos que vedes a continuación para aprender moito máis sobre o noso horto.

Nas pŕoximas semanas traballaremos cas lufas para conseguir as esponxas.